RIL Dividend News: રિલાયન્સના શેરધારકો માટે સારા સમાચાર, અંબાણીની કંપનીએ ડિવિડન્ડ કર્યું જાહેર
RIL Dividend News: મુકેશ અંબાણીની કંપની રિલાયન્સ ઈન્ડસ્ટ્રીઝે જૂન ક્વાર્ટરના નાણાકીય પરિણામો જાહેર કર્યા છે. આ સાથે કંપનીએ ડિવિડન્ડ પણ જાહેર કર્યું છે.
રિલાયન્સ ઇન્ડસ્ટ્રીઝના બોર્ડે નાણાકીય વર્ષ 2022-23 માટે શેર દીઠ રૂ. 9નું ડિવિડન્ડ (Reliance Industries Dividend News) જાહેર કર્યું છે. કંપનીએ એક વર્ષથી વધુ સમય પછી શેરધારકો માટે ડિવિડન્ડ જાહેર કર્યું છે. અગાઉ મે 2022માં કંપનીએ શેર દીઠ આઠ રૂપિયાનું ડિવિડન્ડ જાહેર કર્યું હતું.
આ પણ વાંચો : Reliance Demerger : અંબાણીની નવી કંપનીનો શેર રિલાયન્સ ઇન્ડસ્ટ્રીઝ કરતા 10 ગણી સસ્તી કિંમતે મળશે
AGM માં મંજૂરી પછી ચુકવણી
રિલાયન્સ ઈન્ડસ્ટ્રીઝે એક નિયમનકારી ફાઈલિંગમાં માહિતી આપી છે કે કંપનીના બોર્ડે રૂ. 10ની ફેસ વેલ્યુના દરેક સંપૂર્ણ પેઈડ-અપ ઈક્વિટી શેર પર રૂ. 9ના ડિવિડન્ડની ભલામણ કરી છે. કંપનીની આગામી વાર્ષિક સામાન્ય સભામાં આ અંગેનો ઠરાવ મંજૂર થયા બાદ ડિવિડન્ડ ચૂકવવામાં આવશે.
રેકોર્ડ તારીખ ટૂંક સમયમાં જાહેર કરવામાં આવશે
કંપનીએ જણાવ્યું છે કે આ અંગેની રેકોર્ડ ડેટ ટૂંક સમયમાં જાહેર કરવામાં આવશે. RILના શેરમાં એક્સ-ડિવિડન્ડ ટ્રેડિંગ રેકોર્ડ તારીખે અથવા તેના એક દિવસ પહેલા થશે. એક્સ-ડિવિડન્ડ તારીખ નક્કી કરે છે કે કયા શેરધારકો ડિ
RILનો ચોખ્ખો નફો ઘટ્યો
રિલાયન્સ ઇન્ડસ્ટ્રીઝે જૂન ક્વાર્ટરના નાણાકીય પરિણામો સાથે ડિવિડન્ડની જાહેરાત કરી છે. કંપનીએ કહ્યું છે કે જૂન ક્વાર્ટરમાં કંપનીનો કોન્સોલિડેટેડ ચોખ્ખો નફો 11 ટકા ઘટીને રૂ. 16,011 કરોડ થયો છે. વાર્ષિક ધોરણે પાંચ ટકાના ઘટાડા સાથે આવક 2.11 લાખ કરોડ રૂપિયા રહી.
કંપનીની આવકમાં ઘટાડો મુખ્યત્વે કંપનીના ઓઇલ-ટુ-કેમિકલ બિઝનેસની આવકમાં ઘટાડો થવાને કારણે થયો હતો. ક્રૂડ ઓઈલના ભાવમાં 31 ટકાના ઘટાડાથી કંપનીના ઓઈલ-ટુ-કેમિકલ બિઝનેસની આવકમાં ઘટાડો નોંધાયો હતો.
જોકે, આ વર્ષે એપ્રિલથી જૂન ક્વાર્ટર દરમિયાન Jioનો ચોખ્ખો નફો 12 ટકા વધીને રૂ. 4,863 કરોડ થયો છે. રિટેલ બિઝનેસનો નફો 18 ટકા વધીને રૂ. 2,448 કરોડ થયો છે.
