GoodFellows સ્ટાર્ટઅપને મળ્યો રતન ટાટાનો સાથ, જાણો આ કંપની વિશે
શાંતનુ નાયડુએ કહ્યું કે તેમની કંપનીના કર્મચારીઓ વૃદ્ધોનું તમામ પેપરવર્ક, ઈમેઈલ વર્ક પણ કરશે. આ કંપની જાન્યુઆરી 2022થી કોમર્શિયલ સર્વિસ શરૂ કરશે. લોન્ચ કર્યા પછી આ કંપની તેના ગ્રાહકો પાસેથી માસિક સબ્સ્ક્રિપ્શનના રૂપમાં ફી વસૂલશે.
વિશ્વના જાણીતા ઉદ્યોગપતિ (Businessman) અને ટાટા જૂથના પ્રમુખ રતન ટાટાનો (Ratan Tata) સ્વભાવ આપણે બધા જાણીએ છીએ. રતન ટાટા તેમના કર્મચારીઓથી લઈને તેમના સાથીદારો માટે જે કામ કરે છે તે સમગ્ર વિશ્વ માટે એક ઉદાહરણ બની રહે છે. આ અહેવાલમાં રતન ટાટાએ એક એવા સ્ટાર્ટઅપને પોતાનું સમર્થન આપ્યું છે જેના સ્થાપક અન્ય કોઈ નહીં પણ તેમના પોતાના બિઝનેસ આસિસ્ટન્ટ છે.
હા, અમે વાત કરી રહ્યા છીએ ગુડફેલોના (GoodFellows) સ્થાપક શાંતનુ નાયડુની. શાંતનુ નાયડુના (Shantanu Naidu) સ્ટાર્ટઅપ ગુડફેલોને રતન ટાટાનું સમર્થન મળ્યું છે. ગુડફેલો હાલમાં બીટા પરીક્ષણ તબક્કામાં છે. શાંતનુ નાયડુ તેમની કંપનીમાં 30 વર્ષની વય સુધીના યુવાન સ્નાતકોની ભરતી કરવા માંગે છે જેઓ વૃદ્ધો સાથે સારા સંબંધો બનાવી શકે અને જાળવી શકે.
તેમનો સ્ટાફ વૃદ્ધોને માત્ર કરિયાણાની ખરીદીમાં જ મદદ નહીં કરે પણ જ્યારે જરૂર પડે ત્યારે તેમને ડૉક્ટર પાસે લઈ જશે, તેમને વર્તમાન ટેકનોલોજી વિશે શીખવાડશે અને તેમની સાથે વાર્તાલાપ કરીને ટહેલવાનું પણ કામ કરશે.
રતન ટાટાએ કંપનીના સ્થાપક અને કર્મચારીઓને આ ખાસ સંદેશ આપ્યો
શાંતનુ નાયડુએ કહ્યું કે તેમની કંપનીના કર્મચારીઓ વૃદ્ધોના તમામ પેપરવર્ક, ઈમેઈલ વર્ક પણ કરશે. આ કંપની જાન્યુઆરી 2022થી કોમર્શિયલ સર્વિસ શરૂ કરશે. લોન્ચ કર્યા પછી આ કંપની તેના ગ્રાહકો પાસેથી માસિક સબ્સ્ક્રિપ્શનના રૂપમાં ફી વસૂલશે.
સહયોગી શાંતનુ નાયડુના આ સ્ટાર્ટઅપને પોતાનું સમર્થન આપતા રતન ટાટાએ ઈમેઈલ પર એક નિવેદન બહાર પાડ્યું છે. તેમણે કહ્યું, “ ઈંટરજનરેશનલ ફ્રેન્ડશીપ એક દયાળુ, સાર્થક અને પ્રમાણિક રીત છે. ગુડફેલો એકલા પડી ગયેલા વૃદ્ધોને સાથીના રૂપમાં હૂંફ આપવાની સાથે મદદ કરે છે. ગુડફેલો કેવી રીતે આગળ વધે છે તે જોવા માટે હું આતુર છું. શાંતનુ અને તેની યુવા ટીમને શુભકામનાઓ.”
રતન ટાટાએ આ કંપનીઓને પણ કરી છે મદદ
તમને જણાવી દઈએ કે રતન ટાટાએ ઘણા સ્ટાર્ટઅપ્સને તેમનો સહયોગ આપીને અથવા નાણાકીય રીતે મદદ આપીને જમીનથી એક ઉંચાઈ સુધી લઈ જવાનું કામ કર્યું છે. Airbnb, Bombay Hemp Company, Bluestone, Goquii, Ikure, Nestaway, Paytm, Ola Electric જેવા મોટા નામો પણ એ લીસ્ટમાં સામેલ છે જેમને રતન ટાટા તરફથી મદદ મળી છે.
આ પણ વાંચો : The Big Picture: રણવીર સિંહે એકતા કપૂરના શો ‘નાગિન’ માટે ઓડિશન આપ્યું, નાગરાજ બનીને કર્યો ધમાકેદાર ડાન્સ, જુઓ VIDEO