આજે સતત બીજા દિવસે ભારતીય શેરબજાર(Share Market) વધારાની સાથે બંધ થયા છે. આજે નિફ્ટી 14800 ની ઊપર બંધ થયા જ્યારે સેન્સેક્સે 49661.76 પર કારોબાર સમાપ્ત કર્યો હતો. આજના કારોબારમાં નિફ્ટીએ 14,879.80 સુધી પહોંચ્યો તો સેન્સેક્સ 49,900.13 સુધી ઉપલું સ્તર નોંધાવ્યું હતું.
દેશમાં કોરોનાના રેકોર્ડ કેસો સામે આવવા છતાં શેરબજારમાં સતત બીજા દિવસે વૃદ્ધિ દેખાઈ છે. આજે સેન્સેક્સ 460 અંકના વધારા સાથે 49,661 પર બંધ થયો છે. ઈન્ડેક્સમાં સમાવિષ્ટ 30 શેરોમાં 26 શેરમાં મજબૂતી દેખાઈ છે. રેપો રેટ અને રિવર્સ રેટ નક્કી કરવાના નિર્ણયને પગલે બપોર પછી જોરદાર ખરીદી જોવા મળી હતી.
સેન્સેક્સમાં રિલાયન્સ, કોટક બેંક, ભારતી એરટેલ, બજાજ ઓટો, પાવર ગ્રીડ અને મારુતિના શેર 1% વધ્યા છે તો ટાઇટન, હિન્દુસ્તાન યુનિલિવર અને એનટીપીસીના શેર ઘટાડા સાથે બંધ થયા છે. આજે નિફ્ટી 135 પોઇન્ટ વધીને 14,819 પર બંધ રહ્યો છે. સવારે સેન્સેક્સ 75.7 અંક વધારા સાથે 49,277.09 અને નિફ્ટી 32.9 પોઇન્ટ વધીને 14,716.45 પર ખુલ્યા છે.
આજે રોકાણકારોએ સૌથી વધુ સરકારી બેંકિંગ શેર ખરીદ્યા છે. નિફ્ટી પીએસયુ ઇન્ડેક્સમાં 2% થી વધુનો ઉછાળો જોવા મળ્યો છે જેમાં યુનિયન બેંક ટોપ ગેઈનર રહ્યો છે. મેટલ, ઓટો અને રિયલ્ટી ક્ષેત્રે પણ સારા શેર ખરીદાયા હતા. એનએસઈ આ સૂચકાંક 1.5% સુધી વધ્યા છે.
BSE માં આજે 3,132 શેરોમાં કારોબાર થયો હતો જે પૈકી 1,841 શેર વધારા સાથે બંધ થયા અને 1,109 શેર ગગડયા છે. લિસ્ટેડ કંપનીઓની કુલ માર્કેટ કેપ ગઈકાલે રૂ. 206.35 લાખ કરોડ હતી જે આજે રૂ 208.22 લાખ કરોડ થઈ ગઈ છે.
ભારતીય શેરબજારની છેલ્લી સ્થિતિ
Market | SENSEX | NIFTY |
Index | 49,661.76 | 14,819.05 |
GAIN | +460.37 (0.94%) | +135.55 (0.92%) |