New IT Portal: નવા ઇન્કમ ટેક્સ પોર્ટલની સમસ્યાઓ જલ્દી દૂર થશે, જાણો Infosys એ શું કહ્યું
Infosys ને આગામી પેઢીની ઇન્કમ ટેક્સ ફાઇલિંગ સિસ્ટમ વિકસાવવા માટેનો કોન્ટ્રાકટ વર્ષ 2019 માં મળ્યો હતો. આની પાછળનો ઉદ્દેશ રીટર્ન સ્ક્રુટિની સમયને 63 દિવસથી ઘટાડીને એક દિવસ કરવાનો અને રિફંડ પ્રક્રિયાને વેગ આપવાનો હતો.
આવકવેરા વિભાગના નવા આઈટી પોર્ટલ(New IT Portal) માં સામે આવેલી તકનીકી ખામીઓ અંગે દેશની અગ્રણી સોફ્ટવેર સર્વિસ કંપની ઇન્ફોસીસે(Infosys) જણાવ્યું છે કે તે આ સમસ્યાઓને દૂર કરવા માટે ઝડપથી કામ કરી રહી છે અને હાલમાં આ બાબતને પ્રાથમિકતા આપી રહી છે.
ઇન્ફોસિસના ટોપ મેનેજમેન્ટે બુધવારે નિવેદન આપ્યું છે કે પોર્ટલ પર આવી રહેલી અનેક સમસ્યાઓનું નિરાકરણ આવી ગયું છે અને અત્યાર સુધી તેના પર 10 લાખ આવકવેરા રીટર્ન (ITR) ફાઈલ કરવામાં આવ્યા છે. કંપનીના સીઈઓ અને એમડીના મેનેજિંગ ડિરેક્ટર સલિલ પારેખે જણાવ્યું હતું કે અમે નવા પોર્ટલ પર તમામ સુવિધાઓ ઉપલબ્ધ કરાવવા માટે સખત મહેનત કરી રહ્યા છીએ. અમે ખૂબ જ ઝડપથી કામ કરી રહ્યા છીએ. મોટી સંખ્યામાં ITR પણ ફાઈલ થયા છે. પોર્ટલમાં હજી કેટલાક કામ બાકી છે જે કરવાની જરૂર છે. કંપનીને વિશ્વાસ છે કે આ તમામ પરિસ્થિતિઓને તબક્કાવાર ઉકેલી લેવામાં આવશે અને તમામ પ્રશ્નોનું નિરાકરણ લાવવામાં આવશે.
ઇન્ફોસિસને વર્ષ 2019 માં કોન્ટ્રાક્ટ મળ્યો હતો
ઇન્ફોસિસને આગામી પેઢીની ઇન્કમ ટેક્સ ફાઇલિંગ સિસ્ટમ વિકસાવવા માટેનો કોન્ટ્રાકટ વર્ષ 2019 માં મળ્યો હતો. આની પાછળનો ઉદ્દેશ રીટર્ન સ્ક્રુટિની સમયને 63 દિવસથી ઘટાડીને એક દિવસ કરવાનો અને રિફંડ પ્રક્રિયાને વેગ આપવાનો હતો.
નવું પોર્ટલ 7 જૂને શરૂ કરાયું હતું
નવું આવકવેરા પોર્ટલ www.incometax.gov.in7 મી જૂને ખૂબ જ ઉત્સાહ સાથે શરૂ કરાયું હતું. શરૂઆતથી જ પોર્ટલ પર તકનીકી સમસ્યાઓ આવી રહી છે. આ કારણે નાણામંત્રી નિર્મલા સીતારામને 22 જૂનના રોજ ઇન્ફોસીસ અધિકારીઓ સાથે બેઠક કરી હતી. ઇન્ફોસીસે આ નવી વેબસાઇટ તૈયાર કરી છે.
Infosys Q1 Results જાહેર કર્યા
દેશની અગ્રણી સોફ્ટવેર સર્વિસિસ કંપની ઇન્ફોસીસે બુધવારે તેના જૂન ક્વાર્ટરના પરિણામો જાહેર કર્યા છે. ચાલુ નાણાકીય વર્ષના પ્રથમ ક્વાર્ટરમાં વાર્ષિક ધોરણે કંપનીનો નેટ પ્રોફિટ 22.7 ટકા વધીને રૂ 5195 કરોડ થયો છે. ગયા વર્ષે સમાન ત્રિમાસિક ગાળામાં કંપનીનો નેટ પ્રોફિટ રૂ. 4233 કરોડ હતો. ત્રિમાસિક ધોરણે માર્ચ 2021 ના ત્રિમાસિક ગાળામાં ઈન્ફોસિસનો નેટ પ્રોફિટ રૂ. 5078 કરોડ હતો. કંપનીની કન્સોલિડેટેડ ઇન્કમ વાર્ષિક ધોરણે 18 ટકા વધીને રૂ 28986 કરોડ થઈ છે. એક વર્ષ પહેલા તે રૂ 23665 કરોડ હતી. ત્રિમાસિક ધોરણે તે 26311 કરોડ રૂપિયાથી 6 ટકા વધીને 27896 કરોડ રૂપિયા પર પહોંચી ગયો છે.