વ્યાજદરના વધારાને કારણે વધી છે હોમ લોનના હપ્તાની રકમ ? આ રીત અપનાવીને ઘટાડો બોજ

રિઝર્વ બેંક ઓફ ઈન્ડિયા દ્વારા વ્યાજદરમાં વધારો કરવાને કારણે હોમ લોન લેનારાઓને સૌથી વધુ નુકસાન થયું છે. રેપો રેટમાં વધારો કર્યા બાદ, મોટાભાગની બેંકોએ લોનના વ્યાજ દરમાં 2 ટકા સુધીનો વધારો કર્યો છે. તેનાથી હોમ લોન લેનારાઓ અનેક લોકો પર માત્ર EMI બોજ જ નથી વધ્યો પરંતુ લોનની મુદત પણ વધી ગઈ છે. આવી સ્થિતિમાં, શું કોઈ રસ્તો છે જેના દ્વારા હપ્તાનો બોજ ઓછો કરી શકાય. આવો જાણીએ કે કેવી રીતે હપ્તાનુ ભારણ ઓછુ કરી શકાય તે અંગે…

કોઈપણ રીતે, રેપો રેટમાં વધારાને કારણે સૌથી વધુ નુકસાન મોટી રકમ અને લાંબા ગાળાની લોન લેનારાઓને થયું છે. જો તમારી હોમ લોન રૂ. 50 લાખ છે અને તેના 20 વર્ષના હપ્તા બાકી છે, અને વ્યાજ દર 7 થી વધીને 9.25 ટકા થયો હોય છે, તો તમારી EMI રૂ. 38,765 થી વધીને રૂ. 45,793 થશે.

લોનની કુલ રકમ કેટલી વધશે ?

ઉપર દર્શાવેલા ઉદાહરણ પરથી તમને લાગતું હશે કે આમાં કેટલી રકમ વધશે. પરંતુ જો આપણે તેને મોટા ચિતાર તરીકે જોઈએ તો લોનની મુદત સુધીમાં તમારી કુલ લોનની રકમ લગભગ 16.86 લાખ રૂપિયા વધી જશે. જો તમારી EMI વર્તમાન સ્તરે રહેશે તો તે રૂ. 43.03 લાખથી વધીને રૂ. 59.90 લાખ થશે.

EMIનો બોજ ઘટાડી શકાય છે

આદિલ શેટ્ટી, CEO, BankBazaar કહે છે કે, હોમ લોન લેનારાઓ માટે EMIના બોજને નિયંત્રિત કરવું એ એક મોટું કાર્ય છે કારણ કે તમારા માસિક ખર્ચનો મોટો ભાગ EMI પર ખર્ચ કરવામાં આવે છે. તેથી, હપ્તા જેટલા ઓછા રાખવામાં આવે તેટલું વધુ સારું રહેશે.

જ્યારે વ્યાજ દરો વધી રહ્યા છે, ત્યારે હોમ લોન EMI ને નિયંત્રણમાં રાખવા માટે આંશિક રીતે પૂર્વચુકવણી અથવા લોન પ્રીપેમેન્ટ એ એક શ્રેષ્ઠ વિકલ્પ હોઈ શકે છે. આ પ્રકારે વ્યાજના વધતા બોજને ઘટાડવામાં તમને મદદરૂપ છે.

આંશિક પૂર્વચુકવણી મદદ કરી શકે છે

જો કે, આંશિક પૂર્વચુકવણી અને પૂર્વચુકવણી તમારી નાણાકીય સ્થિતિ પર આધાર રાખે છે. જો કે, આંશિક પૂર્વચુકવણીના ફાયદા એક ઉદાહરણ દ્વારા સમજી શકાય છે.

આ રીતે ઘટાડો તમારી લોનનું ભારણ

જો તમારી લોનની રકમ રૂ. 50 લાખ છે અને તે લોનનો વ્યાજ દર 9.40 ટકા છે, જ્યારે તમારી પાસે 15 વર્ષના હપ્તા બાકી છે. આવી સ્થિતિમાં, જો તમે 7.5 લાખ રૂપિયાની આંશિક પ્રીપેમેન્ટ કરો છો, તો તમને વ્યાજ તરીકે 17.73 લાખ રૂપિયાની બચત થશે, જ્યારે તમારી લોન પણ લગભગ 48.6 મહિનામાં સંપૂર્ણ રીતે ચૂકવવામાં આવશે.