આનંદ મહિન્દ્રાએ એલોન મસ્ક અને ટ્વિટર વચ્ચેની ડીલ રદ થવા પર આપી પ્રતિક્રિયા, ઘટનાને સમય, શક્તિ અને પૈસાનો વ્યય ગણાવી

આનંદ મહિન્દ્રાએ (Anand Mahindra) ગુરુવારે એલોન મસ્ક (Elon Musk) અને ટ્વિટર વચ્ચે 44 બિલિયન ડોલરની ડીલ રદ થવા પર પ્રતિક્રિયા આપી હતી. તેમણે બંને પક્ષો વચ્ચે લાંબી કાનૂની લડાઈ પર એક આર્ટીકલ શેર કર્યો. આ સાથે ઉદ્યોગપતિએ કહ્યું કે આ સમગ્ર ઘટના સમય, તાકાત અને પૈસાનો વ્યય છે. આનંદ મહિન્દ્રાએ ટ્વિટ કર્યું કે ટ્વિટર (Twitter) એ સમાચાર અને કનેક્ટિંગ માટે ખૂબ જ જરૂરી સ્ત્રોત છે. તેમણે લખ્યું કે શું આ સામાજિક સાહસ લિસ્ટેડ કંપનીની જેમ ચાલી શકે છે, જેમાં આવા બોર્ડ ઓફ ડિરેક્ટરનું સંચાલન કરવામાં આવે છે, જે ટ્રસ્ટી તરીકે જવાબદારીપૂર્વક કાર્ય કરે.

મહિન્દ્રાએ આ પહેલા પણ મસ્ક વિશે પોસ્ટ કરી હતી

ગયા અઠવાડિયે, જ્યારે એલોન મસ્કે Twitter પર તેને પ્લેટફોર્મ પર સ્પામ બૉટ્સની ચોક્કસ સંખ્યા ન આપવાનો આરોપ મૂક્યો અને ટ્વિટરના દેવા પર પ્રશ્ન ઉઠાવ્યો, ત્યારે ઉદ્યોગપતિએ સમગ્ર ઘટનાને ટ્વિટર ટીઝ ગણાવી.  મહિન્દ્રા ગ્રૂપના અધ્યક્ષે કહ્યું હતું કે જો એલોન ભારતીય ટ્રેનમાં મુસાફરી કરી રહ્યા હોત, તો કંડક્ટરે તેમને ટીટી એટલે કે ટિકિટલેસ ટ્રાવેલર નામ આપ્યું હોત. તેમણે કહ્યું કે પરંતુ ટીટી હવે કોઈ હેડલાઇન બનાવવાની ટર્મ પણ બની શકે છે. – ટ્વીટર ટીઝ

આ દરમિયાન ટ્વિટર ઇન્કને આ બાબતે ઝડપી નિર્ણય લેવાની જરૂર છે. તે દાવો કરે છે કે મસ્કએ તેમના દ્વારા પ્રસ્તાવિત સોશિયલ મીડિયા પ્લેટફોર્મના 44 બિલિયન ડોલરના વેચાણની ડીલને ખોટી રીતે રદ્દ કરી છે.

ટ્વિટર મસ્ક વિરુદ્ધ કેસ માટે તૈયાર

સાન ફ્રાન્સિસ્કો સ્થિત કંપની વૉચટેલ, લિપ્ટન, રોસેન એન્ડ કેટ્ઝના વકીલો કહે છે કે વિશ્વના સૌથી ધનિક વ્યક્તિ મસ્કએ આ સોદો સ્વીકારવો પડશે અને ટ્વિટર માટે 54.20 ડોલર પ્રતિ શેર ચૂકવવા પડશે તે સાબિત કરવા માટે તેમને માત્ર ચાર કલાકની જરૂર છે. બ્લૂમબર્ગના રિપોર્ટ અનુસાર, કંપનીને આશા છે કે આ કેસની સુનાવણી 19 સપ્ટેમ્બરથી શરૂ થશે.

તમને જણાવી દઈએ કે આ પહેલા ટ્વિટરે 44 બિલિયન ડોલરના ટેકઓવર ડીલને ખતમ કરવાના ઈલોન મસ્કના નિર્ણય સામે કાનૂની કાર્યવાહી કરવા માટે એક મોટી કાયદાકીય ફર્મને હાયર કરી છે. તે જ સમયે, મસ્ક તેની પોતાની શૈલીમાં આ ચેતવણીનો સામનો કરી રહ્યા છે. તેઓ આનો જવાબ મીમ્સ દ્વારા આપી રહ્યા છે.