EPF ખાતાધારકને મળી રહ્યો છે 7 લાખ રૂપિયાનો લાભ પણ પહેલા નિપટાવવું પડશે આ કામ, જાણો વિગતવાર
આ સુવિધા અનુસાર કર્મચારી ફંડ ખાતાધારકના મૃત્યુ અથવા અચાનક બિમારીના કિસ્સામાં રૂપિયા 7 લાખની નાણાકીય સહાય તેના પરિવારને આપવામાં આવે છે. પરંતુ આ માટે તમારે ઈ-નોમિનેશન દાખલ કરવાનું કામ કરવું પડશે.
દેશમાં મોટી સંખ્યામાં લોકો વિવિધ ક્ષેત્રોમાં કામ કરે છે. સરકારે 2004 થી પેન્શન(Pension) સુવિધા બંધ કરી દીધી છે. જો કે લોકોના ભવિષ્યને સુરક્ષિત કરવા માટે કર્મચારી ફંડ ઓર્ગેનાઈઝેશન એટલેકે EPFO શરૂ કરવામાં આવ્યું છે. પહેલા તે ફક્ત સરકારી નોકરી કરતા લોકો માટે જ શરૂ કરવામાં આવતું હતું પરંતુ પછીથી તે ખાનગી ક્ષેત્રમાં કામ કરતા લોકો માટે પણ શરૂ કરવામાં આવ્યું છે. હવે દેશમાં દરેક કર્મચારી(Employee)ના પગારનો એક ભાગ પીએફ ખાતા(PF Account)માં જાય છે. કર્મચારીઓને નિવૃત્તિ(Retirement) પછી પીએફ ખાતામાંથી લાભો મળે છે પરંતુ તેની સાથે બીજા ઘણા ફાયદા છે.
આમાં સૌથી વધુ 7 લાખની વીમા પોલિસી છે. આ સુવિધા અનુસાર કર્મચારી ફંડ ખાતાધારકના મૃત્યુ અથવા અચાનક બિમારીના કિસ્સામાં રૂપિયા 7 લાખની નાણાકીય સહાય તેના પરિવારને આપવામાં આવે છે. પરંતુ આ માટે તમારે ઈ-નોમિનેશન દાખલ કરવાનું કામ કરવું પડશે.
ઇ-નોમિનેશન કરવું જરૂરી
એમ્પ્લોયી ડિપોઝિટ લિંક્ડ સ્કીમ હેઠળ દરેક ખાતાધારકે પીએફ ખાતામાં નોમિની ફાઇલ કરવાની આવશ્યકતા છે. આ સ્થિતિમાં કર્મચારીના મૃત્યુના કિસ્સામાં અથવા કોઈ અકસ્માતના કિસ્સામાં રૂપિયા 7 લાખની સહાય તેના નોમિનીને આપવામાં આવે છે. આ માટે માત્ર ખાતાધારકોએ તેમનું નોમિનેશન કરવાનું રહેશે. જો તમે પણ તમારા પીએફ ખાતામાં નોમિનેશનની કામગીરી પતાવી નથી તો તેને જલદીથી પૂર્ણ કરો.
ઈ-નોમિનેશન(E-nomination) કેવી રીતે કરવું
- EPFO વેબસાઇટ પર જાઓ અને ‘For Employees’ પર ક્લિક કરો.
- હવે મેમ્બર UAN/ઓનલાઇન સેવા (OCS/OTCP)’ પર ક્લિક કરો.
- હવે UAN અને પાસવર્ડ દાખલ કરીને લોગ ઇન કરો.
- ‘Manage’ ટેબમાં ‘E-nomination’ સિલેક્ટ કરો.
- આ પછી ‘Provide Details’ ટેબ સ્ક્રીન પર દેખાશે, ‘SAVE’ પર ક્લિક કરો.
- Family Declaration અપડેટ કરવા માટે ‘yes પર ક્લિક કરો.
- હવે ‘Family Details’ પર ક્લિક કરો. એકથી વધુ નોમિની પણ ઉમેરી શકાય છે.
- નોમિની કેટલો હિસ્સો આવશે તેની જાહેરાત કરવા માટે ‘નોમિનેશન ડિટેલ્સ’ પર ક્લિક કરો. વિગતો દાખલ કર્યા પછી, ‘સેવ ઇપીએફ નોમિનેશન’ પર ક્લિક કરો.
- OTP જનરેટ કરવા માટે ‘ઇ-સાઇન’ પર ક્લિક કરો. આધાર સાથે જોડાયેલા મોબાઇલ નંબર પર OTP મોકલવામાં આવશે.
- ઉલ્લેખિત જગ્યામાં OTP દાખલ કરીને તેને સબમિટ કરો.
