નબળા વૈશ્વિક સંકેતોને કારણે આજે શેરબજાર(Share Market)માં ભારે ઘટાડો દર્જ થયો છે. સેન્સેક્સ 1,939 અંક એટલે કે 3.80% તૂટીને 49,099.99 પર બંધ રહ્યો છે. 2021 માં બજારમાં આ સૌથી મોટો ઘટાડો છે. 4 મે, 2020 ના રોજ એક જ દિવસે આ પ્રકારનો મોટો ઘટાડો જોવા મળ્યો હતો જ્યારે ઇન્ડેક્સ બે હજારથી વધુ પોઈન્ટ ગગડ્યો હતો.
નિફટી ઇન્ડેક્સમાં 568.20 અંક મુજબ 3.76% ઘટાડાના અંતે ઇન્ડેક્સ 14,529.15 ની સપાટી ઉપર બંધ થયો હતો. આજના કારોબારમાં નિફટી 14,467.75 સુધી નીચલા સ્તરે પહોંચ્યો હતો.
ભારતીય શેરબજારની છેલ્લી સ્થિતિ
બજાર સૂચકઆંક ઘટાડો
સેન્સેક્સ 49,099.99 1,939.32 (3.80%)
નિફટી 14,529.15 568.20 (3.76%)
ભારે ઘટાડા વચ્ચે સેન્સેક્સ 2148.83 ઘટીને 48,890.48 સુધી પહોંચી ગયો હતો. ઇન્ડેક્સમાં સમાવિષ્ટ તમામ 30 શેરો ઘટાડા સાથે બંધ રહ્યા હતા. એમ એન્ડ એમ અને ઓએનજીસીના શેરમાં 6% ના સૌથી મોટા ઘટાડા સાથે બંધ થયા હતા.
શેરના બજાર ઘટાડામાંમાં મુખ્ય શેરો મોખરે હતા. એચડીએફસી બેન્ક, એક્સિસ બેન્ક, ઈન્ડસઇન્ડ બેંક અને આઈસીઆઈસીઆઈ બેંક સહિત અન્ય મોટા બેન્કિંગ શેરોમાં 5% થી વધુનો ઘટાડો થયો છે. રિલાયન્સ ઇન્ડસ્ટ્રીઝ, ટીસીએસ અને ભારતી એરટેલ પણ 2% કરતા વધુ ગગડીને બંધ રહ્યા છે. પરિણામે માર્કેટ કેપની દ્રષ્ટિએ 10 સૌથી મોટી કંપનીમાંથી 7 ની માર્કેટ કેપમાં આશરે 1 લાખ કરોડ રૂપિયાનો ઘટાડો થયો છે.
આજના કારોબારની હાઇલાઇટ્સ આ મુજબ રહી હતી
>> બીએસઈમાં કુલ 3,101 શેરમાં કારોબાર થયો હતો.
>> 1,059 શેર વધ્યા અને 1,855 ઘટ્યા હતા.
>> લિસ્ટેડ કંપનીઓની માર્કેટ કેપ રૂ 5.43 લાખ કરોડથી ઘટી
>> માર્કેટ કેપ 200.75 લાખ કરોડ થઈ ગઈ છે જે ગઈકાલે રૂ 206.18 લાખ કરોડ હતી.