CBSE Term 2 exam 2022: સેન્ટ્રલ બોર્ડ ઓફ સેકન્ડરી એજ્યુકેશન, CBSE ટર્મ 2ની પરીક્ષા 26 એપ્રિલથી દેશના વિવિધ કેન્દ્રો પર શરૂ થઈ ગઈ છે. આજે એટલે કે, 27મી એપ્રિલે 10 ટર્મ 2 અંગ્રેજીની પરીક્ષા હતી જે પૂરી થઈ ગઈ છે. ધોરણ 10 અંગ્રેજીની પરીક્ષા સવારે 10:30 થી 12:30 દરમિયાન લેવામાં આવી હતી. પરીક્ષા પૂર્ણ થયા પછી, વિદ્યાર્થીઓ આન્સર કી (CBSE 10th English Answer key)ની રીલીઝ થવાની રાહ જોઈ રહ્યા છે. એવી અપેક્ષા છે કે, બોર્ડ સત્તાવાર વેબસાઇટ (CBSE Exam) પર ધોરણ 10 અંગ્રેજી આન્સર કી 2021-22 પ્રકાશિત કરશે. CBSE ટર્મ-2 બોર્ડની પરીક્ષા માટે 35 લાખથી વધુ વિદ્યાર્થીઓએ નોંધણી કરાવી છે. ધોરણ 10 CBSE ટર્મ 2 ની પરીક્ષા સમગ્ર દેશમાં 7,406 કેન્દ્રો પર લેવામાં આવશે.
1 CBSEની સત્તાવાર વેબસાઇટ cbseacademic.nic.in ની મુલાકાત લો.
2 હોમપેજ પર પ્રશ્નપત્ર ટેબ પર જાઓ.
3 CBSE વર્ગ 10 અંગ્રેજી સાહિત્ય અને ભાષાના પ્રશ્નપત્રો અને આન્સર કી શોધો.
4 ટર્મ-2 માટે CBSE ધોરણ 10 અંગ્રેજી સાહિત્ય અને ભાષાની આન્સર-કી PDF ફોર્મેટમાં ઉપલબ્ધ હશે.
5. CBSE વર્ગ 10 અંગ્રેજી સાહિત્ય અને ભાષાઓ ટર્મ -2 આન્સર કી 2022 ડાઉનલોડ કરો.
6 ભવિષ્યના સંદર્ભ માટે CBSE વર્ગ 10 અંગ્રેજી સાહિત્ય અને ભાષા 2021-22ની જવાબ-કીની પ્રિન્ટઆઉટ લો.
ધોરણ 10ની પરીક્ષા 29 દિવસ માટે લેવામાં આવશે, જે 24 મેના રોજ સમાપ્ત થશે. ધોરણ 12ની પરીક્ષા 51 દિવસ ચાલશે અને 15 જૂને સમાપ્ત થશે. બોર્ડના એક વરિષ્ઠ અધિકારીએ જણાવ્યું કે, ધોરણ 10માં સીબીએસઈ 75 વિષયો માટે અને ધોરણ 12માં 114 વિષયો માટે પરીક્ષાઓ લેશે.
અધિકારીએ જણાવ્યું કે, જ્યારે 7,406 કેન્દ્રો પર 21.16 લાખથી વધુ ઉમેદવારો ધોરણ 10ની બોર્ડની પરીક્ષા આપશે. તે જ સમયે, 14.54 લાખ ઉમેદવારો 6,720 પરીક્ષા કેન્દ્રો પર ધોરણ 12 બોર્ડની પરીક્ષા આપશે. દરેક વર્ગમાં માત્ર 18 વિદ્યાર્થીઓને જ બેસવાની મંજૂરી આપવામાં આવી છે. શાળાઓને કોવિડ-19થી પીડિત વિદ્યાર્થીઓ માટે અલગ રૂમ આપવાનું કહેવામાં આવ્યું છે. પરીક્ષાઓ કોવિડ પછી લેવામાં આવી રહી છે, બોર્ડે તેની સરળ કામગીરી માટે તમામ વ્યવસ્થા કરી છે.
વધુ સમાચાર વાંચવા માટે અમારી ટ્વીટર કોમ્યુનિટીમાં જોડાવા અહીં ક્લિક કરો