બેન્ક ઓફ ઇન્ડિયા ઇકવીટી શેર અને બોન્ડ દ્વારા 8 હજાર કરોડનું રોકાણ મેળવશે

બેન્કિંગ ક્ષેત્રમાં અગ્રગણ્ય એવી બેન્ક ઓફ ઇન્ડિયા રોકાણકારો મારફતે ૮હજાર કરોડ રૂપિયા મેળવવા આયોજન કરી કરી છે. બેંકે શેરધારકોની મંજૂરીની પ્રક્રિયા પણ પૂર્ણ કરી લીધી છે. રોકાણ ઇકવીટી શેર, બોન્ડ અથવા અન્ય પ્રક્રિયાઓ દ્વારા મેળવાઈ શકે છે. બેન્ક ઓફ ઇન્ડિયાના રેગ્યુલેટરી ફાઈલિંગમાં રોકાણ મેળવવાની યોજનાનો ઉલ્લેખ કરવામાં આવ્યો છે.

બેન્ક ઓફ ઇન્ડિયાની એક્સટ્રા ઓર્ડિનરી જનરલ મિટિંગ – EGMમાં શેરધારકો સમક્ષ ફંડ મેળવવા માટે નિવેશકોની મદદ લેવાની યોજનાનો પ્રસ્તાવ મુકાયો હતો જેને મંજૂરી મળી ગઈ હતી. મૂડી ઇકવીટી શેર , ટિયર ૧ – ૨ બોન્ડ અથવા રોકાણી અન્ય પ્રક્રિયાઓ મારફતે મેળવાઈ શકે છે. બેન્ક ઇકવીટી શેર ડિસ્કાઉન્ટ, બજાર ભાવ અથવા પ્રીમિયમ સાથે ઓફર કરી શકે છે જોકે આ બાબતે હજુ કોઈ સ્પષ્ટતા સામે આવી નથી.

રોકાણ મેળવી બેન્ક ખોટ ભરપાઈ કરવા ઉપર પ્રાધાન્ય આપવા ઉપર ભાર મૂકી શકે છે. બેલેન્સ સીટ અનુસાર ૩૧ માર્ચ ૨૦૨૦ સુધીમાં બેન્ક ઓફ ઇન્ડિયા BOI નું કુલ નુકશાન ૨૩,૭૮૨.૩૯ કરોડ હતું.  એક્સટ્રા ઓર્ડિનરી જનરલ મિટિંગ – EGM માં ખોટને શેર પ્રીમિયમ એકાઉન્ટથી ભરપાઈ કરવાની મંજૂરી મેળવાઈ હતી. ૩૧ માર્ચ સુધી બેન્કના શેર પ્રીમિયમ એકાઉન્ટનું બેલેન્સ ૩૫,૩૩૧.૭૭ કરોડ હતું જેમાંથી નુક્સાન ભરપાઈ કરવા આયોજન કરાયું છે.