સ્વિસ બેંકમાં કેટલું કાળું નાણું જમા છે ? જાણો આ સવાલનો નિર્મલા સીતારમણે શું આપ્યો જવાબ
સીતારમણે (Nirmala Sitharaman) કહ્યું કે મીડિયા રિપોર્ટ્સમાં આ આંકડાઓનું અર્થઘટન કેવી રીતે કરવું તે ધ્યાનમાં લેવામાં આવ્યું નથી. જેના કારણે ભ્રામક હેડલાઇન્સ અને વિશ્લેષણો સામે આવ્યા છે.
નાણાપ્રધાન નિર્મલા સીતારમણે (Finance Minister Nirmala Sitharaman) સોમવારે લોકસભામાં એક લેખિત જવાબમાં કહ્યું હતું કે સ્વિસ બેંકોમાં (Swiss banks) ભારતના લોકો દ્વારા જમા કરાયેલા નાણાં વિશે કોઈ સત્તાવાર અંદાજ નથી. તેમણે કહ્યું કે કેટલાક મીડિયા રિપોર્ટ્સમાં એવો દાવો કરવામાં આવ્યો છે કે 2020ની સરખામણીમાં 2021માં સ્વિસ બેંકોમાં ભારતીય લોકોની જમા રકમમાં ઉછાળો આવ્યો છે. તેમણે ગૃહને જણાવ્યું હતું કે સરકારે પનામા પેપર્સ લીક, પેરેડાઈઝ પેપર્સ લીક અને તાજેતરમાં બહાર આવેલા પેન્ડોરા પેપર્સ લીક જેવા વિદેશી અસ્કયામતોને લગતા કેસોની ઝડપી અને સંકલિત તપાસ કરવા માટે એક બહુ-એજન્સી ટીમ (MAG) ની રચના કરી છે. આમાં અમલીકરણ એજન્સીઓ/સંસ્થાઓના પ્રતિનિધિઓનો સમાવેશ થાય છે.
નાણામંત્રીએ કહ્યું કે, ભારતીય નાગરિકો અને કંપનીઓ દ્વારા સ્વિસ બેંકોમાં કેટલા પૈસા જમા છે તેનો કોઈ સત્તાવાર અંદાજ નથી. જોકે, કેટલાક મીડિયા રિપોર્ટ્સમાં કહેવામાં આવ્યું છે કે વર્ષ 2020ની સરખામણીમાં 2021માં સ્વિસ બેંકોમાં જમા ભારતીયોની સંપત્તિમાં વધારો થયો છે.
તેમણે કહ્યું કે આ મીડિયા રિપોર્ટ્સમાં એવો પણ ઉલ્લેખ કરવામાં આવ્યો છે કે આ થાપણો સ્વિત્ઝર્લેન્ડમાં ભારતીયો દ્વારા કથિત રીતે જમા કરાયેલા કાળા નાણાની રકમ દર્શાવતી નથી. તેમણે ધ્યાન દોર્યું કે આ વિષય પર સ્વિસ સત્તાવાળાઓએ પહેલાથી જ સ્પષ્ટ કર્યું છે કે ભારતીય મીડિયા નિયમિતપણે સ્વિસ નેશનલ બેંક (SNB) દ્વારા પ્રકાશિત ડેટાનો ઉપયોગ સ્વિસ નાણાકીય સંસ્થાઓમાં ભારતીય રહેવાસીઓની સંપત્તિની રકમના વિશ્વસનીય સૂચક તરીકે કરે છે.
ગેરમાર્ગે દોરેલા શીર્ષકથી બ્લેમની વિશે ગેરસમજ
સીતારમણે કહ્યું કે મીડિયા રિપોર્ટ્સમાં આ આંકડાઓનું અર્થઘટન કેવી રીતે કરવું તે ધ્યાનમાં લેવામાં આવ્યું નથી. જેના કારણે ભ્રામક હેડલાઇન્સ અને વિશ્લેષણો સામે આવ્યા છે. આ ઉપરાંત વારંવાર એવું માની લેવામાં આવે છે કે, ભારતીય નાગરિકો દ્વારા સ્વિટ્ઝર્લેન્ડમાં જમા ધન અઘોષિત જ છે.
તેમણે કહ્યું કે 31 મે, 2022 સુધી બ્લેક મની એન્ડ ઈમ્પોઝિશન ઓફ ટેક્સ એક્ટ 2015 હેઠળ 368 કેસોની આકારણીનું કામ પૂર્ણ થઈ ગયું છે અને 14,820 કરોડ રૂપિયાની ટેક્સ ડિમાન્ડ મૂકવામાં આવી છે અને 1,294 કરોડથી વધુનો દંડ ફટકારવામાં આવ્યો છે. તેમણે કહ્યું કે બ્લેક મની (અનડિક્લોઝ્ડ ફોરેન ઈન્કમ એન્ડ એસેટ્સ) અને ઈમ્પોઝિશન ઓફ ટેક્સ એક્ટ 2015 હેઠળ 648 ઘોષણાઓ કરવામાં આવી છે જેમાં રૂ. 4,164 કરોડની વિદેશી સંપત્તિ સામેલ છે.
8468 કરોડની અઘોષિત આવકને ટેક્સના દાયરામાં લાવવામાં આવી
નાણામંત્રીએ કહ્યું કે 31 મે, 2022 સુધી, HSBC સાથે વિદેશી બેંક ખાતામાં અઘોષિત રકમ જમા કરાવવાના કિસ્સામાં અત્યાર સુધીમાં 8,468 કરોડ રૂપિયાથી વધુની અઘોષિત આવકને કરવેરા હેઠળ લાવવામાં આવી છે અને 1,294 કરોડથી વધુનો દંડ ફટકારવામાં આવ્યો છે.
તેમણે કહ્યું કે બ્લેક મની (અનડિક્લોઝ્ડ ફોરેન ઈન્કમ એન્ડ એસેટ્સ) અને ઈમ્પોઝિશન ઓફ ટેક્સ એક્ટ 2015 હેઠળ 648 ઘોષણાઓ કરવામાં આવી છે જેમાં રૂ. 4,164 કરોડની વિદેશી સંપત્તિ સામેલ છે.
ત્રણ મહિનાની કમ્પ્લાયન્સ વિન્ડો સ્કીમ હેઠળ એક વખતની જાહેરાત કરવામાં આવી હતી. તેમણે કહ્યું કે આ યોજના 30 સપ્ટેમ્બર 2015ના રોજ બંધ કરવામાં આવી હતી. આવા કેસોમાં ટેક્સ અને પેનલ્ટી તરીકે લગભગ રૂ. 2,476 કરોડની રકમ વસૂલવામાં આવી હતી.
Latest News Updates
