EDએ પોપ્યુલર ફ્રન્ટ ઓફ ઈન્ડિયા અને રિહેબ ઈન્ડિયાના 33 ખાતા જપ્ત કર્યા, મની લોન્ડરિંગ કેસમાં કાર્યવાહી
33 ખાતાઓમાં મળીને ઈડીએ (ED) કુલ 68,62,081 રૂપિયા જપ્ત કર્યા છે. તેમાંથી PFIના 23 ખાતાઓમાં કુલ 59,12,051 રૂપિયા અને RIFના 10 ખાતાઓમાં 9,50,030 રૂપિયા જોડવામાં આવ્યા છે.
ઈડીએ આજે પોપ્યુલર ફ્રન્ટ ઓફ ઈન્ડિયા (PFI) અને તેની મુખ્ય સંસ્થા રિહેબ ઈન્ડિયા ફાઉન્ડેશન (RIF)ના 33 ખાતાઓ જપ્ત કર્યા છે. ઈડીએ (Directorate of Enforcement) મની લોન્ડરિંગ (Money Laundering) સંબંધિત કેસમાં આ કાર્યવાહી કરી છે. ઈડી દ્વારા આપવામાં આવેલી માહિતી અનુસાર આમાંથી 23 ખાતા પીએફઆઈ સાથે જોડાયેલા છે. જ્યારે IIF સાથે 10 એકાઉન્ટ જોડાયેલા છે. આ તમામ ખાતાઓમાં કુલ મળીને લગભગ 70 લાખ રૂપિયા જમા છે. આ સમગ્ર રકમ પ્રિવેન્શન ઓફ મની લોન્ડરિંગ એક્ટ 2002ની કલમ 5 હેઠળ જપ્ત કરવામાં આવી છે.
ઈડીના જણાવ્યા અનુસાર તપાસમાં તે સામે આવ્યું છે કે PFI અને RFIને એક એવા સ્ત્રોત પાસેથી રોકડ અને મોટી રકમ મળી છે, જે સવાલના ઘેરામાં છે. આ સાથે બંને સંસ્થાઓએ ડોનેશનની આડમાં ખોટી રીતે વિદેશમાં મેળવેલ નાણા લાવ્યાં છે. હાલમાં આ મામલો લખનૌની વિશેષ પીએમએલએ કોર્ટમાં છે. આ સાથે બંને સંસ્થાઓએ વિદેશમાં ખોટી રીતે મેળવેલા પૈસાને દાનની આડમાં દેશમાં લાવ્યા છે. હાલમાં આ મામલો લખનૌની વિશેષ પીએમએલએ કોર્ટમાં છે.
શું છે સમગ્ર મામલો
ઈડીની તપાસમાં ખુલાસો થયો છે કે પીએફના ખાતામાં 2009થી અત્યાર સુધીમાં 60 કરોડ રૂપિયાથી વધુ રકમ જમા કરવામાં આવી છે. જેમાં 30 કરોડથી વધુ રકમ રોકડ સ્વરૂપે જમા કરવામાં આવી છે. તે જ સમયે 2010થી રિહેબ ઈન્ડિયા ફાઉન્ડેશનના ખાતામાં 58 કરોડ રૂપિયાથી વધુ જમા કરવામાં આવ્યા હતા.
તપાસમાં એવું પણ જાણવા મળ્યું છે કે પીએફઆઈ ગલ્ફ દેશોમાં સ્થાપિત નેટવર્કની મદદથી ગુનાહિત ષડયંત્ર હેઠળ મોટી રકમ એક જગ્યાએથી બીજી જગ્યાએ લઈ જતી હતી અને તેમાંથી મળેલ નાણા ગેરકાયદેસર અને ભૂગર્ભ ચેનલો દ્વારા અથવા ભારતમાં સંગઠન સાથે સંકળાયેલા લોકો મારફતે ગુપ્ત રીતે ભારતમાં લાવવામાં આવતા હતા. જે બાદમાં પીએફઆઈ, આરઆઈએફના ખાતામાં અને તેની સાથે સંકળાયેલા લોકોના ખાતામાં જમા કરવામાં આવી રહી હતી. આ રીતે મલ્ટિપલ લેયરિંગની આડમાં ગુનામાંથી મળેલી રકમ અને પીએફઆઈ અને આરઆઈએફના ખાતામાં જમા કરાવવાનો પ્રયાસ કરવામાં આવ્યો હતો.
આ તમામ કામો ગુનાહિત ષડયંત્ર હેઠળ કરવામાં આવ્યા હતા, જેમાં નાણાં એકત્ર કરવામાં આવ્યા હતા અને તેનો ઉપયોગ ઘણા ખોટા કામો માટે કરવામાં આવ્યો હતો, જેના કારણે સંસ્થાઓ વિરુદ્ધ ઘણી ફરિયાદો અને એફઆઈઆર નોંધવામાં આવી હતી. જે બાદ વધુ તપાસ અને કાર્યવાહી હાથ ધરવામાં આવી હતી.
ચેરિટીના આડમાં મની લોન્ડરિંગ
ઈડી અનુસાર સંસ્થા દ્વારા ખોટી રીતે એકત્રિત કરવામાં આવેલા પૈસા સભ્યો અથવા અન્ય લોકો પાસેથી મળેલા દાનના સ્વરૂપમાં આપવામાં આવ્યા હતા. નાણાના મૂળ સ્ત્રોતને છુપાવવા માટે સંસ્થાઓએ તેમની સાથે સંકળાયેલા લોકોના બેંક ખાતામાં પ્રાપ્ત રોકડ જમા કરાવી અને ત્યારબાદ આ રકમ આ ખાતાઓમાંથી સંસ્થાના ખાતામાં દાન સ્વરૂપે ટ્રાન્સફર કરવામાં આવી. આ સાથે ખોટી રીતે એકત્ર કરાયેલા નાણાંને દાન સ્વરૂપ આપવાનો પ્રયાસ કરાયો હતો. ED દ્વારા આપવામાં આવેલી માહિતી અનુસાર કુલ 33 ખાતાઓમાં EDએ કુલ 68,62,081 રૂપિયા જપ્ત કર્યા છે. તેમાંથી PFIના 23 ખાતાઓમાં કુલ રૂ. 59,12,051 હતા, જે જપ્ત કરવામાં આવ્યા છે. તે જ સમયે રિહેબ ઈન્ડિયા ફાઉન્ડેશનના 10 ખાતામાં 9,50,030 રૂપિયા હતા જે જપ્ત કરવામાં આવ્યા છે.