Gold Price Today : સોનાના ચળકાટમાં થયો વધારો, હવે તમારે 10 ગ્રામ સોનુ ખરીદવા આટલો ખર્ચ કરવો પડશે

સોના અને ચાંદીના ભાવ છેલ્લા કેટલાક ટ્રેડિંગ સત્રોથી નીચે જઈ રહ્યા હતા પરંતુ આજે બજાર ખુલતાની સાથે જ તેમાં તેજી જોવા મળી છે. આજે એટલે કે મંગળવાર, નવેમ્બર 22 2022 ના રોજ, ભારતીય વાયદા બજારમાં સોનું લીલા નિશાન પર ટ્રેડ થઈ રહ્યા છે. બીજી તરફ આંતરરાષ્ટ્રીય બજારમાં આ બંનેના ભાવની વાત કરીએ તો સોનાની કિંમતમાં ઘટાડો નોંધવામાં આવ્યો છે અને ચાંદીના ભાવમાં વધારો  નોંધવામાં આવ્યો છે. આજે મલ્ટી કોમોડિટી એક્સચેન્જમાં સોનાએ 0.21 ટકા સાથે ટ્રેડિંગ શરૂ કર્યું તો બીજી તરફ ચાંદીની વાત કરીએ તો તેણે MCX પર 0.80 ટકાની તેજી સાથે ટ્રેડિંગ શરૂ કર્યું છે.

આજે સવારે બજાર ખૂલતાંની સાથે જ વાયદા બજારમાં સવારે 9.05 વાગ્યે 24 કેરેટ શુદ્ધતાનું સોનું રૂ.108ના વધારા સાથે ખૂલ્યું હતું અને રૂ.52,400 પર પહોંચી ગયું હતું. બીજી તરફ, જો આપણે સોનાના આજના ભાવ વિશે વાત કરીએ, તો તે 52,475 રૂપિયા પ્રતિ 10 ગ્રામ પર ખુલ્યો હતો . આ પછી સોનાની કિંમતમાં ઘટાડો નોંધાયો હતો અને તે 52,400 પ્રતિ 10 ગ્રામના સ્તર સુધી સરકી પહોંચી ગયો હતો.

વૈશ્વિક બજારમાં સોનાની કિંમત

વૈશ્વિક સ્તરની વાત કરીએ તો મંગળવારે સવારે સોનાના વાયદા અને હાજર બંને ભાવમાં વધારા સાથે કારોબાર થતો જોવા મળ્યો હતો. આજે  મંગળવારે સવારે કોમેક્સ પર સોનાની વૈશ્વિક ફ્યુચર્સ કિંમત 0.32 ટકા અથવા $5.60ના વધારા સાથે 1760.20 ડોલર પ્રતિ ઔંસ પર ટ્રેડ થઈ રહી છે. તે જ સમયે, સોનાની વૈશ્વિક હાજર કિંમત હાલમાં 0.37 ટકા અથવા $6.35ના વધારા સાથે 1744.40 ડોલર પ્રતિ ઔંસ પર ટ્રેડ થઈ રહી છે.

ચાંદીના ભાવમાં નરમાશ

ચાંદીના વૈશ્વિક ભાવની વાત કરીએ તો મંગળવારે સવારે તેના વાયદા અને હાજર ભાવ બંનેમાં ઘટાડો જોવા મળ્યો હતો.  કોમેક્સ પર ચાંદીની વૈશ્વિક વાયદાની કિંમત 1.37 ટકા અથવા 0.29 ડોલરના વધારા સાથે 21.35 ડોલર પ્રતિ ઔંસ પર વેપાર કરતી દેખાઈ હતી. તે જ સમયે, ચાંદીની વૈશ્વિક હાજર કિંમત હાલમાં 1.30 ટકા અથવા 0.27 ડોલરના વધારા સાથે 21.12 ડોલર પ્રતિ ઔંસ પર ટ્રેડ થઈ રહી છે.