આ પાવર શેર ₹1 થી વધીને ₹32 થયો, કંપની બની દેવા મુક્ત, LIC પાસે પણ છે 10 કરોડ શેર

Reliance Power Share: અનિલ અંબાણીની ડેટ ફ્રી કંપની રિલાયન્સ પાવરના શેર આ દિવસોમાં ફોકસમાં છે. રિલાયન્સ પાવરનો શેર બુધવારે ટ્રેડિંગ દરમિયાન શેર રૂ.  32.6 ની ઇન્ટ્રાડે પર ટ્રેડ કરી રહયો છે. કંપનીનું માર્કેટ કેપ રૂ. 12,565.09 કરોડ છે અને શેરે છેલ્લા 1 વર્ષમાં 90 ટકાથી વધુનું મજબૂત વળતર આપ્યું છે.

વર્ષ 2020 થી આ સ્ટોક લગભગ 2665% વધ્યો છે. તમને જણાવી દઈએ કે 27 માર્ચ 2020ના રોજ આ શેરની કિંમત 1.50 રૂપિયા હતી. જો કે, 2008 થી, રિલાયન્સ પાવરના શેર રૂ. 275 થી ઘટીને હાલના ભાવ સુધી પહોંચી ગયા છે.

LICમાં મોટો હિસ્સો

રિલાયન્સ પાવરની શેરહોલ્ડિંગ પેટર્ન મુજબ, પ્રમોટરો 23.24 ટકા હિસ્સો ધરાવે છે, જ્યારે જાહેર રોકાણકારો 60.99 ટકા હિસ્સો ધરાવે છે. વિદેશી સંસ્થાકીય રોકાણકારો (FII) અને સ્થાનિક સંસ્થાકીય રોકાણકારો (DII) અનુક્રમે 12.71 ટકા અને 3.06 ટકા હિસ્સો ધરાવે છે. રિલાયન્સ પાવરમાં LICનો મોટો હિસ્સો છે. LIC કંપનીમાં 10,27,58,930 શેર એટલે કે 2.56% હિસ્સો ધરાવે છે.

કંપની દેવા મુક્ત થઇ

રિલાયન્સ પાવરે તાજેતરમાં ધિરાણકર્તાઓ પાસેથી તમામ બાકી દેવું ચૂકવી દીધું છે, તમને જણાવી દઈએ કે રિલાયન્સ પાવર પર લગભગ 800 કરોડ રૂપિયાની લોન બાકી હતી, જે તાજેતરમાં બેંકોને ચૂકવવામાં આવી છે. રિલાયન્સ પાવરે ડિસેમ્બર 2023 અને માર્ચ 2024 વચ્ચે IDBI બેંક, ICICI બેંક, એક્સિસ બેંક અને DBS સહિત વિવિધ બેંકો સાથે બહુવિધ લોન સેટલમેન્ટ કરારો પર હસ્તાક્ષર કર્યા હતા.

કંપની બિઝનેસ

રિલાયન્સ પાવર લિમિટેડ, અગાઉ રિલાયન્સ એનર્જી જનરેશન લિમિટેડ, રિલાયન્સ અનિલ ધીરુભાઈ અંબાણી જૂથનો એક ભાગ છે. તેની સ્થાપના ભારતીય અને આંતરરાષ્ટ્રીય બજારોમાં પાવર પ્રોજેક્ટના વિકાસ, નિર્માણ, સંચાલન અને જાળવણી માટે કરવામાં આવી હતી.