Amazonનાં હિટલરની મૂછો અને ચહેરા જેવા દેખાતા નવા લોગોને યુઝર્સે ટ્રોલ કરતા કંપનીએ ફેરફાર કર્યા

એમેઝોને(Amazon) તેના નવા એપ્લિકેશન લોગોની ડિઝાઇન બદલી છે. ડિઝાઇન માટે તેના ગ્રાહકો તરફથી મળેલા નકારાત્મક પ્રતિસાદ પછી કંપનીએ આ પગલું ભર્યું છે. ઘણાં સોશિયલ મીડિયા યુઝર્સે એમેઝોનના આ નવા આઇકનને હિટલરની મૂછો ચહેરા સાથે જોડ્યું હતું.

નવું એપ આયકન આ વર્ષે જાન્યુઆરીમાં લોન્ચ કરવામાં આવ્યું હતું. આમાં, બ્રાઉન કાર્ડબોર્ડ બોક્સની ટોચ પર કંપનીની સિગ્નેચર સ્માઈલ જોવા મળી હતી અને ટોચ પર વાદળી રંગની ટેપ દેખાઈ હતી. લોકોએ તેને હિટલર સાથે જોડ્યું હતું. વિવાદ સર્જાતા હવે એમેઝોને તેના એપ્લિકેશન આયકનની ડિઝાઇન બદલી છે. અપડેટેડ એમેઝોન એપ્લિકેશન આયકનમાં વિવાદને ટાળવાનો પ્રયાસ નજરે પડે છે, હવે તે બ્રાઉન કાર્ડબોર્ડ બોક્સ પર ટૂથબ્રશ મૂછોને બદલે, વાદળી ટેપ નીચે વાળવામાં આવી છે અને બાકીની ડિઝાઇન અને કંપનીની સિગ્નેચર સ્માઈલ અગાઉના સમાન છે.

બ્લુ રંગની ટેપ ડિઝાઇનને યુઝર્સ દ્વારા ટ્રોલ કરવામાં આવી હતી
આ સમગ્ર વિવાદની શરૂઆત આ વાદળી રંગની ટેપની ડિઝાઇનથી થઈ હતી. ઘણાં સોશિયલ મીડિયા યુઝર્સે એમેઝોનના આ નવા આયકનને હિટલરની મૂછો અને ચહેરા સાથે જોડ્યું હતું, જ્યારે ઘણા લોકોએ કંપનીને લોગોની રચના વિશે ફરીથી વિચાર આપ્યો હતો. કંપનીએ આ નવો લોગો 25 જાન્યુઆરી 2021 ના ​​રોજ તેની એપ્લિકેશન પર અપડેટ કર્યો હતો, જેના પછી તેના પર સવાલો શરૂ થયાં હતાં. નોંધપાત્ર વાત એ છે કે ટૂથબ્રશ ડિઝાઇનની મૂછોને મૂળરૂપે ચાર્લી ચેપ્લિન જેવા હાસ્ય કલાકારો દ્વારા 1900 ના દાયકાની શરૂઆતમાં લોકપ્રિય બનાવવામાં આવી હતી, જોકે તે હંમેશાં એડોલ્ફ હિટલર સાથે સંકળાયેલું રહ્યું હતું,

મિન્ત્રાએ પણ લોગો બદલવો પડ્યો
ઇ-કોમર્સ વેબસાઇટ મિન્ત્રાએ પણ તાજેતરમાં તેનો લોગો બદલ્યો છે. કંપનીનો લોગો મહિલાઓ માટે ‘વાંધાજનક’ ગણાવાયો હતો અને આ મામલે મુંબઈ સાયબર ક્રાઇમ પોલીસમાં કેસ પણ નોંધવામાં આવ્યો હતો. આ પછી, કંપનીએ લોગો બદલવાનો નિર્ણય લીધો છે.