રિલાયન્સ રિટેઈલમાં અમેરિકન કંપની KKR ૧.૨૮ ટકાની ભાગીદારી માટે રોકાણ કરવા જઈ રહી છે. સૂત્રો અનુસાર KKR ભારતના સૌથી મોટા ઉધોગ સમૂહમાં ૫૫૫૦ કરોડનું રોકાણ કરશે. આ ડીલ રિલાયન્સ રિટેઈલના રૂપિયા ૪.૨૧ લાખ કરોડના વેલ્યુએશન મુજબ કરવામાં આવી રહી છે.
આ અગાઉ અમેરિકાની પ્રાઈવેટ ઇન્વેસ્ટમેન્ટ કંપની સિલ્વર લેકએ રિલાયન્સ રિટેઇલ માં 7500 કરોડ રૂપિયાનું રોકાણ કર્યુ હતુ. સિલ્વર લેકએ કંપનીમાં 1.75 ટકાની ભાગીદારી ખરીદી છે. રિલાયન્સ જે ક્ષેત્રમાં ડગ માંડે છે તે માર્કેટમાં ક્રાંતિ લાવવા જાણીતી છે. મુકેશ અંબાણીના નેતૃત્વમાં બજારમાં અગ્રીમ શ્રેણીમાં બિરાજમાન રિલાયન્સ ઇન્ડસ્ટ્રીઝમાં આ રિટેઇલ બિઝનેસમાં બીજું મોટું રોકાણ છે.KKR સાથે હિસ્સેદારીથી રિટેલ સેક્ટરમાં રિલાયન્સ રેટાઇલ પોતાના હાલના માર્કેટ લીડર એવા એમેઝોન અને વોલમાર્ટના માલિકી હેઠળની ફ્લિપકાર્ટ ની સામે મજબૂત સ્પર્ધા કરવા સધ્ધરતા મેળવી રહી છે.
આ પણ વાંચોઃસુરત શહેરમાં અસહ્ય ઉકળાટ બાદ વરસ્યો વરસાદ, અડાજણ, રાંદેર અને ઉધના વિસ્તારમાં ધોધમાર
Facebook પર તમામ મહત્વના સમાચાર વાંચવા માટે TV9 Gujarati ના આ પેજને Like કરો
રોચક VIDEO જોવા માટે TV9Gujaratiના YOUTUBE પેજને SUBSCRIBE કરો