
શું તમે પણ તમારી દીકરીને ઘરમાં એકલી મૂકીને કોઈ કામ માટે બહાર જાઓ છો? જો હા, તો સાવચેત થઈ જવાની જરૂર છે. સોશિયલ મીડિયા પર એક એવો વીડિયો વાયરલ થઈ રહ્યો છે, જેણે માતા-પિતાની ચિંતા વધારી દીધી છે. આ વીડિયો જોઈને દરેક માતા-પિતા વિચારવા મજબૂર થઈ ગયા છે કે જો ભૂલથી બાળકી દરવાજો ખોલી દેત તો શું થઈ શક્યું હોત?
સોશિયલ મીડિયા પર વાયરલ થઈ રહેલા વીડિયોમાં જોવા મળે છે કે એક બાળકી ઘરમાં એકલી છે. અચાનક ઘરની બહાર હાજર એક અજાણ્યો શખ્સ બારી ખોલવાનો પ્રયાસ કરે છે. બારી ખુલતાં જ તે ઘરની અંદર હાથ નાખવાનો પ્રયાસ કરે છે. આ જોઈને બાળકી કોઈક રીતે બારી બંધ કરી દે છે. જોકે, શખ્સ વારંવાર બારી ખોલવાનો પ્રયાસ કરતો રહે છે.
બાળકી બારી બંધ કરી દેવા છતાં શખ્સ હાર માનતો નથી. તે પોતાના સાથી સાથે તરત જ ઘરના દરવાજા પાસે પહોંચે છે અને જોરજોરથી દરવાજો ખખડાવવા લાગે છે. આ સ્થિતિમાં બાળકી ગભરાતી નથી. તે તરત જ પોતાના પરિચિતોને ફોન કરીને સમગ્ર ઘટનાની જાણ કરે છે. આ જોઈને બંને શખ્સો ત્યાંથી ફરાર થઈ જાય છે. સોશિયલ મીડિયા પર લોકો બાળકીની સમજદારીની પ્રશંસા કરી રહ્યા છે. સાથે જ આ શખ્સો સામે કડક કાર્યવાહી કરવાની માગ પણ કરી રહ્યા છે.
આ વીડિયો સુનીલ બિશ્નોઈ નામના એક યુઝરે શેર કર્યો છે. તેમણે કેપ્શનમાં સવાલ કર્યો છે કે શું આપણે આપણી દીકરીને ઘરમાં એકલી છોડી શકીએ? કારણ કે કેટલાક અસામાજિક તત્ત્વો ઘરની આસપાસ જ ફરતા હોય છે.
આ વીડિયો પર યુઝર્સ અલગ-અલગ પ્રતિક્રિયાઓ આપી રહ્યા છે. એક યુઝરે લખ્યું કે દીકરીને ઘરમાં એકલી છોડવી જોઈએ નહીં. અન્ય એક યુઝરનું કહેવું છે કે જો દીકરીને એકલી મૂકવી મજબૂરી હોય, તો ઘરની સુરક્ષા માટે પૂરતી વ્યવસ્થા કરવી જોઈએ. જેથી કોઈ અજાણી વ્યક્તિ ઘરમાં પ્રવેશી ન શકે અને બાળકી સુરક્ષિત રહી શકે.
નોંધ : આ વીડિયો X (અગાઉનું ટ્વિટર) પ્લેટફોર્મ પર @MSunilBishnoi નામના યુઝર દ્વારા શેર કરવામાં આવ્યો છે. TV9 ગુજરાતી દ્વારા આ વીડિયોની સ્વતંત્ર રીતે પુષ્ટિ કરવામાં આવી નથી.