Technology Budget 2023: 5G સર્વિસ માટે 100 લેબની જાહેરાત, દરેકને મળશે સુપરફાસ્ટ ઈન્ટરનેટ સ્પીડ
સંસદમાં કેન્દ્રીય બજેટ 2023 રજૂ કરતા નાણામંત્રીએ 100 લેબ બનાવવાની જાહેરાત કરી હતી. આ નિર્ણયથી ટેલિકોમ જગતને ઘણી રાહત મળી છે. જણાવી દઈએ કે વડાપ્રધાન નરેન્દ્ર મોદીએ ગયા વર્ષે જ ભારતમાં 5G સેવાનું ઉદ્ઘાટન કર્યું હતું.
નાણામંત્રી નિર્મલા સીતારમણે 5G સેવાને પ્રોત્સાહન આપવા માટે બજેટમાં લેબ બનાવવાની જાહેરાત કરી છે. સંસદમાં કેન્દ્રીય બજેટ 2023 રજૂ કરતા નાણામંત્રીએ 100 લેબ બનાવવાની જાહેરાત કરી હતી. આ નિર્ણયથી ટેલિકોમ જગતને ઘણી રાહત મળી છે. જણાવી દઈએ કે વડાપ્રધાન નરેન્દ્ર મોદીએ ગયા વર્ષે જ ભારતમાં 5G સેવાનું ઉદ્ઘાટન કર્યું હતું. હાલમાં રિલાયન્સ જિયો અને એરટેલ દેશમાં 5G નેટવર્ક સુવિધા પૂરી પાડી રહી છે. તેમજ આ બજેટ 100 વર્ષની બ્લુ પ્રિન્ટ છે તેમ જણાવ્યું હતું.
આ પણ વાંચો: Union Budget 2023: બજેટમાં Digital India પર ભાર! ડિજિટલ લાઈબ્રેરીથી લઈ ઈ-કોર્ટ, જાણો કોને થશે ફાયદો
કેન્દ્રીય નાણાપ્રધાન નિર્મલા સીતારમણે બુધવારે ટોચની શૈક્ષણિક સંસ્થાઓ અને એન્જિનિયરિંગ સંસ્થાઓમાં 5G સેવાઓનો ઉપયોગ કરીને એપ્લિકેશન વિકસાવવા માટે આર્ટિફિશિયલ ઇન્ટેલિજન્સ માટે ત્રણ શ્રેષ્ઠતા કેન્દ્રોની જાહેરાત કરી હતી.
સીતારમણે જણાવ્યું હતું કે 5G સેવાઓનો ઉપયોગ કરીને એપ્લિકેશન વિકસાવવા માટે વિવિધ સત્તાવાળાઓ, નિયમનકારો, બેંકો અને અન્ય વ્યવસાયોના સહયોગથી એન્જિનિયરિંગ સંસ્થાઓમાં કુલ 100 લેબની સ્થાપના કરવામાં આવશે. તેમજ બિઝનેસ મોડલ અને રોજગાર ક્ષમતાને સમજવા માટે પ્રયોગશાળાઓ સ્માર્ટ ક્લાસરૂમ્સ, પ્રિસિઝન ફાર્મિંગ, ઇન્ટેલિજન્ટ ટ્રાન્સપોર્ટ સિસ્ટમ્સ અને હેલ્થકેર એપ્લિકેશન્સ જેવી અન્ય બાબતોને આવરી લેશે.”
નાણામંત્રીએ બજેટ ભાષણમાં આ જાહેરાત કરી
તેમણે કહ્યું, “ટોચની શૈક્ષણિક સંસ્થાઓમાં આર્ટિફિશિયલ ઈન્ટેલિજન્સ માટે ત્રણ સેન્ટર ઓફ એક્સેલન્સની સ્થાપના કરવામાં આવશે. અગ્રણી ઉદ્યોગ ગૃહો આંતરશાખાકીય સંશોધન કરવા, અત્યાધુનિક એપ્લિકેશનો વિકસાવવા અને કૃષિ, આરોગ્ય, ટકાઉ શહેરોના ક્ષેત્રોમાં સમસ્યાઓનું નિરાકરણ કરવા ભાગીદાર બનશે.
ટેલિકોમ સેક્ટર દેશનો મુખ્ય ઉદ્યોગ છે. 5G નેટવર્કની રજૂઆત પછી ભારતમાં લોકોને હાઈ સ્પીડ પર ઈન્ટરનેટ ચલાવવાની સુવિધા મળવા લાગી છે. જો કે, માત્ર પસંદગીના શહેરોમાં 5G ઈન્ટરનેટ કવરેજ છે, પરંતુ ટેલિકોમ કંપનીઓ વિવિધ શહેરોમાં ઝડપથી 5G શરૂ કરી રહી છે.
આઈટી મંત્રીએ સૂચવ્યો હતો પ્લાન
5Gના લોન્ચિંગ દરમિયાન કેન્દ્રીય કેબિનેટ મંત્રી અશ્વિની વૈષ્ણવે ટેલિકોમ ઉદ્યોગમાં 5G માટે 100 લેબ સ્થાપવાની વિનંતી કરી હતી. તેમણે આ 100 લેબમાંથી 12ને ઈન્ક્યુબેટરમાં રૂપાંતરિત કરવાનો પ્રસ્તાવ મૂક્યો હતો. આના દ્વારા ટેલિકોમ ક્ષેત્રમાં રસ ધરાવતા વિદ્યાર્થીઓને તાલીમ આપી શકાય છે અને પ્રયોગોને પ્રોત્સાહન આપી શકાય છે.
5G લેબ કેવી રીતે કામ કરશે
તે સ્પષ્ટ છે કે 5G લેબનો ઉપયોગ હાઈ-સ્પીડ ઈન્ટરનેટને પ્રોત્સાહન આપવા માટે કરવામાં આવશે. આ સિવાય પણ એવી ઘણી વસ્તુઓ છે જેમાં આ લેબ્સ ખૂબ જ મહત્વપૂર્ણ ભૂમિકા ભજવશે. આ લેબ ખાનગી ક્ષેત્રને સ્વચાલિત પરીક્ષણ સુવિધા પૂરી પાડશે. અકાદમી અને સરકાર સાથે સંકળાયેલા લોકો સાથે મળીને ભવિષ્ય સાથે જોડાયેલા ખ્યાલને વાસ્તવિકતામાં ફેરવી શકશે. મેન્યુફેક્ચરિંગ અને હેલ્થકેર જેવા વિવિધ ક્ષેત્રોમાં 5G નો ઉપયોગ વધુ સુધારી શકાય છે.
5G ઈન્ટરનેટના ફાયદા
રિલાયન્સ જિયો અને એરટેલ 5G સેવા પૂરી પાડી રહ્યા છે. 5G દ્વારા યુઝર્સ ન માત્ર સુપરફાસ્ટ સ્પીડનો લાભ પરંતુ ઓગમેન્ટેડ રિયાલિટી, વર્ચ્યુઅલ રિયાલિટી જેવી વસ્તુઓનો પણ લાભ લઈ શકે છે. આ ટેક્નોલોજીથી માત્ર ટેલિકોમ સેક્ટરને જ નહીં, પરંતુ અન્ય સેક્ટરને પણ ફાયદો થશે.
UPI ડિજિટલ ક્ષેત્રમાં ક્રાંતિ આવી: નિર્મલા સીતારમણ
આ સાથે બજેટ સ્પીચમાં નિર્મલા સીતારમણે કહ્યું કે ભારતનું અર્થતંત્ર 10મા નંબરેથી 5મા નંબરે પહોંચ્યુ. સાથે UPI ડિજિટલ ક્ષેત્રમાં ક્રાંતિ આવી હોવાનું પણ તેમણે જણાવ્યું.