Nirjala Ekadashi : નિર્જળા એકાદશી વ્રત તૂટી જાય તો શું કરવું જોઈએ ? જાણો ઉપાય !
નિર્જળા એકાદશી 25 જૂને આવે છે. આ વ્રતને બધા એકાદશીના ઉપવાસોમાં સૌથી મુશ્કેલ માનવામાં આવે છે. જે દરમિયાન ભક્તો પાણી પીતા નથી કે ખોરાક ખાતા નથી. જો આ વ્રત આકસ્મિક રીતે તૂટી જાય છે, તો ચિંતા કરશો નહીં કારણ કે શાસ્ત્રોમાં કહેવાયું છે કે ભગવાન ભાવના ભૂખ્યા છે.
આ વર્ષે, નિર્જળા એકાદશીનું વ્રત 25 જૂને છે. આ વ્રતને ચોવીસ એકાદશીના ઉપવાસમાં સૌથી શુભ માનવામાં આવે છે. શાસ્ત્રો કહે છે કે જો કોઈ ભક્ત આખા વર્ષ દરમિયાન એક પણ એકાદશીનું વ્રત ન રાખી શકે અને આ વ્રત રાખે છે તો ભગવાન વિષ્ણુ સંપૂર્ણ ફળ આપે છે. જો નિર્જળા એકાદશીનું વ્રત આકસ્મિક રીતે તૂટી જાય છે, તો ઘણા શ્રદ્ધાળુઓના મનમાં આ પ્રશ્ન ઉઠે છે કે શું કોઈ મોટી સમસ્યા તો નહીં થાય? તો ચાલો જાણીએ તેના શું ઉપાયો છે.
એકાદશીનો સમય
દ્રિક પંચાંગ મુજબ, આ વખતે એકાદશી તિથિ 24 જૂનના રોજ સાંજે 6:12 વાગ્યે શરૂ થાય છે અને 25 જૂનના રોજ રાત્રે 8:09 વાગ્યા સુધી છે. તેથી, 25 જૂનના રોજ સવારે બ્રહ્મ મુહૂર્ત દરમિયાન સ્નાન કરવું ખૂબ જ સારૂં છે. આ નિર્જળા એકાદશી વ્રત કોઈપણ ખોરાક કે પાણી વિના રાખવામાં આવે છે.
જો વ્રત તૂટી જાય તો શું કરવું?
શાસ્ત્રો અને સંતોના જણાવ્યા મુજબ, ભગવાન હંમેશા ભક્તિના ભૂખ્યા હોય છે. જો કોઈ ઉપવાસ કરનાર એકાદશી વ્રત દરમિયાન અજાણતા એકાદશીના સમયે પાણી પી લે અથવા કંઈ ખાઈ લે, તો તેને જાણબૂઝીને કરેલી ભૂલ માનવામાં આવતી નથી. જો વ્રત તૂટી જાય તો સૌથી પહેલા ભગવાન વિષ્ણુ પાસે ક્ષમા માગવી જોઈએ
- ભક્તોએ ભગવાન વિષ્ણુને પ્રાર્થના કરવી જોઈએ, “હે ભગવાન, મેં ભૂલથી આ ભૂલ કરી છે, કૃપા કરીને તેનો સ્વીકાર કરો”
- “ૐ નમો ભગવતે વાસુદેવાય” મંત્રનો જાપ કરવું
- વિષ્ણુ સહસ્ત્રનામ અથવા ગીતાનો પાઠ કરવું
- તમારી ક્ષમતા મુજબ દાન કરવું
- દિવસભર સાત્વિક આચરણ રાખવું જોઈએ
- ઉપવાસની ભાવના જાળવી રાખવી
- કોઈ સાથે ખોટું અથવા કઠોર બોલવું નહીં
નિર્જળા એકાદશીની પૌરાણિક કથા
દ્રિક પંચાંગ અનુસાર, નિર્જળા એકાદશીને પાંડવ એકાદશી અને ભીમસેની એકાદશી તરીકે પણ ઓળખવામાં આવે છે. પાંડવોના બીજા ભાઈ ભીમસેન ખાવા-પીવાના ખૂબ જ શોખીન હતા અને પોતાની ભૂખને કાબૂમાં રાખી શકતા ન હતા, જેના કારણે તેઓ એકાદશીનું વ્રત રાખી શકતા ન હતા. ભીમ સિવાય અન્ય પાંડવ ભાઈઓ અને દ્રૌપદીએ વર્ષના બધા એકાદશીનું વ્રત સંપૂર્ણ ભક્તિભાવથી રાખતા હતા. ભીમસેન તેમની આ લાચારી અને નબળાઈથી પરેશાન હતા. તેમને લાગ્યું કે એકાદશીનું વ્રત ન રાખીને તેઓ ભગવાન વિષ્ણુનો અનાદર કરી રહ્યા છે. આ મૂંઝવણ દૂર કરવા માટે, ભીમસેન મહર્ષિ વ્યાસ પાસે ગયા જેમણે તેમને વર્ષમાં એક વાર નિર્જળા એકાદશીનું વ્રત રાખવાની સલાહ આપી, અને કહ્યું કે નિર્જળા એકાદશી વર્ષમાં ચોવીસ એકાદશીનું વ્રત રાખવા બરાબર છે. આ પૌરાણિક કથાને પગલે નિર્જળા એકાદશી ભીમસેની એકાદશી અને પાંડવ એકાદશી તરીકે જાણીતી બની.
નોંધ : અહીં, પૂરી પાડવામાં આવેલી વિગતો માત્ર વાસ્તુ, જ્યોતિષ અને રિપોર્ટ્સ મુજબ પર આધારિત છે. TV9 ગુજરાતી કોઈપણ પ્રકારની માહિતીને સમર્થન આપતું નથી.
