Budget 2022: આ બજેટથી એજ્યુકેશન સેક્ટરને શુ છે અપેક્ષા, જાણો તેમની પ્રમુખ માંગ
Catalyst Groupના સ્થાપક અખંડ સ્વરૂપે કહ્યું કે જો કોરોના જેવી મહામારી પછી દેશના તમામ વિદ્યાર્થીઓને શિક્ષણ સાથે જોડવા હોય તો તેના માટે સરકારે ઇન્ટરનેટ કનેક્ટિવિટીના વિસ્તરણ પર ભાર મૂકવો જરૂરી છે.
છેલ્લા બે વર્ષથી શિક્ષણ ક્ષેત્ર (Education Sector) અનેક સમસ્યાઓનો સામનો કરી રહ્યું છે. આવી સ્થિતિમાં, શિક્ષણ ક્ષેત્ર બજેટ 2022 માં પોતાના માટે ઘણી રાહતોની અપેક્ષા રાખી રહ્યું છે. જેમાં GST દરમાં ઘટાડો, ઈન્ફ્રાસ્ટ્રક્ચર ડેવલપમેન્ટ માટે સસ્તા દરે લોન અને કલમ 80C હેઠળ ટેક્સમાં રાહત આપવાની માંગ છે. શિક્ષણ ક્ષેત્રનું કહેવું છે કે સરકારે નવી એજ્યુકેશન પોલિસી (NEP) તૈયાર કરી છે, પરંતુ તેને લાગુ કરવા માટે જરૂરી ઈન્ફ્રાસ્ટ્રક્ચર બનાવવામાં સરકારને મદદ કરવાની જરૂર છે. આ સિવાય મુખ્ય પ્રવાહના શિક્ષણ માટે ભંડોળની ફાળવણીમાં વધારો કરવાની જરૂર છે. કોરોના યુગમાં શિક્ષણ પણ ડિજિટલ થઈ ગયું છે.
આવી સ્થિતિમાં, સરકારનો પ્રયાસ નાના અને મોટા શહેરો વચ્ચેના ડિજિટલ તફાવતને ઘટાડવાનો હોવો જોઈએ. આ સાથે દેશના દરેક વિદ્યાર્થીને શિક્ષણનો અધિકાર મળશે. આ રાઈટ ટૂ એજ્યુકેશન હેઠળ જરૂરી છે. આ સિવાય સરકારે એજ્યુકેશન ટેક્નોલોજીના ખેલાડીઓને રાહત આપવાનું પણ વિચારવું જોઈએ.
ઓનલાઈન એજ્યુકેશન પ્લેટફોર્મ કેટાલિસ્ટ ગ્રૂપના સ્થાપક અખંડ સ્વરૂપ પંડિતે કહ્યું કે, સરકારે શિક્ષણ ક્ષેત્રને લગતી કોઈપણ નીતિ બનાવતા કે બદલતા પહેલા AICTE અને UGC જેવી સંચાલક સંસ્થાઓ સાથે ચર્ચા કરવી જોઈએ અને તેમના સૂચનોને ગંભીરતાથી લેવા જોઈએ.
ઇન્ટરનેટ કનેક્ટિવિટી પર મૂકવો પડશે ભાર
અખંડ સ્વરૂપે કહ્યું કે જો કોરોના જેવી મહામારી બાદ દેશના તમામ વિદ્યાર્થીઓને શિક્ષણ સાથે જોડવા હોય તો તેના માટે સરકારે ઇન્ટરનેટ કનેક્ટિવિટીના વિસ્તરણ પર ભાર મૂકવો જરૂરી છે. તમામ સરકારી શાળાઓમાં ઇન્ટરનેટ કનેક્ટિવિટી હોવી જોઈએ. આ સાથે વિદ્યાર્થીઓ માટે સસ્તું ઇન્ટરનેટ ઉપકરણ હોવું જોઈએ. તેમણે કહ્યું કે સરકારે edtech playersને રાહત આપવા અંગે પણ વિચારવું જોઈએ. કોરોના મહામારી બાદ શિક્ષણનું સ્વરૂપ પણ બદલાઈ ગયું છે. આવી સ્થિતિમાં સરકારે EdTech સ્પેસમાં સ્ટાર્ટઅપ અને સ્મોલ મિડ એન્ટરપ્રાઇઝિસને રાહત આપવાની જરૂર છે. આમાં સરકાર લાંબા ગાળા માટે ટેક્સમાં રાહત આપી શકે છે.
સસ્તી લોનની માંગ
બિરલા ઇન્સ્ટિટ્યૂટ ઑફ મેનેજમેન્ટ ટેક્નોલોજી (BIMTECH) ના ડિરેક્ટર હરિવંશ ચતુર્વેદીએ જણાવ્યું હતું કે આ વર્ષે જાહેર સંસ્થાઓ પણ પોતાના માટે બજેટ ફાળવણીની માંગ કરી રહી છે. ઉચ્ચ શિક્ષણના ખાનગી ખેલાડીઓ પોતાના માટે સસ્તી લોનની માંગ કરી રહ્યા છે. આ ક્ષેત્રને ખરાબ અસર થઈ છે.
93224 કરોડની જાહેરાત કરવામાં આવી હતી
2021ના બજેટમાં સરકારે શિક્ષણ ક્ષેત્ર માટે 93224 કરોડ રૂપિયાની જાહેરાત કરી હતી. આ 2020 ના બજેટ અંદાજ કરતાં 6000 કરોડ ઓછું હતું, જોકે તે નાણાકીય વર્ષ 2020-21 ના સુધારેલા બજેટ કરતાં 9.5 ટકા વધુ હતું. 2021-22 માટે શાળા શિક્ષણ ક્ષેત્ર માટે 54873 કરોડનું ભંડોળ બહાર પાડવામાં આવ્યું હતું. બાકીના નાણાં ઉચ્ચ શિક્ષણ ક્ષેત્ર માટે મૂકવામાં આવ્યા હતા.
આ પણ વાંચો : ઓટો સેક્ટરમાં એન્ટ્રી માટે તૈયાર ગૌતમ અદાણી, Electric Vehicleમાં મચાવશે તહેલકો, ટાટા અને અંબાણીને આપશે ટક્કર
