High Demang Stock : શેરબજારના લાલ નિશાન નીચે કારોબાર છતાં આ શેર્સમાં રોકાણકારોને થયો લાભ, વાંચો વિગતવાર

નબળા વૈશ્વિક સંકેત સાથે ભારતીય શેરબજાર(Share Market)ની શરૂઆત પણ નબળી થઇ હતી. બંને મુખ્ય ઇન્ડેક્સ સેન્સેક્સ અને નિફટીએ 0.6 ટકાના ઘટાડા સાથે કારોબારની શરૂઆત કરી છે. આજે સેન્સેક્સ 382.94 અથવા 0.64% નુકસાન સાથે 59,073.84 ઉપર ખુલ્યો હતો જયારે નિફટીએ 17,609.65 ઉપર કારોબારની શરૂઆત કરી હતી. નિફટી આજે 108.70 અંક મુજબ 0.61% નીચે ખુલ્યો છે. બુધવારે સેન્સેક્સ 263 પોઈન્ટ ઘટીને 59,457 પર બંધ થયો હતો જ્યારે નિફ્ટીએ 98 પોઈન્ટ ઘટીને 17,718 પર કારોબાર પૂર્ણ કર્યો હતો.યુએસ ફેડ રિઝર્વે ફરી એકવાર વ્યાજ દરોમાં 0.75 ટકાનો વધારો કર્યો છે જેની અસરના કારણે વિશ્વભરના શેરબજાર ઉપર પડી છે અને મોટાભાગના બજારો નુકસાન સાથે કારોબાર કરી રહ્યા છે.

આ શેર્સમાં અપર સર્કિટ લાગી

ટાટા ગ્રૂપ(TATA Group)ની કંપની TRF Limitedના શેરમાં છેલ્લા કેટલાક ટ્રેડિંગ સેશનથી સતત વધારો જોવા મળી રહ્યો છે. ૧ મહિનાના સમયગાળામાં શેરે 130 ટકાથી વધુ વળતર આપ્યું છે. આ તેજી સાથે આ સ્ટોક 6 વર્ષની ટોચે પહોંચી ગયો છે. આજે, 5% ના વધારા સાથે આ સ્ટોક ફરીથી 375રૂપિયા પર પહોંચી ગયો છે. TRF લિમિટેડનો શેર ઓગસ્ટથી 200 ટકા સુધી ચઢી ગયો છે. ક્રેડિટ રેટિંગ ફર્મ CARE એ તાજેતરમાં લાંબા ગાળા માટે TRF ના સ્ટોકને નેગેટિવ થી સ્ટેબલ રેટ કર્યું છે. TRFના પ્રમોટર ટાટા સ્ટીલે કાર્યકારી મૂડી માટે જૂનમાં કંપનીમાં રૂ. 165 કરોડનું રોકાણ કર્યું હતું.

અદાણીનું નામ જોડાતા આ શેર આસમાને પહોંચ્યો

કંપનીને લગતા સકારાત્મક સમાચાર કંપનીના શેરના ભાવને આસમાને પહોંચાડે છે. આવું જ કંઈક એક રિયલ એસ્ટેટ કંપની સાથે થયું છે. વિશ્વના બીજા સૌથી ધનાઢ્ય ઉદ્યોગપતિ અને અદાણી ગ્રૂપના વડા ગૌતમ અદાણીનું નામ આ કંપની સાથે જોડાતાની સાથે જ શેર સતત ઊડી રહ્યા છે. એક મહિના કરતાં ઓછા સમયમાં શેરમાં 115%નો ઉછાળો આવ્યો. અમે વાત કરી રહ્યા છીએ ડીબી રિયલ્ટીના શેરની. છેલ્લા કેટલાક સત્રોથી શેર સતત અપર સર્કિટ લગાવી રહ્યો છે.

આજના High Demand Stocks