અનિલ અંબાણીની કંપનીનો આ શેર બન્યો રોકેટ! રોકાણકારોને આપ્યું શાનદાર વળતર, જાણો અહીં

અનિલ અંબાણીની એક કંપનીના શેરે આ વર્ષે શેરબજારમાં રોકાણકારોને સારું વળતર આપ્યું છે. આ કંપનીના શેર 10 ટકા વધ્યા હતા અને વર્ષ 2023 ના છેલ્લા ટ્રેડિંગ દિવસે એટલે કે શુક્રવાર, ડિસેમ્બર 29 ના રોજ પ્રતિ શેર રૂ. 209.85 પર બંધ થયા હતા. આ શેરનું 52 સપ્તાહનું ઉચ્ચ સ્તર પ્રતિ શેર રૂ. 232 અને 52 સપ્તાહનું નીચું સ્તર રૂ. 114.60 પ્રતિ શેર રહ્યું છે. કંપનીનું માર્કેટ કેપ 83 અબજ રૂપિયા સુધી પહોંચી ગયું છે.

છેલ્લા એક મહિનાની વાત કરીએ તો આ શેરની કિંમત 189 રૂપિયા પ્રતિ શેર હતી અને હવે તે 210 રૂપિયાની નજીક પહોંચી ગઈ છે. ત્યારે આ સમયગાળા દરમિયાન અનિલ અંબાણીની કંપનીના શેરે 10.59% રિટર્ન આપ્યું છે. અનિલ અંબાણીની આ કંપની રિલાયન્સ ઈન્ફ્રાસ્ટ્રક્ચર છે, જેણે આ વર્ષે રોકાણકારોને સારું વળતર આપ્યું છે. રિલાયન્સ ઈન્ફ્રાસ્ટ્રક્ચરના શેરમાં છ મહિનામાં 51 ટકાનો ઉછાળો નોંધાયો છે.

2023માં કેટલો વધ્યો શેર?

તમને જણાવી દઈએ કે જાન્યુઆરીમાં અનિલ અંબાણીના રિલાયન્સ ઈન્ફ્રાસ્ટ્રક્ચરનો શેર રૂ. 137 પર ટ્રેડ થઈ રહ્યો હતો. જ્યારે શુક્રવાર, 29 ડિસેમ્બરે તે શેર દીઠ રૂ. 209.85 પર બંધ થયો હતો. આ સમયગાળા દરમિયાન આ કંપનીએ 52.23% વળતર આપ્યું છે. આ સ્ટોક એક વર્ષમાં 52.40 ટકા વધ્યો છે. પાંચ વર્ષ પહેલા આ શેર રૂ. 300 પર ટ્રેડ થતો હતો, છેલ્લા પાંચ વર્ષમાં તેણે 29.30 ટકાનું નેગેટિવ વળતર આપ્યું છે.

એક સમયે તેની કિંમત 2,485 રૂપિયા હતી

11 જાન્યુઆરી, 2008ના રોજ અનિલ અંબાણીના રિલાયન્સ ઈન્ફ્રાસ્ટ્રક્ચરના શેરની કિંમત રૂ. 2,485 હતી, જે આ શેરનું સર્વકાલીન ઉચ્ચ સ્તર છે. જે બાદ કંપનીના શેરમાં તીવ્ર ઘટાડો નોંધાયો હતો અને ઓક્ટોબર 2008માં તેના શેરની કિંમત 457 રૂપિયા થઈ ગઈ હતી. 27 માર્ચ, 2020 ના રોજ, રિલાયન્સ ઇન્ફ્રાસ્ટ્રક્ચરનો શેર ઘટીને રૂ. 9 થયો હતો. ત્યારથી, તેના શેરમાં સતત વધારો થતો રહ્યો અને હવે તે 200 રૂપિયાના સ્તરને પાર કરી ગયો છે.

શેરબજાર ઘટાડા સાથે બંધ થયું

શુક્રવાર, 29 ડિસેમ્બર 2023ના રોજ શેરબજાર ઘટાડા સાથે બંધ થયું હતું. સેન્સેક્સ 0.23 ટકા અથવા 170 ટકા ઘટીને 72,240ના સ્તરે બંધ રહ્યો હતો, જ્યારે નિફ્ટી 0.22 ટકા અથવા 47.30 પોઇન્ટ ઘટીને 21,731ના સ્તરે બંધ થયો હતો. તમને જણાવી દઈએ કે આ વર્ષે શેરબજારમાં એક નવો માઈલસ્ટોન હાંસલ થયો છે.