સોનાના ભાવની ચર્ચા વચ્ચે રોકાણકારો માટે મહત્વની નોટિસ, તમારા પૈસા અટકે તે પહેલાં તાત્કાલિક કરી લો આ એક ‘નાનકડું કામ’

બેંક ઓફ ઇન્ડિયા (Bank of India) એ સોવરેન ગોલ્ડ બોન્ડ (Sovereign Gold Bond – SGB) માં રોકાણ કરનારા ગ્રાહકો માટે એક મહત્વપૂર્ણ સૂચના જાહેર કરી છે. આ સૂચના તે તમામ ગ્રાહકો માટે છે, જેમણે બેંકની શાખા અથવા ઓનલાઈન માધ્યમથી SGB ખરીદ્યા છે. બેંકે વિનંતી કરી છે કે, આવા તમામ ગ્રાહકોએ પોતાની હોમ બ્રાન્ચમાં જઈને પોતાના બેંક ખાતાની નવીનતમ (લેટેસ્ટ) વિગતો અપડેટ કરાવવી.

બેંકના જણાવ્યા અનુસાર, આ પ્રક્રિયા એટલા માટે જરૂરી છે, કારણ કે ગ્રાહકોને વ્યાજનું ક્રેડિટ સમયસર મળી રહે અને રિડેમ્પશન (નાણાં પરત મેળવવાની) પ્રક્રિયા કોઈપણ મુશ્કેલી વગર પૂર્ણ થઈ શકે.

સૂચનામાં સ્પષ્ટપણે કહેવામાં આવ્યું છે કે, બેંક ખાતાની લેટેસ્ટ વિગતો અપડેટ કરવાથી વ્યાજ સીધું જ ખાતામાં સમયસર જમા થશે. આ સાથે જ, જ્યારે બોન્ડનું રિડેમ્પશન થશે, ત્યારે તેની રકમ પણ સીધી ગ્રાહકના ખાતામાં સરળતાથી પહોંચી શકશે.

બેંકે એમ પણ જણાવ્યું છે કે, જો કોઈ ગ્રાહકને કોઈપણ પ્રકારની સહાયની જરૂર હોય, તો તેઓ પોતાની બેંક ઓફ ઇન્ડિયાની હોમ બ્રાન્ચનો સંપર્ક કરી શકે છે.

BOI એ ગ્રાહકોને વિનંતી કરી

આ સૂચના ખાસ કરીને SGB ગ્રાહકો માટે બહાર પાડવામાં આવી છે, જેથી વ્યાજ ક્રેડિટ અને રિડેમ્પશન દરમિયાન કોઈપણ પ્રકારનો વિલંબ કે અસુવિધા ટાળી શકાય. બેંક ઓફ ઇન્ડિયાએ ગ્રાહકોને વિનંતી કરી છે કે, તેઓ પોતાની બેંક વિગતો અપડેટ કરવાની પ્રક્રિયા સમયસર પૂરી કરે.

આ પણ વાંચો: યુદ્ધના મેદાનમાં સોનું બન્યું ‘સિકંદર’ ! આ ગોલ્ડ ફંડ્સે રોકાણકારોના નસીબ ચમકાવ્યા, શેરબજારના કડાકાને પણ માત આપી