સરકારી તેલ કંપનીઓએ 13 મે માટે પેટ્રોલ અને ડીઝલના ભાવ (Petrol Diesel Price) અપડેટ કર્યા છે. આજે (શુક્રવાર), 13મી મે 2022, સતત 37માં દિવસે પેટ્રોલ અને ડીઝલના ભાવમાં કોઈ ફેરફાર થયો નથી. 6 એપ્રિલથી દેશભરમાં ઈંધણના ભાવ (Fuel Price) સ્થિર છે. દેશની સૌથી મોટી ઓઈલ માર્કેટિંગ કંપની ઈન્ડિયન ઓઈલ કોર્પોરેશનના તાજેતરના અપડેટ મુજબ રાષ્ટ્રીય રાજધાની દિલ્હીમાં પેટ્રોલ (Petrol) 105.41 રૂપિયા પ્રતિ લીટર જ્યારે ડીઝલ (Diesel) 96.67 રૂપિયા પ્રતિ લીટર પર સ્થિર છે. દેશની આર્થિક રાજધાની મુંબઈમાં આજે એક લિટર પેટ્રોલની કિંમત 120.51 રૂપિયા અને ડીઝલની કિંમત 104.77 રૂપિયા છે.
કોલકાતામાં આજે પેટ્રોલની કિંમત 115.12 રૂપિયા અને ડીઝલની કિંમત 99.83 રૂપિયા પ્રતિ લીટર છે. જ્યારે, ચેન્નાઈમાં પેટ્રોલની કિંમત 110.85 રૂપિયા અને ડીઝલની કિંમત 100.94 રૂપિયા પ્રતિ લીટર છે. જો તમે તમારા શહેરમાં પેટ્રોલ અને ડીઝલના નવા ભાવ જોવા માંગતા હો, તો તમે આ લિંક પર ક્લિક કરીને જોઈ શકો છો.
City | Petrol | Diesel |
Ahmedabad | 105.08 | 99.43 |
Rajkot | 104.84 | 99.21 |
Surat | 104.96 | 99.33 |
Vadodara | 105.19 | 99.54 |
તમને જણાવી દઈએ કે 22 માર્ચથી દેશમાં પેટ્રોલ અને ડીઝલ 10 રૂપિયા પ્રતિ લીટર મોંઘુ થઈ ગયું છે. જોકે, રાજ્ય સ્તરે ઈંધણ પરના વેટના અલગ-અલગ દરોને કારણે શહેરોમાં ઈંધણના ભાવ અલગ-અલગ છે.
આંતરરાષ્ટ્રીય બજારમાં ક્રૂડ ઓઈલની કિંમતના આધારે પેટ્રોલ અને ડીઝલની કિંમત દરરોજ અપડેટ કરવામાં આવે છે. તેલ કંપનીઓ દરરોજ કિંમતોની સમીક્ષા કર્યા બાદ પેટ્રોલ અને ડીઝલના ભાવ નક્કી કરે છે.
રશિયા પર યુરોપિયન યુનિયનના પ્રતિબંધોને સમર્થન અને પુરવઠાની વધતી ચિંતાને કારણે ક્રૂડ ઓઈલના ભાવમાં વધારો થયો છે. બ્રેન્ટ ક્રૂડની કિંમત 0.12 ટકા વધીને 107.6 ડોલર પ્રતિ બેરલ થઈ ગઈ છે. તો બીજી બાજુ, WTI ક્રૂડની કિંમત 0.37 ટકા વધીને $106.1 પ્રતિ બેરલ થઈ ગઈ છે. વૈશ્વિક બજારમાં કાચા તેલના ભાવની અસર પેટ્રોલ અને ડીઝલના ભાવ પર જોવા મળે છે.
Published On - 6:55 am, Fri, 13 May 22