7th Pay Commission : કેન્દ્રીય કર્મચારીઓ માટે સારા સમાચાર આવ્યા છે. તહેવારોની સિઝનમાં જુલાઈથી મોંઘવારી ભથ્થા (DA Hike) માં વધારો મળવાની સત્તાવાર જાહેરાત થાય તે પહેલા જ સરકારે કેન્દ્ર સરકારના કર્મચારીઓને મોટી ભેટ આપી છે. સરકારની આ જાહેરાતથી હવે કર્મચારીઓ માટે ટ્રેનની મુસાફરી ઘણી સસ્તી થઈ ગઈ છે. કેન્દ્રીય કર્મચારીઓ હવે તેજસ, શતાબ્દી, રાજધાની જેવી ટ્રેનોમાં મફત અથવા ખૂબ ઓછા દરે મુસાફરી કરી શકશે. આ ભેટ કેન્દ્ર સરકાર દ્વારા સરકારી કર્મચારીઓને તેમના સત્તાવાર પ્રવાસ માટે આપવામાં આવી છે. સરકારના નવા નિયમ હેઠળ કેન્દ્ર સરકારના કર્મચારીઓ તેજસ એક્સપ્રેસ દ્વારા પ્રવાસ / તાલીમ / ટ્રાન્સફર / નિવૃત્તિ પર મુસાફરી કરી શકે છે. તેજસ એક્સપ્રેસમાં મુસાફરીને શતાબ્દી ટ્રેનની સમકક્ષ ગણવામાં આવશે.
ડિપાર્ટમેન્ટ ઓફ એક્સપેન્ડિચર (DoE) દ્વારા તાજેતરમાં બહાર પાડવામાં આવેલા ઓફિસ મેમોરેન્ડમમાં આ સંબંધિત માહિતી આપવામાં આવી છે. ઓફિસના મેમોરેન્ડમમાં તેજસ એક્સપ્રેસ દ્વારા મુસાફરી કરવાની સંમતિ આપવામાં આવી છે. કેન્દ્ર સરકારે પણ તેની મંજૂરી આપી દીધી છે. હવે કેન્દ્રીય કર્મચારીઓ પ્રવાસ / તાલીમ / ટ્રાન્સફર / નિવૃત્તિ દરમિયાન તેજસ એક્સપ્રેસ દ્વારા મુસાફરી કરી શકશે. વર્ષ 2017 ઓફિસ મેમોરેન્ડમ અનુસાર, સરકારી અધિકારીઓને પ્રીમિયમ ટ્રેનો / પ્રીમિયમ તત્કાલ ટ્રેનો દ્વારા મુસાફરી કરવાની મંજૂરી આપવાનો નિર્ણય લેવામાં આવ્યો હતો. આ ઉપરાંત વિભાગે સત્તાવાર પ્રવાસ/તાલીમ દરમિયાન શતાબ્દી/રાજધાની/દુરંતો ટ્રેનોમાં પ્રીમિયમ તત્કાલ ચાર્જ અને ડાયનેમિક/ફ્લેક્સી ટિકિટની ભરપાઈ કરવાની પણ મંજૂરી આપી હતી.
તાજેતરમાં રિટેલ ફુગાવાના ઊંચા દરને ધ્યાનમાં રાખીને કેન્દ્ર સરકારે મોંઘવારી ભથ્થામાં 4 ટકાના વધારાને મંજૂરી આપી છે. કેન્દ્રીય કર્મચારીઓ મોંઘવારી ભથ્થામાં વધારાની રાહ જોઈ રહ્યા છે. સરકારી કર્મચારીઓનું મોંઘવારી ભથ્થું જુલાઈથી મળવાનું છે. આમાં 4 ટકાનો વધારો નિશ્ચિત માનવામાં આવે છે. પરંતુ હજુ સુધી સરકાર તરફથી આ અંગે કોઈ સત્તાવાર નિવેદન આપવામાં આવ્યું નથી. હાલમાં કેન્દ્રીય કર્મચારીઓને 34 ટકા મોંઘવારી ભથ્થું મળે છે. 4 ટકાના વધારા બાદ તે 38 ટકા થઈ જશે. સરકારના આ નિર્ણયથી 47 લાખ કેન્દ્રીય કર્મચારીઓ અને 68 લાખ પેન્શનધારકોને ફાયદો થશે. આ અંગે સરકાર તરફથી 28 સપ્ટેમ્બરે જાહેરાત થવાની અપેક્ષા છે.