Share Market : વૈશ્વિક નરમાશ સાથે ભારતીય શેરબજાર પણ તૂટ્યું, SENSEX 627 અંક લપસ્યો

ગ્લોબલ માર્કેટમાં ઘટાડાની અસરના પગલે ભારતીય શેરબજાર(Share Market) પણ લાલ નિશાન નીચે બંધ થયું હતું. BSE સેન્સેક્સ 627 અંક ઘટીને 49,509.15 પર બંધ થયું હતું જયારે નિફ્ટીએ પણ 154 અંક નીચે 14,690.70 પર કારોબાર સમાપ્ત કર્યો હતો. સેન્સેક્સમાં સમાવિષ્ટ 30 માંથી 19 શેરમાં આજે ઘટાડો થયો છે. એચડીએફસી અને એચડીએફસી બેન્કના શેરમાં સૌથી વધુ 4% ઘટાડો થયો છે. બીજીતરફ ટાટા સ્ટીલનો શેર 2% વધ્યો છે. અગાઉ બજારમાં સતત બે દિવસ ઉછાળો નોંધાયો હતો.

ભારતીય શેરબજારની છેલ્લી સ્થિતિ

આજે રોકાણકારો આઇટી અને બેંકિંગ ક્ષેત્રે સૌથી વધુ શેર વેચ્યા છે. બજારમાં ઘટાડાને લીધે નિફ્ટી બેંક ઈન્ડેક્સ 571 પોઇન્ટ તૂટીને 33,303.90 પર આવી ગયો છે. એ જ રીતે આઇટી ઇન્ડેક્સ પણ 266 પોઇન્ટ ઘટાડા સાથે બંધ રહ્યો છે. સવારે સેન્સેક્સ 87 અંક નીચે 50,049.12 પર અને નિફ્ટી 33 અંક વધીને 14,811.85 પર ખુલ્યો હતો.

આજે બીએસઈમાં 3097 શેરમાં કારોબાર થયો હતો જેમાં 1,396 શેર વધારા સાથે બંધ થયા હતા અને 1,486 શેરમાં ઘટાડો દેખાયો હતો. એક્સચેંજમાં લિસ્ટેડ કંપનીઓની કુલ માર્કેટ કેપ ગઈકાલે રૂ 204.81 લાખ કરોડ હતી જે ઘટીને રૂ 204.28 લાખ કરોડ થઈ ગઈ છે.