Global Market : મિશ્ર સંકેત વચ્ચે DOW JONES 234 અને SGX NIFTY 14 અંક તૂટ્યાં

વૈશ્વિક બજાર(Global Market) આજે મિશ્ર કારોબાર દેખાડી રહ્યા છે. અમેરિકાના બજારમાં Nadsaq ને બાદ કરતા નરમાશ નજરે પડી છે. DOW JONES 0.71 ટકા સરકીને બંધ થયો છે. એશિયામાં SGX NIFTY 14 અંકના નજીવા ઘટાડા સાથે કારોબાર આગળ ધપાવી રહ્યો છે.

અમેરિકી બજારોમાં ડાઓ જોંસ 234.33 અંક એટલે કે 0.71 ટકાની નબળાઈ બાદ 32,627.97 ના સ્તર પર બંધ થયા છે. નાસ્ડેક 99.06 અંક વધ્યો હતો. ઇન્ડેક્સ 13,215.24 ના સ્તર પર બંધ થયો છે. એસએન્ડપી 500 ઈન્ડેક્સ 2.36 અંક લપસીને 3,913.10 ના સ્તર પર બંધ થયો છે.

એશિયાઈ બજારોમાં આજે મિશ્રનો કારોબાર જોવા મળી રહ્યો છે. જાપાનના બજાર નિક્કેઈ 69.29 અંક વધીને 29,243.44 ના સ્તર પર દેખાઈ રહ્યો છે. એસજીએક્સ નિફ્ટી 14 અંક એટલે કે 0.10 ટકાના ઘટાડાની સાથે 14,701 ના સ્તર પર કારોબાર કરી રહ્યા છે. આજે સ્ટ્રેટ્સ ટાઇમ્સ 0.38 ટકા ઉછળો છે જ્યારે હેંગ સેંગમાં 0.89 ટકાનો ઘટાડો દેખાઈ રહ્યો છે.

કોરિયાઈ બજાર કોસ્પી 0.40 ટકા તૂટીને 3,023.45 ના સ્તર પર છે જ્યારે, તાઇવાનના બજાર 0.28 ટકા મજબૂતીની સાથે કારોબાર કરી રહ્યા છે. આજે શંધાઈ કંપોઝિટ 25.72 અંક એટલે કે 0.75 ટકા ઘટાડાની સાથે 3,417.72 ના સ્તર પર જોવા મળ્યો છે.

આ પણ વાંચોઃ પેટ્રોલ ડિઝલના ભાવ વધારાથી સરકારની આવક 6 વર્ષમાં 300 ટકા વધી