Contract farming : હરિયાણામાં ખેડૂતો થઈ રહ્યાં છે માલામાલ, ખેડૂતોએ કર્યો 700 કરોડનો કરાર
Contract farming : દેશમાં એક બાજું કૃષિ કાયદાઓનો વિરોધ થઈ રહ્યો છે, જ્યારે બીજી બાજું હરિયાણામાં ખેડૂતો કોન્ટ્રાક્ટ ફાર્મિંગ હેઠળ મોસંબીની ખેતી કરીને કરોડોની કમાણી કરી રહ્યા છે.
Contract Farming : દિલ્હીમાં હરિયાણા અને પંજાબના ખેડૂતો લગભગ છેલ્લા 60 દિવસથી કેન્દ્રના કૃષિ કાયદાઓ વિરુદ્ધ પ્રદર્શન કરી રહ્યા છે. ખેડૂતોના વિરોધના આ કારણમાં એક કારણ કોન્ટ્રાક્ટ ફાર્મિંગ પણ છે. દેશમાં એક બાજું કૃષિ કાયદાઓનો વિરોધ થઈ રહ્યો છે, જ્યારે બીજી બાજું હરિયાણામાં ખેડૂતો કોન્ટ્રાક્ટ ફાર્મિંગ હેઠળ મોસંબીની ખેતી કરીને કરોડોની કમાણી કરી રહ્યા છે.
SFAC દ્વારા 700 કરોડનો કરાર હરિયાણાના સિરસામાં મોસંબી પકવતા ખેડૂતોએ લધુ કૃષક કૃષિ વ્યાપાર સંઘ – SFAC દ્વારા કોન્ટ્રાક્ટ ફાર્મિંગ અંતર્ગત ખાનગી કંપની સાથે રૂ.700 કરોડના કરાર કર્યા છે. હરિયાણામાં હાલ 486 કિસાન ઉત્પાદક સંગઠન -FPO છે. આ તમામ FPO કંપની અધનિયમ 2013 હેઠળ રજીસ્ટર્ડ છે. હરિયાણામાં લગભગ 76 હજાર ખેડૂતો આ FPO સાથે જોડાયેલા છે. આ તમામ FPOએ કોન્ટ્રાક્ટ ફાર્મિંગ અંતર્ગત લધુ કૃષક કૃષિ વ્યાપાર સંઘ – SFAC દ્વારા ખાનગી કંપની સાથે રૂ.700 કરોડના કરાર કર્યા છે.
700 ટન મોસંબી ખરીદશે ખાનગી કંપનીઓ SFACના પ્રબંધ નિર્દેશક ડો.અર્જુન સિંહ સૈનીએ કહ્યું કે હાલમાં જ વિવિધ ખાનગી કંપનીઓએ હરિયાણાના મોસંબીના ખેડૂતો FPO સાથે 700 ટન મોસંબીના કરાર કર્યા છે. જેમાં
બી. એન. ઇન્ટરનેશનલ – 200 ટન રોશનલાલ એન્ડ કંપની – 100 ટન ફ્રેશ પ્રોડ્યુસ વેલ્યૂ ક્રીએશન પ્રાઇવેટ લિમિટેડ – 100 ટન યુનિકલીક એગ્રી બિઝનેસ પ્રાઇવેટ લિમિટેડ – 200 ટન ઓલ ફ્રેશ સપ્લાય મેનેજમેન્ટ પ્રાઇવેટ લિમિટેડ – 100 ટન
આ ખાનગી કંપનીઓ કોન્ટ્રાક્ટ ફાર્મિંગ હેઠળ હરિયાણાના ખેડૂતો પાસેથી મોસંબી ખરીદી દિલ્હી, મુંબઈ, અમદાવાદ જેવા મેટ્રો સીટીમાં મોસંબી સપ્લાય કરશે. જેનાથી હરિયાણાના મોસંબી પકવતા ખેડૂતોને કરોડોની કમાણી થશે. નવા ખેડૂત કાયદાઓનો અને ખાસ કરીને કોન્ટ્રાક્ટ ફાર્મિંગનો વિરોધ કરી રહેલા ખેડૂત સંગઠનોએ હરિયાણાના આ ખેડૂતોની કોન્ટ્રાક્ટ ફાર્મિંગ પદ્ધતિથી થતી કરોડોની આવક અંગે વિચારવું જોઇએ.
