Gold Price Today : હાલમાં સમયમાં સોનામાં રોકાણથી થશે ફાયદો કે નુકસાન? જાણો નિષ્ણાતોનો અભિપ્રાય અને આજનો સોનાનો ભાવ
લોકો ઘણીવાર તેમની જોખમની ક્ષમતાના આધારે ડેટ ફંડ અને ઇક્વિટીને તેમના પોર્ટફોલિયોમાં મૂકે છે કારણ કે તેમને વધુ વળતર મળવાની અપેક્ષા હોય છે. એ જ રીતે જ્યારે સોનામાં રોકાણ કરવાની વાત આવે છે ત્યારે લોકો થોડા અચકાય છે.
Gold Price Today : રોકાણ દ્વારા નાણાંની વૃદ્ધિ સરળ કામ નથી. જો કે, થોડી સમજ સાથે પોર્ટફોલિયો બનાવીને ખર્ચનું સંચાલન કરીને લાંબા ગાળાના નાણાકીય લક્ષ્યોને પ્રાપ્ત કરી શકાય છે. જોકે સારો પોર્ટફોલિયો કેવી રીતે બનાવવો એ મોટો પ્રશ્ન છે. નિષ્ણાતો માને છે કે લોકોએ તેમના પૈસા માત્ર એક જ જગ્યાએ રોકાણ ન કરવા જોઈએ. આમ કરવાથી તમે પોતાને વધુ આર્થિક રીતે સુરક્ષિત કરી શકો છો. લોકો ઘણીવાર તેમની જોખમની ક્ષમતાના આધારે ડેટ ફંડ અને ઇક્વિટીને તેમના પોર્ટફોલિયોમાં મૂકે છે કારણ કે તેમને વધુ વળતર મળવાની અપેક્ષા હોય છે.
એ જ રીતે જ્યારે સોનામાં રોકાણ કરવાની વાત આવે છે ત્યારે લોકો થોડા અચકાય છે. જોકે સોનું ઇક્વિટી કરતાં ફુગાવા સામે વધુ સારું રક્ષણ પૂરું પાડે છે પરંતુ તે લાંબા ગાળા માટે છે. ટૂંકા અથવા મધ્યમ ગાળામાં સોનાનું વળતર ઓછું હોય છે તેથી લોકો તેમાં રોકાણ કરવાથી દૂર રહે છે.
સોનાને રોકાણના વિકલ્પ તરીકે ધ્યાનમાં લેવું જોઈએ
ઓપ્ટિમા મની મેનેજર્સના MD અને CEO પંકજ મથપાલ સોનામાં રોકાણ વિશે કહે છે, “એવું જોવામાં આવે છે કે લોકો તેમની જોખમની શક્તિ અનુસાર ઇક્વિટી અને ડેટમાં રોકાણ કરે છે પરંતુ સોનાને અવગણે છે. આ યોગ્ય નથી. લોકોએ સોનાને રોકાણના વિકલ્પ તરીકે પણ જોવું જોઈએ અને યોગ્ય રીતે ભંડોળની ફાળવણી કરીને તેને તેમના પોર્ટફોલિયોમાં સામેલ કરવું જોઈએ.
MyFundBazaarના વિનીત ખંડારે સોનામાં રોકાણની માત્રા વિશે કહે છે કે તમારા પોર્ટફોલિયોના 10-15% સોનામાં રોકાણ કરવાથી તમને આર્થિક મંદી દરમિયાન સારું વળતર મળે છે.
એક નજર આજના સોનાના ભાવ ઉપર |
|
| MCX GOLD : 52274.00 -215.00 (-0.41%) – 12:16 વાગે | |
| ગુજરાતમાં 10 ગ્રામ સોનાના ભાવ આ મુજબ છે | |
| Ahmedavad | 54018 |
| Rajkot | 54038 |
| (Source : aaravbullion) | |
| દેશના ચાર મહાનગરોમાં 10 ગ્રામ સોનુ આ ભાવે ટ્રેડ થઇ રહ્યું છે | |
| Chennai | 53380 |
| Mumbai | 51930 |
| Delhi | 52100 |
| Kolkata | 51930 |
| (Source : goodreturns) | |
22 અને 24 કેરેટ વચ્ચે શું તફાવત છે
24 કેરેટ સોનું 99.9% શુદ્ધ છે અને 22 કેરેટ લગભગ 91% શુદ્ધ છે. 22 કેરેટ સોનામાં તાંબુ, ચાંદી, ઝીંક જેવી 9% અન્ય ધાતુઓનું મિશ્રણ કરીને જ્વેલરી તૈયાર કરવામાં આવે છે. જ્યારે 24 કેરેટ સોનું વૈભવી છે પરંતુ તેના ઘરેણાં બનાવી શકાતા નથી. તેથી જ મોટાભાગના દુકાનદારો 22 કેરેટમાં સોનું વેચે છે.
Published On - 12:26 pm, Wed, 10 August 22