શનિદેવની ચાલ બદલાવાની છે. તેની શરૂઆત થઈ ચૂકી છે. અત્યાર સુધી શનિ વક્રી હતા, જે ગત 23 ઓક્ટોબર, 2022થી માર્ગી થયા છે. મતલબ કે શનિ ચાલ ચાલી રહ્યા છે. હાલમાં શનિ મકર રાશિમાં ભ્રમણ કરી રહ્યો છે. આવતા વર્ષે એટલે કે 2023માં શનિ રાશિ પરીવર્તન કરશે. જે લોકોને શનિ અશુભ પરિણામ આપી રહ્યા હતા, તેમને રાશિ પરિવર્તન થતા જ શુભ ફળ મળશે.
નવું વર્ષ ખૂબ જ ખાસ છે. જ્યોતિષીય ગણતરીઓ અનુસાર કલિયુગના દંડદાતા શનિદેવ નવા વર્ષમાં તેમની રાશિ બદલી રહ્યા છે. જેની અસર મેષ થી મીન રાશિના લોકો પર પડશે. વર્ષ 2023એ સૌથી મહત્વપૂર્ણ રાશિ પરિવર્તનોમાંનું એક છે. પંચાંગ અનુસાર, 17 જાન્યુઆરી, 2023ના રોજ રાત્રે 8:02 વાગ્યે, શનિદેવ મકર રાશિ છોડીને કુંભ રાશિમાં ગોચર કરશે.
શનિ 30 વર્ષ પછી કુંભ રાશિમાં આવી રહ્યો છે. જ્યોતિષ શાસ્ત્ર અનુસાર શનિ કુંભ રાશિના સ્વામી છે. મતલબ કુંભ રાશિમાં 30 વર્ષ એક અદ્ભુત સંયોગ હશે. કુંભ રાશિમાં આવ્યા બાદ શનિદેવ દેશ અને દુનિયાની સાથે તમામ રાશિઓ પર અસર કરશે.
કુંભ રાશિમાં શનિનું સંક્રમણ થતાં જ 4 રાશિઓને વિશેષ રાહત મળશે. આ રાશિના જાતકો માટે શનિનું રાશિ પરિવર્તન ખૂબ જ ફાયદાકારક સાબિત થઈ શકે છે. જો જન્મકુંડળીમાં શનિ શુભ હોય તો શનિનું રાશિ પરિવર્તન નોકરી, કરિયર, દાંપત્ય જીવન વગેરે માટે શુભ સાબિત થશે. 17 જાન્યુઆરી, 2023થી ધન રાશિને શનિની સાડાસાતીથી મુક્તિ મળશે. બીજી તરફ મિથુન અને તુલા રાશિના જાતકોને શનિની ઢૈયાથી મુક્તિ મળશે. આ સાથે કુંભ રાશિ પર શનિની સાડા સાતીનો અંતિમ ચરણ શરૂ થશે. જે શુભ ફળ આપશે. આ રીતે શનિનું રાશિ પરિવર્તન આ ચાર રાશિના લોકો માટે સારું પરિણામ લાવી રહ્યું છે.
જો કુંડળીમાં બેઠેલો શનિ અશુભ પરિણામ આપી રહ્યો હોય તો કેટલીક બાબતોનું ખાસ ધ્યાન રાખવું. એવા કામ ન કરો જેનાથી શનિદેવની નારાજગી વધે. શનિદેવને શાંત કરવા માટે રાખો આ વાતોનું ધ્યાન-
ॐ निलान्जन समाभासं रविपुत्रं यमाग्रजम।
छायामार्तंड संभूतं तं नमामि शनैश्चरम॥
ऊँ त्रयम्बकं यजामहे सुगंधिम पुष्टिवर्धनम।
उर्वारुक मिव बन्धनान मृत्योर्मुक्षीय मा मृतात।।
શનિવારે મંત્રોની માળા જાપ કરવાથી શનિની અશુભતા દૂર થાય છે. આ સાથે શનિ ચાલીસાનો પાઠ પણ લાભદાયક માનવામાં આવે છે. આ સાથે તમે શનિવારે શનિદેવ સાથે જોડાયેલી વસ્તુઓનું દાન પણ કરી શકો છો.
નોંધ: અહી આપવામાં આવેલી જાણકારી ધાર્મિક આસ્થાઓ અને લોક માન્યતાઓ આધારિત છે, જેનો કોઈ વૈજ્ઞાનિક આધાર નથી. સામાન્ય જનરૂચિને ધ્યાનમાં રાખીને આ લેખને અહી પ્રસ્તુત કરવામાં આવ્યો છે.
Published On - 6:17 pm, Thu, 17 November 22