Gold Price Today : સસ્તું થઇ રહ્યું છે સોનું? જાણો આજના લેટેસ્ટ રેટ

સોનાના ભાવમાં આજે(Gold Price Today) સતત પાંચમા દિવસે ઘટાડો થયો છે. આજે સોનુ એમસીએક્સ(MCX) પર ઘટાડા સાથે કારોબાર કરી રહ્યું છે. આ ઘટાડા પછી સોનાના ભાવ રેકોર્ડ સ્તરથી ઘણા નીચે ગયા છે. આજે ઓગસ્ટ ડિલિવરી માટેનું સોનું મલ્ટિ કોમોડિટી એક્સચેંજ (MCX) પર 0.22 ટકા તૂટીને કારોબાર કરી રહ્યું છે.

સોનું રેકોર્ડ સ્તર કરતા 8,530 રૂપિયા સસ્તું
ગયા વર્ષે ઓગસ્ટમાં MCX પર 10 ગ્રામ સોનાનો ભાવ 56,000 ની સપાટીએ પહોંચ્યો હતો. MCX અનુસાર સોનું આજે 10 દીઠ 47,426.00 રૂપિયા સુધી નીચલા સ્તરે કારોબાર કરી રહ્યું છે. આ જોતા સોનું હજી 8,530 રૂપિયા સસ્તુ ગણી શકાય છે.

કઈ રીતે ચકાસણી કરશો તમારું સોનુ શુદ્ધ છે કે નહિ
જો તમારે સોનાની શુદ્ધતા તપાસવી હોય તો સરકાર દ્વારા આ માટે એક એપ્લિકેશન બનાવવામાં આવી છે. ‘BIS Care app’ દ્વારા ગ્રાહકો સોનાની શુદ્ધતા ચકાસી શકે છે. આ એપ દ્વારા તમે માત્ર સોનાની શુદ્ધતા નહીં પરંતુ છેતરપિંડી સહિતની ફરિયાદ પણ કરી શકો છો. જો આ એપમાં લાઇસન્સ, નોંધણી અને હોલમાર્ક નંબર ખોટું હોવાનું જણાય તો ગ્રાહક તરત જ તેના વિશે ફરિયાદ કરી શકે છે. આ એપ દ્વારા ગ્રાહકને ફરિયાદ નોંધવાની માહિતી પણ મળશે.

મિસ્ડ કોલથી રેટ જાણી શકાશે
તમે ઘરે બેઠા બેઠા આ ગોલ્ડ રેટ સરળતાથી જાણી શકો છો. આ માટે તમારે આ નંબર 8955664433 પર માત્ર એક મિસ્ડ કોલ આપવો પડશે અને તમારા ફોન પર એક મેસેજ આવશે જેમાં તમે લેટેસ્ટ રેટ જાણી શકો છો.