Twitter Blue Tick Subscription : હવે Youtube ની જેમ Twitter પણ કમાણી કરાવશે, Elon Musk નો આ પ્લાન કન્ટેન્ટ ક્રિએટર્સને માલામાલ બનાવશે
twitter blue tick subscription : મસ્ક ટ્વિટરની આવક વધારવા માટે આ ફેરફારો કરી રહ્યા છે. તે તેના પ્લેટફોર્મ પરથી કમાણી કરવા માટે માત્ર જાહેરાતકર્તાઓ પર નિર્ભર રહેવા માંગતો નથી. આ કારણોસર તેઓએ વિશ્વભરમાં બ્લુ સબસ્ક્રિપ્શન પ્લાન લોન્ચ કર્યો છે. મસ્કે ગયા વર્ષે ઓક્ટોબરમાં 44 અબજ ડોલરમાં ટ્વિટરની ડીલ કરી હતી.
twitter blue tick subscription : ટ્વિટરના બ્લુ સબસ્ક્રિપ્શનના પેઈડ યુઝર્સ હવે 10,000 અક્ષરો સુધી Tweet કરી શકશે. પહેલા તેની મર્યાદા 280 શબ્દો હતી. એટલે કે, હવે આ યુઝર્સ સંપૂર્ણ આર્ટિકલ લખી શકે છે. તેઓ બોલ્ડ અને ઇટાલિક જેવા ટેક્સ્ટ ફોર્મેટિંગનો પણ ઉપયોગ પણ કરી શકશે. યુટ્યુબની જેમ આ કન્ટેન્ટ ક્રિએટર્સને ટ્વીટમાંથી કમાણી થશે. આ માટે ટ્વિટરે મોનેટાઇઝેશન ફીચર રજૂ કર્યું છે. આ હેઠળ વપરાશકર્તાઓ તેમના Followersને સબ્સ્ક્રિપ્શન પ્લાન ઓફર કરી શકશે અને તેમને ટેક્સ્ટ અને વિડિઓ જોવા માટે ચાર્જ કરશે. ભારતમાં ટ્વિટર બ્લુની કિંમત મોબાઈલ યુઝર્સ માટે મહિને રૂપિયા 900 અને વેબ યુઝર્સ માટે રૂપિયા 650 રહશે.
ટ્વિટરનું નિવેદન
તીવતરે સત્તાવાર નિવેદન જાહેર કરતા કહ્યું છે કે, અમે Twitter પર લેખન અને વાંચનનો અનુભવ સુધારી રહ્યા છીએ! તે શુક્રવાર થી શરૂ થઈ ગયો છે. નવી સુવિધાઓને ઍક્સેસ કરવા માટે Twitter Blue માટે સાઇન અપ કરો અને એપ્લાય કરો. સીધા Twitter પર કમાણી માટે તમારા એકાઉન્ટ પર સબ્સ્ક્રિપ્શન્સ સક્ષમ કરો. એપ્લાય રવા માટે સેટિંગ્સમાં મોનેટાઇઝેશન પર ટેપ કરો.
ટ્વિટર 12 મહિના સુધી હિસ્સો લેશે નહીં
મસ્કે કહ્યું કે ટ્વિટર 12 મહિના સુધી મુદ્રીકરણની કમાણીનો કોઈ હિસ્સો લેશે નહીં. જો કે, Android અને iOS 30% ફી વસૂલ કરે છે. આ ચાર્જ ક્રિએટર્સની આવકમાંથી બાદ કરવામાં આવશે. આ ચાર્જ વેબ પર લગભગ 8% અને iOS-Android પર 30% છે. જો કે, ગૂગલે મસ્કના દાવાને નકારી કાઢ્યો અને કહ્યું કે અમે ચાર્જ 30% થી ઘટાડીને 15% કરી દીધો છે.
Twitter તમારા કામને પ્રમોટ કરવામાં પણ મદદ કરશે : મસ્ક
મસ્કે જણાવ્યું હતું કે ટ્વિટર વોલ્યુમના આધારે નાની ફી ઉમેરશે. ટ્વિટર તમારા કામના પ્રચારમાં પણ મદદ કરશે. અમારો ધ્યેય ક્રિએટર્સની આવક વધારવાનો છે. તમે કોઈપણ સમયે અમારું પ્લેટફોર્મ છોડી શકો છો અને તમારું કાર્ય તમારી સાથે લઈ શકો છો.
મસ્કે આવક વધારવા માટે ઘણા ફેરફારો કર્યા
મસ્ક ટ્વિટરની આવક વધારવા માટે આ ફેરફારો કરી રહ્યા છે. તે તેના પ્લેટફોર્મ પરથી કમાણી કરવા માટે માત્ર જાહેરાતકર્તાઓ પર નિર્ભર રહેવા માંગતો નથી. આ કારણોસર તેઓએ વિશ્વભરમાં બ્લુ સબસ્ક્રિપ્શન પ્લાન લોન્ચ કર્યો છે. મસ્કે ગયા વર્ષે ઓક્ટોબરમાં 44 અબજ ડોલરમાં ટ્વિટરની ડીલ કરી હતી.આ સમયે મસ્કે કહ્યું હતું કે કંપની દરરોજ 32 કરોડ રૂપિયાનું નુકસાન કરી રહી છે. આ નુકસાનની ભરપાઈ કરવા માટે મસ્કે ટ્વિટરની વ્યૂહરચના બદલી છે.
ગુજરાતના તમામ સમાચાર અને બ્રેકિંગ ન્યૂઝ ગુજરાતીમાં વાંચો tv9gujarati.com પર
બિઝનેસના તમામ જિલ્લાના સમાચાર વાંચવા માટે જોડાયેલા રહો…
