પિતૃદોષ શું છે, કુંડળીમાં કેવી રીતે રચાય છે આ દુર્યોગ ? જાણો કારણ અને ઉપાય
Pitra Dosh : જ્યોતિષ શાસ્ત્ર અનુસાર વ્યક્તિની કુંડળીમાં શુભ અને અશુભ બંને યોગ હોય છે. જન્મકુંડળીમાં પિતૃદોષના કારણે રોગો, માનસિક સમસ્યાઓ અને અન્ય ઘણી સમસ્યાઓ પણ વધી શકે છે. પિતૃદોષ દૂર કરવા માટે તમે આ ઉપાયો પણ કરી શકો છો.
Pitra Dosh: હિન્દુ ધર્મમાં જ્યોતિષશાસ્ત્રનું ખુબ મહત્વ છે. ગ્રહોના ગણિત અને કુંડળી આપણને ભવિષ્ય અંગે બનતી ઘટનાઓથી માહિતગાર કરે છે, આ કુંડળીમાં કેટલાક સારા અને ખરાબ યોગ પણ હોય છે. આમાનો જ એક દોષ છે પિતૃદોષ.જે લોકોની કુંડળીમાં પિતૃદોષ હોય છે તેમના પરિવારમાં ઝઘડા, અશાંતિ, અચાનક પૈસાની ખોટ, રોગો અને માનસિક સમસ્યાઓ વધે છે. ચાલો જાણીએ કુંડળીમાં પિતૃદોષ ક્યારે બને છે અને તેને દૂર કરવાના ઉપાયો…
પિતૃદોષ શું છે?
જ્યારે આપણા પૂર્વજોની આત્માઓ અસંતુષ્ટ હોય છે ત્યારે આ આત્માઓ પૃથ્વી પર રહેતા તેમના વંશજોને મુશ્કેલી આપે છે. આને પિતૃદોષ કહેવાય છે. હિન્દુ ધર્મમાં એવી માન્યતાઓ છે કે આપણા પૂર્વજોની આત્માને શાંતિ ન મળે તો એ દોષ બને છે. જેઓ તેમના પૂર્વજોનો અનાદર કરે છે અને તેમને નુકસાન પહોંચે છે, તેઓ દુ:ખી મૃત્યુ પામેલા આત્માઓ દ્વારા શાપિત થાય છે. આ શ્રાપ પિતૃદોષ કહેવાય છે.
જન્મકુંડળીમાં પિતૃદોષ ક્યારે બને છે?
પિતૃદોષની વાત કરીએ તો જ્યારે સૂર્ય, મંગળ અને શનિ લગ્ન ભાવમાં હોય છે અથવા વ્યક્તિની કુંડળીના પાંચમા ભાવમાં હોય તો પિતૃદોષની બને છે. આ સિવાય જ્યારે ગુરુ અને રાહુ આઠમા ભાવમાં સાથે બેસે છે ત્યારે પિતૃ દોષનું નિર્માણ થાય છે. જ્યારે રાહુ જન્મકુંડળીમાં કેન્દ્રમાં અથવા ત્રિકોણમાં હોય ત્યારે પિતૃદોષ રચાય છે. બીજી તરફ જ્યારે સૂર્ય, ચંદ્ર અને રાહુ સાથે બનાવે ત્યારે જન્મકુંડળીમાં પિતૃદોષ બને છે. જ્યારે કોઈ વ્યક્તિ પોતાના વડીલોનો અનાદર કરે છે અથવા તેમની હત્યા કરે છે ત્યારે તેને પિતૃદોષ લાગે છે.
પિતૃદોષના લક્ષણો
જ્યારે જાતકની કુંડળીમાં પિતૃદોષ હોય ત્યારે અનેક પ્રકારના અવરોધો આવે છે. લગ્નજીવનમાં અવરોધો આવે છે દામ્પત્ય જીવનમાં તણાવ રહે છે. ગર્ભાવસ્થામાં સમસ્યાઓ છે. બાળક અકાળે મૃત્યુ પામે છે. જીવનમાં દેવું અને નોકરીની સમસ્યાઓ છે.
પિતૃદોષ પણ આ કારણથી ઉત્પન્ન થાય છે.
જ્યારે કોઈ વ્યક્તિ પોતાના વડવાઓના યોગ્ય અંતિમ સંસ્કાર કરી શકતો નથી તો વડવાઓ ગુસ્સે થઈને તેમના પરિવારના સભ્યોને શાપ આપે છે. આ સિવાય જે વ્યક્તિ ધર્મ વિરુદ્ધ વર્તન કરે છે અથવા વડીલોનું અપમાન કરે છે. જો કોઈ પીપળ, લીમડો અને વડના ઝાડને કાપી નાખે અથવા સાપને મારી નાખે તો તેને પિતૃદોષનો સામનો કરવો પડે છે.
પિતૃદોષથી છુટકારો મેળવવાના ઉપાય
દર મહિનાની ચતુર્દશી તિથિએ પીપળાને દૂધ ચઢાવો. અમાસ પર શ્રીમદ ભાગવતના ગજેન્દ્ર મોક્ષનો પાઠ કરો. ઘરની દક્ષિણ દિશા પર પૂર્વજોના ફોટા લગાવો અને તેમની નિયમિત પૂજા કરો. પિતૃદોષ સંબંધિત શાંતિનું આયોજન કરો.
નોંધ: અહી આપવામાં આવેલી જાણકારી ધાર્મિક આસ્થાઓ અને લોક માન્યતાઓ આધારિત છે, જેનો કોઈ વૈજ્ઞાનિક આધાર નથી. સામાન્ય જનરૂચિને ધ્યાનમાં રાખીને આ લેખને અહી પ્રસ્તુત કરવામાં આવ્યો છે.
