SIP: 50 વર્ષની ઉંમરે, 10 કરોડ રૂપિયાનું ફંડ એકઠું કરવું છે? તમારે માસિક આટલું કરવું પડશે રોકાણ

ભારતમાં નિવૃત્તિ વય સામાન્ય રીતે 60 વર્ષની ગણવામાં આવે છે અને લોકો આ ઉંમરને ધ્યાનમાં રાખીને નિવૃત્તિ માટે બચત કરે છે. જો કોઈ વહેલા નિવૃત્ત થવા માંગે છે, તો તેણે વહેલી તકે રોકાણ (Investment) શરૂ કરવું પડશે. વ્યક્તિએ ઓછામાં ઓછી 25 વર્ષની વયે રોકાણ કરવાનું શરૂ કરવું પડશે.

મ્યુચ્યુઅલ ફંડ એસઆઈપી (SIP) રોકાણ માટે શ્રેષ્ઠ છે. આ નાના માસિક રોકાણો મોટી રકમ એકઠા કરવામાં મદદ કરે છે. પરંતુ, રોકાણ (Investment) લાંબા ગાળા માટે હોવું જોઈએ. અહીં અમે તમને જણાવીશું કે 50 વર્ષની ઉંમરે 10 કરોડ રૂપિયાનું ફંડ બનાવવા માટે તમારે દર મહિને કેટલી એસઆઈપી કરવી પડશે.

કેવી રીતે રોકાણ કરવું

25 વર્ષની ઉંમરે કમાણી શરૂ કરનારી વ્યક્તિ માટે એક સાથે મોટી રકમનું રોકાણ (Investment) કરવું શક્ય નહીં બને. તેથી આવા રોકાણકારો માટે મ્યુચ્યુઅલ ફંડ એસઆઈપી શ્રેષ્ઠ વિકલ્પ હશે, કારણ કે તેમાં નાના રોકાણથી મોટું ફંડ જમા કરી શકાય છે. તમે દર મહિને થોડું થોડું રોકાણ કરશો તો લાંબા ગાળે એક મોટી રકમ જમાં થશે.

દર વર્ષે રોકાણ વધારો

50 વર્ષની ઉંમરે 10 કરોડ રૂપિયાના મહત્વાકાંક્ષી રોકાણ લક્ષ્યાંક ફક્ત એસઆઈપી જ પૂરી કરી શકતા નથી. મ્યુચ્યુઅલ ફંડ એસઆઈપી લાંબા સમયગાળામાં વાર્ષિક 12-15 ટકા વળતર આપે છે. તેથી જ નિષ્ણાતો ભલામણ કરે છે કે તમારે દર વર્ષે તમારી એસઆઈપી 10 ટકા વધારવી પડશે. દર વર્ષે તમારી આવકમાં થોડો વધારો થશે. તદનુસાર, તમે દર વર્ષે માસિક એસઆઈપી 10 ટકાનો વધારો કરો.

કેટલું રોકાણ કરવું પડશે

મ્યુચ્યુઅલ ફંડ એસઆઈપી કેલ્ક્યુલેટર મુજબ જો કોઈ વ્યક્તિ 50 વર્ષની વયે 10 કરોડ રૂપિયાના ભંડોળ જમા કરવા માટે 12 ટકા વાર્ષિક વળતર માનીને 25 વર્ષની ઉંમરે એસઆઈપી શરૂ કરે છે, તો તેને માસિક ધોરણે આશરે 26,000 રૂપિયાનું રોકાણ કરવું પડશે. આ રોકાણ ત્યારે કરવું પડશે જ્યારે તેઓ દર વર્ષે એસઆઈપીમાં 10 ટકાનો વધારો કરશે.

આ રીતે ઓછું રોકાણ કરવું પડશે
જો કોઈ રોકાણકાર 25 વર્ષની વયે એસઆઈપી શરૂ કરે તો 10 ટકાના રોકાણના લક્ષ્યાંક સાથે 12 ટકા વાર્ષિક વળતર માનીને, પરંતુ દર વર્ષે 15 ટકા જેટલો વધારો થાય છે, તો તે 14,750 રૂપિયાની પ્રારંભિક માસિક એસઆઈપીથી જ રૂ. 10.02 કરોડનું ભંડોળ બનાવી શકે છે.