Central KYC દ્વારા હવે ઘરે બેઠા ખોલી શકાશે NPS ખાતું, અનુસરો આ સરળ સ્ટેપ્સ

જો તમે નેશનલ પેન્શન સિસ્ટમમાં તમારું ખાતું ખોલાવવા માગો છો અને વારંવાર KYCની ઝંઝટથી બચવા માગો છો તો તમારા માટે સારા સમાચાર છે. પેન્શન ફંડ રેગ્યુલેટરી એન્ડ ડેવલપમેન્ટ ઓથોરિટીએ NPS એકાઉન્ટ ખોલવા માટે નવો વિકલ્પ આપ્યો છે. આ સુવિધા દ્વારા તમે ઘરે બેસીને સરળતાથી NPS એકાઉન્ટ ખોલી શકો છો.  તમે તમારું NPS એકાઉન્ટ સેન્ટ્રલ કેવાયસી સિસ્ટમ દ્વારા ખોલી શકો છો. આ પ્રક્રિયા સંપૂર્ણપણે ઓનલાઈન છે. PFRDAએ આ સુવિધા આઝાદીના અમૃત મહોત્સવના અવસર પર શરૂ કરી હતી. આ સાથે PFRDAએ NPSમાં ડિજિટલ ઓનબોર્ડિંગ માટે નવા વિકલ્પો પણ સક્ષમ કર્યા હતા. જેમાં Digi Locker, Aadhaar eKYC/XML અને PAN/Bank એકાઉન્ટ દ્વારા જારી કરાયેલા દસ્તાવેજોનો સમાવેશ થાય છે.

PFRDA એ જણાવ્યું છે કે સેન્ટ્રલ કેવાયસી સિસ્ટમનો હેતુ નાણાકીય સેવા પ્રદાતાઓના ખાતા ખોલવાની રીતને સરળ બનાવવાનો છે. આ સાથે રોકાણકારોએ તેમના દસ્તાવેજોની વારંવાર ચકાસણી કરાવવાની જરૂર રહેશે નહીં.

CKYC દ્વારા તમારું NPS ખાતું કેવી રીતે ખોલવું?

• સૌથી પહેલા http://www.camsnps.com વેબસાઈટ પર જાઓ.
• હવે રજીસ્ટ્રેશન પેજ પર સબ્સ્ક્રાઇબરની  વિગતો દાખલ કરો.
• પ્રથમ નામ, પાન નંબર , જન્મ તારીખ, ઈ મેઈલ આઈડી અને મોબાઇલ નંબર (KYC/આધાર લિંક્ડ) દાખલ કરો
• હવે નવું એકાઉન્ટ ખોલવાનો વિકલ્પ પસંદ કરો.
• સબ્સ્ક્રાઇબરે તેના મોબાઈલમાં અને તેના ઈમેલમાં મળેલો OTP દાખલ કરવો પડશે
• સબ્સ્ક્રાઇબરના PAN, DOB, ઈમેલ અને મોબાઈલ નંબર CKYC વડે ચેક કરવામાં આવે છે. વિગતો મેળ ખાય તો ગ્રાહકની KYC વિગતો સ્ક્રીન પર પોપ અપ તરીકે ખુલશે.
• હા પસંદ કરી શકે છે અને આગળ વધો અન્યથા ના પસંદ કરો અને અન્ય KYC વિકલ્પ તરીકે eKYC પસંદ કરો.
• KYC સ્ટેટસ વેરિફાઈડ તરીકે પ્રદર્શિત થશે. સબ્સ્ક્રાઇબર અરજદારનો પ્રકાર અને સ્થિતિ પસંદ કરી શકે છે અને આગળ વધી શકે છે.
• જો CKYC માં ઉપલબ્ધ હોય તો પિતાનું નામ, માતાનું નામ, લિંગ સંબંધિત ક્ષેત્રની સામે દર્શાવવામાં આવશે અને તેમાં ફેરફાર કરી શકાય છે.
• CKYC માં ઉપલબ્ધ સબ્સ્ક્રાઇબરનું સરનામું એડ્રેસ ફીલ્ડની સામે ભરેલું હશે અને તેમાં ફેરફાર કરી શકાશે નહીં.
• એકવાર તમામ જરૂરી ડેટા દાખલ થઈ જાય પછી ગ્રાહક વિગતો સેવ બટન પસંદ કરી શકે છે અને સ્વીકૃતિ નંબરની રચના સાથે આગળ વધી શકે છે.
• કન્ફર્મેશન નંબર જનરેટ થાય છે અને ગ્રાહકને SMS અને ઈમેલ દ્વારા આપવામાં આવે છે. રસીદની નકલ ગ્રાહક દ્વારા પણ ડાઉનલોડ કરી શકાય છે.