આજથી આ વ્યક્તિ સંભાળશે Amazon ની કમાન, જેફ બેઝોસે 27 વર્ષ બાદ છોડ્યું CEO નું પદ, જાણો હવે શું છે તેમનું આયોજન

સીએટલના ગેરેજમાં ઓનલાઈન બુક સ્ટોર શરૂ કરનાર અને 27 વર્ષમાં તેને 1.2 ટ્રિલિયનની કંપની બનાવનાર એમેઝોનના સ્થાપક જેફ બેઝોસ (Jeff Bezos) આજે રાજીનામું આપી રહ્યા છે. તેઓ હવે જીવનના આગલા તબક્કા તરફ આગળ વધી રહ્યા છે. જેમાં ફિલ્મો, અવકાશ અને પરોપકારી પ્રવૃતીઓ સામેલ છે.

57 વર્ષીય બેઝોસ આજે એમેઝોનનું (Amazon) CEO પદ છોડશે અને લાંબા સમયથી એમેઝોન વેબ સર્વિસિસ (Amazon Web Services-AWS) ના CEO એન્ડી જેસી (Andy Jassy) એમેઝોનનો કાર્યભાર સંભાળશે. એન્ડી છેલ્લા 20 વર્ષથી એમેઝોનની ક્લાઉડ સર્વિસનું પણ નેતૃત્વ કરી રહ્યા છે. જો કે, બેઝોસ એમેઝોન બ્રાન્ડના એક્ઝિક્યુટિવ ચેરમેન અને કંપનીના સૌથી મોટા શેર હોલ્ડર તરીકે યથાવત રહેશે.

બેઝોસે પોતાના રાજીનામા અંગે જણાવ્યું હતું કે, હું મારી શક્તિઓ નવા ઉત્પાદનો અને નવી પહેલ પર કેન્દ્રિત કરવાનો ઈરાદો રાખું છું. બેઝોસે તેના 1.3 મિલિયન કર્મચારીઓને કહ્યું કે, મને લાગે છે કે હું આ સંગઠનોના પ્રભાવ વિશે ખૂબ ભાવુક છું.

બ્લુ ઓરિજિનમાં તેઓ ખૂબ રસ બતાવી રહ્યા છે

સ્પેસ માર્કેટમાં સતત તેજી આવી રહી છે. તેથી વિશ્વના અબજોપતિ વેપારીઓ તેમાં હાથ અજમાવી રહ્યા છે. બેઝોસ પણ તેમાંથી એક છે. વિશ્વના સૌથી ધનિક વ્યક્તિએ અવકાશમાં પર્યટન અને માળખાગત સુવિધાને પ્રોત્સાહન આપવા માટે તેની બ્લુ ઓરિજિન કંપનીમાં અબજો રૂપિયાનું રોકાણ કર્યું છે.

કંપનીની પહેલી ક્રૂ ફ્લાઇટ 20 જુલાઈએ અવકાશમાં જશે અને રિચાર્ડ બ્રાન્સનની વર્જિન ગેલેક્ટીક અવકાશમાં ગયા પછી આ બીજી ખાનગી કંપની હશે. એમેઝોનના સ્થાપક જેફ બેઝોસ એવા પ્રથમ વ્યક્તિ હતા જેમણે જાહેરાત કરી હતી કે તે બ્લુ ઓરિજિનના ન્યુ શેફર્ડ સ્પેસ કેપ્સ્યુલ દ્વારા તેમના ભાઈ અને ખાસ મિત્ર માર્ક સાથે અવકાશમાં જશે.

Amazon Studios ની કમાન સંભાળી શકે છે

જેફ બેઝોસે તાજેતરમાં જ એમેઝોન સ્ટુડિયો અને જ્હોનસન સેવન બક્સ પ્રોડક્શન સાથે ફિલ્મ બનાવવાની ટકોર કરી હતી. ડ્વેન જોનસે તેના ઇન્સ્ટાગ્રામ પર પોસ્ટ કર્યું હતું. આ પોસ્ટ બાદ બેઝોસે પોસ્ટને રિ-પોસ્ટ પણ કરી હતી.

જેફ બેઝોસ આ વસ્તુઓ પર પણ કામ કરી શકે છે

આ સિવાય, જેફ બેઝોસનું ધ્યાન તેમણે 2013માં ખરીદેલા શિંગ્ટન પોસ્ટ અખબાર પર પણ દઈ શકે છે. તેમણે આ અખબાર 2013માં 250 મિલિયન ડોલરમાં ખરીદ્યું હતું. આ ઐતિહાસિક સમાચાર સંસ્થાને પરિવર્તિત કરવા અને એક દાયકા લાંબા પતન દરમિયાન તેને ડિજિટલ સ્પેસમાં લાવવાનો શ્રેય તેમને આપવામાં આવે છે.

બેઝોસની અંદાજિત નેટવર્થ 199 અબજ છે અને તે પણ પરોપકારી તરફ ઝડપથી આગળ વધી રહ્યા છે અને પ્રગતિશીલ કાર્યોમાં પોતાનાં નાણાંનું રોકાણ કરી રહ્યા છે. ગયા વર્ષે તેમણે 10 અબજ ડોલરના બેઝોસ અર્થ ફંડની સ્થાપનાની જાહેરાત કરી. જે 100% સ્વચ્છ ઉર્જાના સંક્રમણને વેગ આપવા અને તંદુરસ્ત હવા, પાણી અને જમીન સુધી પહોંચાડવામાં મદદ કરશે.

આ પણ વાંચો: Maharashtra: પોતાના સામેની EDની કાર્યવાહી ટાળવા અનિલ દેશમુખ પહોચ્યા સુપ્રિમ કોર્ટના શરણે