KYC અપડેટ ન કરવા પર બેંક એકાઉન્ટ થઈ ગયું છે સસ્પેન્ડ, હવે શું કરવું, આ રીતે કરી શકો ખાતુ ચાલુ
આરબીઆઈએ બેંક ખાતાઓને લઈને નવી માર્ગદર્શિકા જાહેર કરી છે. જે અંતર્ગત, જો તમે તમારી KYC પ્રક્રિયા પૂર્ણ નહીં કરી હોય તો તમારું બેંક એકાઉન્ટ પણ સસ્પેન્ડ કરવામાં આવશે. હવે ચાલો જાણીએ આવી સ્થિતિમાં તમારે શું કરવું જોઈએ. તાજેતરમાં RBIએ ફરી એક ગાઈડલાઈન જાહેર કરી છે. જે મુજબ, જો તમારી પાસે બેંક એકાઉન્ટ છે પરંતુ તમે તેનું KYC પૂર્ણ કર્યું નથી, તો તમારું એકાઉન્ટ સસ્પેન્ડ થઈ શકે છે. KYC અપડેટને કારણે, તમને એકાઉન્ટ સસ્પેન્શનથી લઈને રિફંડ અને વ્યવહારો સુધીની સમસ્યાઓનો સામનો કરવો પડી શકે છે
KYC Update: આજકાલ દરેક વ્યક્તિ પાસે એક અથવા વધુ બેંક ખાતા હોય છે. આવી સ્થિતિમાં આ બધું જાળવવું ખૂબ મુશ્કેલ બની જાય છે. આરબીઆઈ પણ સમયાંતરે બેંક ખાતાઓ માટે નવા અપડેટ લાવતી રહે છે. તાજેતરમાં RBIએ ફરી એક ગાઈડલાઈન જાહેર કરી છે. જે મુજબ, જો તમારી પાસે બેંક એકાઉન્ટ છે પરંતુ તમે તેનું KYC પૂર્ણ કર્યું નથી, તો તમારું એકાઉન્ટ સસ્પેન્ડ થઈ શકે છે.
આ પણ વાંચો: Govt Scheme: PPFની તાકાત, સરકારની ગેરંટી, 5000 રૂપિયા મહિને કરો જમા, આટલા દિવસમાં મળશે 42 લાખ
KYC અપડેટને કારણે, તમને એકાઉન્ટ સસ્પેન્શનથી લઈને રિફંડ અને વ્યવહારો સુધીની સમસ્યાઓનો સામનો કરવો પડી શકે છે. આવી સ્થિતિમાં, ચાલો અમે તમને જણાવીએ કે જો તમારું બેંક એકાઉન્ટ સસ્પેન્ડ થઈ જાય તો તમારે શું કરવું જોઈએ.
અલગ અલગ હોય છે KYC
ગ્રાહકની દરેક શ્રેણી માટે KYC પ્રક્રિયા અલગ છે. ઉચ્ચ જોખમ ધરાવતા ગ્રાહકોએ બે વર્ષમાં એકવાર, મધ્યમ જોખમ ધરાવતા ગ્રાહકોએ 8 વર્ષમાં એકવાર અને ઓછા જોખમવાળા ગ્રાહકોએ 10 વર્ષમાં એકવાર KYC કરાવવું જરૂરી છે.
RBIએ શું કહ્યું ?
ભારતીય રિઝર્વ બેંકે 4 મે, 2023ના રોજ 29 મે, 2019ના રોજ જાહેર કરેલા પરિપત્રને અપડેટ કર્યો અને કહ્યું કે જો કોઈ ગ્રાહક તેનો PAN અથવા ફોર્મ 16 પ્રદાન નહીં કરે, તો તેનું એકાઉન્ટ સસ્પેન્ડ કરવામાં આવશે. જો કે, ખાતું બંધ કરતા પહેલા, બેંકોએ તેના વિશે SMS અને ઇમેઇલ દ્વારા જાણ કરવી પડશે.
આ રીતે બેંક એકાઉન્ટને ફરીથી ચાલુ કરો
જો KYC પ્રક્રિયા પૂર્ણ ન થાય તો તમારું ખાતું બંધ થઈ શકે છે. જો કે, તમે તેને રિએક્ટિવ કરાવી શકો છો. આરબીઆઈના જણાવ્યા અનુસાર, એકાઉન્ટને ફરીથી સક્રિય કરવાની પ્રક્રિયા તમામ બેંકોમાં સમાન છે. તમને જણાવી દઈએ કે તમે તમારું એકાઉન્ટ કેવી રીતે સક્રિય કરી શકો છો.
જો તમારું એકાઉન્ટ બંધ થઈ ગયું છે તો તમે ત્રણ રીતે તમારું એકાઉન્ટ એક્ટિવેટ કરી શકો છો. તમારે આ ત્રણમાંથી એક રીતે KYC પ્રક્રિયા પૂર્ણ કરવી પડશે.
- બેંક ઓફ બરોડા અનુસાર, તમે KYC દસ્તાવેજો અને ફરીથી KYC ફોર્મ સાથે તમારા બેંક ખાતાની શાખાની મુલાકાત લઈને પ્રક્રિયા પૂર્ણ કરી શકો છો.
- આ સિવાય આ કામ વીડિયો કોલ દ્વારા પણ કરી શકાય છે.
- આ ઉપરાંત, તમે સરનામા સાથે બેંકમાં ફોર્મ ભરીને KYC પ્રક્રિયા પૂર્ણ કરી શકો છો.
