Royal Enfield ટૂંક સમયમાં લોન્ચ કરશે 650 cc એન્જિનવાળું બુલેટ, જાણો ક્યારે થશે લોન્ચ અને કેટલી હશે કિંમત
વર્તમાન ક્લાસિક 350 એ કંપનીના વેચાણમાં મોટો ફાળો આપ્યો છે, તેથી 'ક્લાસિક' નામનું ઘણું મહત્વ છે. Royal Enfield લગભગ 2022થી 650 cc એન્જિનવાળા મોટરસાઇકલ પર કામ કરી રહી છે, જે ટૂંક સમયમાં ભારતીય બજારમાં લોન્ચ કરવામાં આવી શકે છે.
Royal Enfield ટૂંક સમયમાં ભારતીય બજારમાં તેનું પાવરફૂલ મોટરસાઇકલ લોન્ચ કરવા જઇ રહી છે. કંપનીએ આ માટે ભારતમાં 650 cc એન્જિનવાળા બુલેટનું પરીક્ષણ પણ શરૂ કર્યું છે, જે લગભગ વર્તમાન મોડલ જેવું જ દેખાય છે. જો કે, મોટું એન્જીન લાવ્યા બાદ કેટલાક ફેરફારો ચોક્કસપણે કરવામાં આવ્યા છે. નવી બુલેટ 650 એક નવા પ્લેટફોર્મ પર બનાવવામાં આવી રહી છે જે અમુક ફેરફારો સાથે બજારમાં લોન્ચ કરવામાં આવશે.
નામ હશે Classic 650 Twin
વર્તમાન ક્લાસિક 350 એ કંપનીના વેચાણમાં મોટો ફાળો આપ્યો છે, તેથી ‘ક્લાસિક’ નામનું ઘણું મહત્વ છે. કંપની લગભગ 2022થી 650 cc મોટરસાઇકલ પર કામ કરી રહી છે, જે ટૂંક સમયમાં ભારતીય બજારમાં લોન્ચ કરવામાં આવશે. આ મોટરસાઇકલનું નામ “ક્લાસિક 650 ટ્વીન” રાખવામાં આવી શકે છે, કારણ કે કંપનીએ તેના માટે નવો નેમપ્લેટ ટ્રેડમાર્ક ફાઇલ કર્યો છે. એવી આશા છે કે Royal Enfield Classic 650 Twin આગામી મહિનામાં લોન્ચ થઈ શકે છે.
ડિઝાઇન અને ફીચર્સ
ક્લાસિક 650 ટ્વીનની ડિઝાઇન વિશે વાત કરીએ તો, હાલની ક્લાસિક 350 જેવી જ હશે. જો કે, મોટરસાઇકલને વધુ સસ્તી બનાવવા માટે તેમાં ઘણા ફેરફારો કરવામાં આવશે. જેમ કે આગળના ભાગમાં ટેલિસ્કોપિક ફોર્ક અને પાછળના ભાગમાં ટ્વીન શોક ઓબ્ઝર્વરનો ઉપયોગ કરવામાં આવી શકે છે.
ફીચર્સ વિશે વાત કરીએ તો, તેમાં ક્લાસિક 350 જેવું જ એનાલોગ ઇન્સ્ટ્રુમેન્ટ કન્સોલ, એક નાનો ડિજિટલ ઇનસેટ અને યુએસબી ચાર્જિંગ પોર્ટ મળવાની શક્યતા છે. Royal Enfield LED હેડલાઇટ સેટઅપ સાથે 650cc ક્લાસિક ઓફર કરી શકે છે. જો કે, હેડલેમ્પ પર એક નાનું કવર હશે જે આપણે 350cc મોટરસાયકલ અને હેલોજન પાયલોટ લેમ્પ પર પણ છે.
એન્જિન અને કિંમત
ક્લાસિક 650માં 648cc સમાંતર-ટ્વીન, ઓઇલ-કૂલ્ડ એન્જિન હશે, જે 47 bhp પાવર અને 52 Nm પીક ટોર્ક ઉત્પન્ન કરે છે. આ એન્જિનને સ્લિપ અને આસિસ્ટ ક્લચ દ્વારા 6-સ્પીડ ગિયરબોક્સ સાથે જોડવામાં આવશે. ક્લાસિક 650 તેની રેન્જમાં સૌથી સસ્તું મોડલ હોવાની અપેક્ષા છે, જે ઇન્ટરસેપ્ટરની નીચે સ્લોટ કરે છે. તેથી તેની કિંમત 3 લાખ રૂપિયાની આસપાસ રહેવાની ધારણા છે.
આ પણ વાંચો TVS એ લોન્ચ કર્યું સૌથી સસ્તું ઇલેક્ટ્રિક સ્કૂટર, કિંમત છે બસ આટલી
Latest News Updates
