Hemani Industries IPO : 2000 કરોડનું ભંડોળ એકત્રિત કરવા Hemani Industries IPO લાવશે, જાણો કંપની વિશે વિગતવાર
કંપનીના પ્રમોટર્સ જયેશ મોહન દામા, મોહન સુંદરજી દામા અને મીનલ મોહન દામા છે જેઓ કંપનીમાં 100% હિસ્સો ધરાવે છે. ત્રણેય પ્રમોટરો તેમના રૂ. 500 કરોડના શેર IPO દ્વારા વેચવાની તૈયારી કરી રહ્યા છે.
Hemani Industries IPO: એગ્રોકેમિકલ્સ અને કેમિકલ મેન્યુફેક્ચરિંગ કંપની હેમાની ઇન્ડસ્ટ્રીઝ ( Hemani Industries) તેનો IPO લાવવાની છે. કંપની આઈપીઓ દ્વારા બજારમાંથી રૂ. 2,000 કરોડ એકત્ર કરવાની તૈયારી કરી રહી છે. હેમાની ઇન્ડસ્ટ્રીઝે શેરબજાર નિયમનકાર સેબી(SEBI) પાસે IPO લાવવા માટે પ્રારંભિક પેપર્સ ફાઇલ કર્યા છે.હેમાની ઇન્ડસ્ટ્રીઝ આઇપીઓ (Hemani Industries IPO) દ્વારા રૂ. 2,000 કરોડ એકત્ર કરવાની તૈયારી કરી રહી છે જેમાં રૂ. 500 કરોડનો ફ્રેશ ઈશ્યુ થશે એટલે કે નવા શેર જારી કરવામાં આવશે જ્યારે રૂ. 1500 કરોડના પ્રમોટરો તેમના શેર ઓફર અથવા વેચાણમાં વેચશે.
કંપની પ્રાઈવેટ પ્લેસમેન્ટ દ્વારા 100 કરોડ રૂપિયા એકત્ર કરવા માંગે છે. આઈપીઓ દ્વારા એકત્ર કરાયેલા નાણાં સાથે કંપની તેની ઉત્પાદન ક્ષમતામાં વધારો કરશે. આ ઉપરાંત કંપની આ નાણાંનો ઉપયોગ લોનની ચુકવણી માટે કરશે તેમજ કાર્યકારી મૂડી અને સામાન્ય કોર્પોરેટ કામ માટે નાણાંનો ઉપયોગ કરશે.
હેમાની ઇન્ડસ્ટ્રીઝનું ધ્યાન મુખ્યત્વે એશિયા પેસિફિક લેટિન અમેરિકા, રશિયા, અમેરિકા, આફ્રિકા અને ઓસ્ટ્રેલિયા જેવા પ્રદેશોમાં નિકાસ અને કામગીરી પર છે. કંપનીના ઉત્પાદનો 60 દેશોમાં નિકાસ કરવામાં આવે છે. સપ્ટેમ્બર 2021 ના રોજ પૂરા થયેલા અર્ધ વર્ષ માટે કંપનીની આવક રૂ. 714.40 કરોડ રહી છે જ્યારે નફો રૂ. 112.76 કરોડ હતો. જેએમ ફાઇનાન્શિયલ કોટક મહિન્દ્રા કેપિટલ IPO ના બુક રનિંગ લીડ મેનેજર્સ છે.
કંપનીના પ્રમોટર્સ જયેશ મોહન દામા, મોહન સુંદરજી દામા અને મીનલ મોહન દામા છે જેઓ કંપનીમાં 100% હિસ્સો ધરાવે છે. ત્રણેય પ્રમોટરો તેમના રૂ. 500 કરોડના શેર IPO દ્વારા વેચવાની તૈયારી કરી રહ્યા છે.
Veranda Learning Solutions IPO માં રોકાણની તક
વેરાન્ડા લર્નિંગ સોલ્યુશન્સ ચેન્નાઈની પ્રારંભિક જાહેર ઓફર (Veranda Learning Solutions IPO) સબ્સ્ક્રિપ્શન માટે ખુલી છે. વેરાન્ડા લર્નિંગે રૂ. 200 કરોડના ઇશ્યૂ માટે શેર દીઠ રૂ. 130-137ની પ્રાઇસ બેન્ડ નક્કી કરી છે. કંપનીનો IPO 31 માર્ચ સુધી ખુલ્લો રહેશે. ભારતીય શેરબજાર(Share Market)માં ચાલુ નાણાકીય વર્ષનો આ છેલ્લો IPO હશે. આ ઓફરમાં રૂ. 200 કરોડના નવા શેર જારી કરવામાં આવશે. ફાળવણીનો આધાર 5 એપ્રિલે નક્કી કરવામાં આવશે, ડીમેટ ખાતામાં શેરનું રિફંડ અને ક્રેડિટ 6 એપ્રિલથી શરૂ થશે,જ્યારે IPO લિસ્ટિંગ 7 એપ્રિલ સુધીમાં થવાની સંભાવના છે. ચાલુ નાણાકીય વર્ષમાં કુલ 52 કંપનીઓએ IPO દ્વારા રૂ. 1.11 લાખ કરોડ એકત્ર કર્યા છે.
વેરાન્ડા લર્નિંગ સોલ્યુશન્સના શેર BSE અને NSE બંને પર લિસ્ટ થશે. કંપનીએ IPO પહેલા એન્કર રોકાણકારો પાસેથી રૂ. 46.75 કરોડ એકત્ર કર્યા છે. કંપનીએ એક્સ્ચેન્જોને જાણ કરી હતી કે તેણે એન્કર રોકાણકારોને 34,12,500 ઇક્વિટી શેર્સ પ્રતિ ઇક્વિટી શેર રૂ. 137ના અપર પ્રાઇસ બેન્ડ પર ફાળવ્યા છે. એજી ડાયનેમિક ફંડ્સે રૂ. 25 કરોડના મૂલ્યના ઇક્વિટી શેરો મેળવ્યા હતા. રેઝોનન્સ ઓપોર્ચ્યુનિટીઝ ફંડે રૂ. 10 કરોડના શેર ખરીદ્યા હતા અને નેક્સ્ટ ઓર્બિટ વેન્ચર્સને એન્કર બુક દ્વારા કંપની દ્વારા રૂ. 11.74 કરોડના શેરની ફાળવણી કરવામાં આવી હતી.
આ પણ વાંચો : Petrol-Diesel Price Today : આમ આદમી માટે માઠાં સમાચાર, આજે પણ મોંઘુ થયું પેટ્રોલ – ડીઝલ, જાણો લેટેસ્ટ રેટ
આ પણ વાંચો : Ruchi Soya FPO : બાબા રામદેવની કંપનીના FPO ને 3.60 ગણું સબસ્ક્રિપ્શન મળ્યું, 30 માર્ચ સુધી બિડ પરત ખેંચી શકાશે
