TATA Group ના આ શેરે માત્ર 6 દિવસમાં પૈસા કર્યા ડબલ, જાણો કંપનીની સફળતાનું રહસ્ય

ટાટા ગ્રૂપ(TATA Group)ની કંપની TRF Limitedના શેરમાં છેલ્લા 6 ટ્રેડિંગ સેશનથી સતત વધારો જોવા મળી રહ્યો છે અને આ સમયગાળામાં શેરે 100 ટકાથી વધુ વળતર આપ્યું છે. આ તેજી સાથે આ સ્ટોક 6 વર્ષની ટોચે પહોંચી ગયો છે. જુલાઈ 2016માં આ શેરની કિંમત 340.55 રૂપિયા હતી. આજે, 5% ના વધારા સાથે આ સ્ટોક ફરીથી 340.55 રૂપિયા પર પહોંચી ગયો છે. TRF લિમિટેડનો શેર ઓગસ્ટથી 172 ટકા સુધી ચઢી ગયો છે. ક્રેડિટ રેટિંગ ફર્મ CARE એ તાજેતરમાં લાંબા ગાળા માટે TRF ના સ્ટોકને નેગેટિવ થી સ્ટેબલ રેટ કર્યું છે. TRFના પ્રમોટર ટાટા સ્ટીલે કાર્યકારી મૂડી માટે જૂનમાં કંપનીમાં રૂ. 165 કરોડનું રોકાણ કર્યું હતું.

કંપનીની ખોટ ઘટી અને નફો વધ્યો

એક્સચેન્જ પર ઉપલબ્ધ માહિતી અનુસાર ટાટા સ્ટીલ પાસે TRFના 165 મિલિયન શેર છે અને કંપનીમાં કુલ હિસ્સો 12.17 ટકા છે. તે જ સમયે, ક્રેડિટ રેટિંગમાં સુધારો અને પ્રમોટર તરફથી નવા રોકાણ પછી કંપનીના શેરમાં ફરી તેજી આવી છે. આ ઉપરાંત આ કંપની સતત 2 વર્ષથી રોકડની ખોટમાં ઘટાડો કરી રહી છે તેથી CAREએ નાણાકીય વર્ષ 23 માટે કંપની માટે તેનો આઉટલુક પોઝિટિવ રાખ્યો છે.

આ સ્ટોક પર નજર રાખતા બજાર નિષ્ણાતો કહે છે કે, TRF લિમિટેડના ઓપરેટિંગ નફા અને ટાટા સ્ટીલ અને અન્ય કંપનીઓના કામના કારણે ઓર્ડર બુક મજબૂત થઈ છે અને કંપનીને તેનો ફાયદો થઈ રહ્યો છે. આ કંપનીને ટાટા સ્ટીલ તરફથી લગભગ 75 ટકા ઓર્ડર મળ્યા છે જ્યારે 363 કરોડ રૂપિયાના 25 ટકા ઓર્ડર અન્ય કંપનીઓ પાસેથી મળ્યા છે. કંપનીનો કુલ ઓપરેટિંગ નફો વાર્ષિક ધોરણે 25 ટકા વધીને FY22માં રૂ. 147.94 કરોડ થયો છે, જ્યારે સેવાની આવક એક વર્ષ અગાઉ રૂ. 38.86 કરોડથી વધીને રૂ. 20.86 કરોડ થઈ છે.

આ શેરે એક વર્ષમાં 300 ટકાથી વધુ રિટર્ન આપ્યું

ગુજરાત કન્ટેઈનર્સ લિમિટેડનો સ્ટોક તેના રોકાણકારોને મલ્ટિબેગર રિટર્ન આપી રહ્યો છે. છેલ્લા 1 વર્ષમાં જ આ મલ્ટીબેગર સ્ટોકે તેના રોકાણકારોના પૈસા 4 ગણા કર્યા છે. આજે પણ આ શેરમાં જબરદસ્ત ઉછાળો જોવા મળ્યો છે અને શરૂઆતના કારોબારમાં જ આ શેર 4.98 ટકાના ઉછાળા સાથે 209.30 રૂપિયાના સ્તર પર ટ્રેડ કરી રહ્યો હતો.

રૂ. 113 કરોડની માર્કેટ કેપિટલાઇઝેશન સાથે ગુજરાત કન્ટેનર લિમિટેડ એ ભારતની વિશિષ્ટ બેરલ મેન્યુફેક્ચરિંગ કંપની છે. કંપની દરરોજ 1,500 બેરલનું ઉત્પાદન કરે છે. ગુજરાત કન્ટેઈનર્સ લિમિટેડના શેરની 52 સપ્તાહની ઊંચી સપાટી રૂ. 209.30 છે જે તેણે આજે બનાવી છે. આ સ્ટૉકની 52 સપ્તાહની નીચી સપાટી 47 રૂપિયા છે.