Share Market : સતત ચોથા દિવસે વેચાણથી Sensex 800 પોઇન્ટ પટકાયો, ઓછી કિંમતે સારા રોકાણની તક વચ્ચે આ સ્ટોક્સની રહી ઊંચી માંગ
સવારે 9.42 વાગે સેન્સેક્સ 750 પોઈન્ટના ઘટાડા સાથે કારોબાર કરી રહ્યો છે. નિફ્ટી 17200 ની નીચે સરકી ગયો છે. રૂપિયો 56 પૈસાની નબળાઈ સાથે ખુલ્યો છે. અમેરિકી ડોલર સામે રૂપિયો 81.55ની રેકોર્ડ નીચી સપાટીએ પહોંચ્યો છે.
નબળા વૈશ્વિક સંકેત સાથે આજે સપ્તાહના પહેલા કારોબારી દિવસે ભારતીય શેરબજાર(Share Market) ઘટાડા સાથે કારોબારની શરૂઆત કરી છે. ભારતીય શેરબજારમાં આજે સોમવારે સવારે સતત ચોથા સત્રમાં ઘટાડો જોવા મળ્યો છે. વૈશ્વિક બજારમાં ઘટાડો અને રૂપિયાની નબળાઈના કારણે રોકાણકારોના સેન્ટિમેન્ટ પર પણ નકારાત્મક અસર જોવા મળી રહી છે. વિશ્વના મોટાભાગના બજારોનું ક્લોઝિંગ અને આજનો કારોબાર લાલ નિશાન નીચે નજરે પડી રહ્યો છે. આજે સવારે સેન્સેક્સ 573 પોઈન્ટ ઘટીને 57,525 પર ખુલ્યો જ્યારે નિફ્ટી 171 પોઈન્ટના નુકસાન સાથે 17,156 પર કારોબારનો પ્રારંભ કર્યો હતો. રોકાણકારોએ આજે સ્તરના પ્રારંભથીથી જ વેચાણ કર્યું હતું અને સતત પ્રોફિટ-બુકિંગને કારણે સેન્સેક્સ સવારે 9.35 વાગ્યે ૫૮૫ પોઈન્ટ ઘટ્યો હતો. આજના કારોબારમાં સેન્સેક્સ 57,282.20 ના નીચલા સ્તરે જોવા મળ્યો હતો જયારે નિફ્ટી17,072.95 સુધી લપસ્યો હતો.
| શેરબજારની છેલ્લી સ્થિતિ(09:37 am ) | |
| SENSEX | 57,450.69 −648.23 (1.12%) |
| NIFTY | 17,108.55 −218.80 (1.26%) |
તમામ ક્ષેત્રમાં વેચાણ
બેન્કિંગ, ઓટો, આઈટી, મેટલ અને રિયલ્ટી સહિતના તમામ ક્ષેત્રોમાં વેચાણથી બજાર પર દબાણ જોવા મળ્યું છે. સવારે 9.42 વાગે સેન્સેક્સ 750 પોઈન્ટના ઘટાડા સાથે કારોબાર કરી રહ્યો છે. નિફ્ટી 17200 ની નીચે સરકી ગયો છે. રૂપિયો 56 પૈસાની નબળાઈ સાથે ખુલ્યો છે. અમેરિકી ડોલર સામે રૂપિયો 81.55ની રેકોર્ડ નીચી સપાટીએ પહોંચ્યો છે. FIIએ શુક્રવારે રૂ. 2900 કરોડનું વેચાણ કર્યું હતું જ્યારે DIIએ શુક્રવારે રૂ. 299 કરોડની રોકડ ખરીદી કરી હતી.
આ 5 સ્ટોક્સમાં સતત પાંચમા દિવસે લોઅર સર્કિટ નોંધાઈ
| Company Name | Offer Qty | Last Price | % Chg |
| Shree Ram Proti | 1,283 | 71.3 | -5 |
| Kritika Wires | 1,065,124 | 26 | -4.94 |
| Sindhu Trade | 200,269 | 18.25 | -4.95 |
| Gala Global Prd | 1,189,569 | 28.85 | -4.94 |
| Galactico Corp | 199,899 | 14.45 | -4.93 |
તહેવારોની સિઝન પહેલા FMCG કંપનીઓમાં તેજી જોવા મળી રહી છે. તેઓ સપ્લાય ચેન વધારીને રોકાણ કરી રહી છે . કંપનીઓ નવા પેક તૈયાર કરીને તહેવારોની સિઝનમાં મોટો દાવ લગાવી રહ્યા છે. મેનેજમેન્ટ પણ ગ્રામીણ માંગમાં મજબૂત પુનરાગમનની અપેક્ષા રાખે છે.
આજે આ શેર્સની ઊંચી માંગ રહી
| Company Name | CMP | Volume | Value (Rs. Lakhs) |
| Hindustan Unilever | 2,692.30 | 185,317 | 4,965.20 |
| Veritas (India) | 125.85 | 862,800 | 1,064.70 |
| Osiajee Texfab | 71.95 | 1,213,090 | 831.57 |
| Thinkink Picturez | 69.9 | 892,800 | 619.6 |
| Britannia Inds | 3,812.40 | 15,608 | 591.86 |
વૈશ્વિક બજાર તરફથી ભારતીય શેરબજાર માટે આજે સતત ચોથા દિવસે નબળાં સંકેત મળ્યા હતા. વૈશ્વિક બજારમાં ઘટાડાની અસર સ્થાનિક રોકાણકારોના સેન્ટિમેન્ટ પર પણ જોવા મળી રહી છે. શુક્રવારે પણ માર્કેટમાં ઘટાડો જોવા મળ્યો હતો.
Published On - 9:48 am, Mon, 26 September 22