ખાતામાં નથી એક રૂપિયો તો શું ગ્રાહકે ચુકવવો પડશે ચાર્જ ? જાણો શું કહે છે RBIનો નિયમ

ઘણી વખત તમને એવી સમસ્યાનો સામનો કરવો પડે છે કે બેંક તમને જાણ કર્યા વિના તમારા ખાતામાંથી પૈસા કાપી લે છે. આવી સ્થિતિમાં તમે બેંકમાં ફરિયાદ કરો. શું તમે જાણો છો કે જો તમારા ખાતામાં ઝીરો બેલેન્સ છે તો બેંક તેને માઈનસ નહીં કરી શકે. જો આવું થાય તો તમારી પાસે એક વિકલ્પ છે. અહીં અમે તમને તે વિકલ્પ વિશે જણાવીશું.

ઘણી વખત બેંકો તમારા ખાતામાંથી કોઈ કારણ વગર પૈસા કાપી લે છે, તો ખાતું માઈનસ થઈ જાય છે. ગ્રાહક પાસે ખાતું બંધ કરવા સિવાય કોઈ વિકલ્પ બચ્યો નથી. પરંતુ જ્યારે તમે ખાતું બંધ કરવા જાઓ છો ત્યારે પણ બેંક અધિકારીઓ તમારું ખાતું બંધ કરતા નથી અને કહે છે કે માઈનસ રકમ ક્લિયર કર્યા પછી તમારું ખાતું બંધ થઈ શકે છે. જો તમે પણ આવી જ સમસ્યાનો સામનો કરી રહ્યા છો તો ચાલો તમને જણાવીએ આ સમસ્યાનો ઉકેલ.

આજકાલ શું થઈ રહ્યું છે?

આજકાલ દરેક વ્યક્તિ બચત બેંક ખાતાને પ્રાધાન્ય આપે છે. બચત ખાતું ખોલાવતી વખતે, બેંક તેના ગ્રાહકોને નિયમો અને શરતો કહે છે કે બેંક ખાતું ખોલ્યા પછી, તેણે ખાતામાં મિનિમમ બેલેન્સ જાળવવું પડશે. મિનિમમ બેલેન્સ લિમિટ પણ બેંક દ્વારા જ નક્કી કરવામાં આવે છે. જો ગ્રાહકના ખાતામાં મિનિમમ બેલેન્સ નથી, તો તેના બદલે ચાર્જ વસૂલવામાં આવે છે.

શું કહે છે RBIનો નિયમ ?

આરબીઆઈના નિયમો અનુસાર, મિનિમમ બેલેન્સ ન હોવા છતાં પણ બેંક ગ્રાહકના ખાતામાંથી પૈસા કાપી શકતી નથી. તે જ સમયે, બેંક દંડના નામે કપાત કરીને ગ્રાહકના ખાતાને માઈનલસમાં બનાવી શકતી નથી. તેમ છતાં જો કોઈ બેંક આવું કરે છે તો ગ્રાહક RBIમાં જઈને બેંકની ફરિયાદ કરી શકે છે.

તમને જણાવી દઈએ કે તમારી ફરિયાદના આધારે આરબીઆઈ તે બેંક વિરુદ્ધ કાર્યવાહી કરશે. જો તમે ઈચ્છો તો RBIની સત્તાવાર વેબસાઈટ પર જઈને પણ ફરિયાદ નોંધાવી શકો છો. હાલ જ્યારે આવું થાય છે, ત્યારે કોઈને તે બેંકમાં ફરિયાદ કરીને પણ ઉકેલ મળે છે. ઘણી વખત બેંકો બાદમાં રકમ પરત કરે છે. તમારે ફક્ત તેમના કસ્ટમર કેયર સાથે વાત કરવી પડશે અને તેમને તમારી સમસ્યા જણાવવી પડશે.

આ પણ વાંચો: શું તમે સચિન તેંડુલકરની ઇન્વેસ્ટમેન્ટ કંપનીમાં કરશો રોકાણ, આજે ખુલી રહ્યો છે IPO, GMP જાણી મજા આવશે