Budget 2023 Date and Time: ક્યારે, ક્યાં અને કેવી રીતે જોઇ શકાશે બજેટનું LIVE Telecast, જાણો સંપૂર્ણ માહિતી
Union Budget 2023: નાણામંત્રી નિર્મલા સીતારમણ દ્વારા રજૂ થનારું આ પાંચમું બજેટ હશે. 2024ની સામાન્ય ચૂંટણી પહેલા આ છેલ્લું પૂર્ણ બજેટ હશે. ગત વર્ષની જેમ આ બજેટ પણ પેપરલેસ હશે. તમે કેન્દ્રીય બજેટ 2023નું લાઈવ ટેલિકાસ્ટ ક્યાં જોઈ શકો છો અને તમને બજેટ સંબંધિત નવીનતમ અપડેટ ક્યાંથી મળશે, ચાલો જાણીએ.
Budget 2023 Date Time: કેન્દ્રીય નાણાં પ્રધાન નિર્મલા સીતારમણ બુધવારે નાણાકીય વર્ષ 2023-24 માટે કેન્દ્રીય બજેટ રજૂ કરશે. ભારતના બંધારણની કલમ 112 મુજબ, કેન્દ્રીય બજેટ એ દસ્તાવેજ છે જે તે ચોક્કસ વર્ષ માટે સરકારની અંદાજિત આવક અને ખર્ચની વિગતો આપે છે. 2014માં સત્તામાં આવ્યા બાદ નરેન્દ્ર મોદીની આગેવાની હેઠળની ભાજપ સરકાર દ્વારા રજૂ કરવામાં આવનાર આ 11મું બજેટ હશે, જ્યારે 2019માં નાણાપ્રધાન પદ સંભાળ્યા બાદ સીતારામન દ્વારા આ પાંચમું બજેટ હશે.
2024માં થનારી સામાન્ય ચૂંટણી પહેલા આ છેલ્લું પૂર્ણ બજેટ હશે. છેલ્લા બે વર્ષના સામાન્ય બજેટની જેમ આ બજેટ પણ પેપરલેસ હશે. તમે કેન્દ્રીય બજેટ 2023નું લાઈવ ટેલિકાસ્ટ ક્યાં જોઈ શકો છો અને તમને બજેટ સંબંધિત નવીનતમ અપડેટ ક્યાંથી મળશે, ચાલો જાણીએ.
Budget 2023 Date & Time
નાણામંત્રી નિર્મલા સીતારમણ 1 ફેબ્રુઆરી, 2023ના રોજ સવારે 11 વાગ્યે સંસદમાં કેન્દ્રીય બજેટ રજૂ કરશે. કેન્દ્રીય બજેટ 2023નું જીવંત પ્રસારણ દૂરદર્શન અને સંસદ ટીવી પર થશે. બજેટનું લાઈવ ટેલિકાસ્ટ તેમની યુટ્યુબ ચેનલ પર પણ જોઈ શકાશે. આ સિવાય પ્રેસ ઈન્ફોર્મેશન બ્યુરો તેના ઓનલાઈન પ્લેટફોર્મ પર બજેટ 2023નું લાઈવ સ્ટ્રીમિંગ પણ કરશે. બજેટનું લાઈવ ટેલિકાસ્ટ સરકારના વિવિધ સોશિયલ મીડિયા પ્લેટફોર્મ જેમ કે ફેસબુક, ટ્વિટર અને યુટ્યુબ પર પણ જોઈ શકાશે.
પેપરલેસ બજેટ
મોદી સરકારના ગયા વર્ષના બજેટની જેમ આ વખતે પણ પેપરલેસ બજેટ હશે. આ ત્રીજી વખત હશે જ્યારે નાણામંત્રી નિર્મલા સીતારમણ સંસદમાં કાગળ વિના બજેટ ભાષણ વાંચશે. 2021 માં, સરકારે પ્રથમ વખત પેપરલેસ બજેટ રજૂ કર્યું. તે સમયે, સંસદના સભ્યો અને સામાન્ય જનતાને બજેટ દસ્તાવેજોની ઍક્સેસ પ્રદાન કરવા માટે સરકાર દ્વારા Union Budget Mobile App શરૂ કરવામાં આવી હતી.
નાણામંત્રી 1 ફેબ્રુઆરી, 2023 ના રોજ તેમનું બજેટ ભાષણ પૂર્ણ કરશે, ત્યારે બજેટ દસ્તાવેજો આ મોબાઇલ એપ્લિકેશન પર ઉપલબ્ધ થશે. આ મોબાઈલ એપ હિન્દી અને અંગ્રેજી ભાષામાં છે. તે Android અને iOS બંને પ્લેટફોર્મ પર ઉપલબ્ધ છે. આ એપ સામાન્ય બજેટના વેબ પોર્ટલ www.indiabudget.gov.in પર જઈને પણ ડાઉનલોડ કરી શકાય છે.
બજેટ 2023 લાઇવ અપડેટ્સ
તમને જણાવી દઈએ કે દર વર્ષે કેન્દ્ર સરકાર સંસદમાં બજેટ સત્રનું આયોજન કરે છે. આ બજેટ સત્રમાં દેશના આર્થિક વિકાસ અને અર્થવ્યવસ્થાને લગતા વિવિધ નિર્ણયો લેવામાં આવે છે. નાણામંત્રી આ બજેટ સત્રમાં જ આગામી નાણાકીય વર્ષ માટે દેશનું સામાન્ય બજેટ રજૂ કરે છે. તમે અમારી વેબસાઇટ https://tv9gujarati.com પર સામાન્ય બજેટ 2023 સંબંધિત તમામ મહત્વપૂર્ણ અપડેટ જોવા મળશે. તમે આ માટે અમારા સોશિયલ મીડિયા હેન્ડલ્સ અને યુટ્યુબ ચેનલનો પણ સંદર્ભ લઈ શકો છો.
