ભારતમાં શિયાળો, ઉનાળો અને ચોમાસુ આ રીતે ત્રણ પ્રકારની ઋતુઓ હોય છે. હવામાન વિભાગ દ્વારા તેને લઇને આગાહી કરવામાં આવે છે. TV9 ગુજરાતી દ્વારા આ રોજે રોજના હવામાન વિશે આગાહી કરવામાં આવે છે.જેને લગતા સમાચાર વાંચવા માટે અહીં ક્લિક કરો.
Breaking News : થોડા જ કલાકમાં ગુજરાતમાં ભુક્કા બોલાવશે વરસાદ! 5 જિલ્લામાં કમોસમી વરસાદની આગાહી, હવામાન વિભાગે જાહેર કર્યું યેલો એલર્ટ
ગુજરાત રાજ્યના વાતાવરણમાં અચાનક પલટો નોંધાયો છે. હવામાન વિભાગ દ્વારા દક્ષિણ ગુજરાતના વિસ્તારો માટે કમોસમી વરસાદની આગાહી કરવામાં આવી છે. ખાસ કરીને આગામી કલાકોમાં હવામાનમાં ઝડપી ફેરફાર થવાની શક્યતા વ્યક્ત કરવામાં આવી છે.
ગુજરાત રાજ્યના વાતાવરણમાં અચાનક પલટો નોંધાયો છે. હવામાન વિભાગ દ્વારા દક્ષિણ ગુજરાતના વિસ્તારો માટે કમોસમી વરસાદની આગાહી કરવામાં આવી છે. ખાસ કરીને આગામી કલાકોમાં હવામાનમાં ઝડપી ફેરફાર થવાની શક્યતા વ્યક્ત કરવામાં આવી છે.
11 વાગ્યા સુધીનું નાઉકાસ્ટ જાહેર
હવામાન વિભાગે સવારે 11 વાગ્યા સુધી માટે પાંચ જિલ્લાઓમાં નાઉકાસ્ટ જાહેર કર્યું છે. તેમાં સુરત, ભરૂચ, તાપી, નર્મદા અને છોટા ઉદેપુર જિલ્લાઓમાં કમોસમી વરસાદની શક્યતા દર્શાવવામાં આવી છે. કેટલાક વિસ્તારોમાં ગાજવીજ સાથે છૂટાછવાયા ઝાપટાં પડી શકે છે.
હવામાન વિભાગે જાહેર કર્યુ એલર્ટ
આ પરિસ્થિતિને ધ્યાનમાં રાખીને હવામાન વિભાગે યેલો એલર્ટ પણ જાહેર કર્યું છે. ખેડૂતોને ખાસ સાવચેતી રાખવાની સલાહ આપવામાં આવી છે, કારણ કે આ અચાનક વરસાદ પાકને અસર કરી શકે છે. ખાસ કરીને કાપણી માટે તૈયાર ઉભા પાકને નુકસાન થવાની ભીતિ વ્યક્ત કરવામાં આવી રહી છે.
આ તરફ અમદાવાદ સહિત રાજ્યના અનેક જિલ્લાઓમાં વાદળછાયું વાતાવરણ જોવા મળી રહ્યું છે. તાપમાનમાં થોડો ઘટાડો નોંધાયો છે અને પવનની ગતિમાં પણ વધારો થયો છે. હવામાન નિષ્ણાતોના જણાવ્યા મુજબ પશ્ચિમ દિશાથી આવતી ભેજયુક્ત પવન અને વાતાવરણમાં સર્જાયેલા દબાણના ફેરફારને કારણે આ પરિસ્થિતિ ઊભી થઈ છે. આગામી 24 કલાક સુધી વાતાવરણ અસ્થિર રહેવાની શક્યતા વ્યક્ત કરવામાં આવી છે.
નાગરિકોને અનાવશ્યક મુસાફરી ટાળવા અને વીજળી-ગાજવીજ દરમિયાન ખુલ્લા મેદાનોમાં ન જવાની સૂચના આપવામાં આવી છે. હવામાન વિભાગની તાજી અપડેટ પર નજર રાખવાની પણ અપીલ કરવામાં આવી છે.
અમદાવાદમાં સીઝનમાં પ્રથમવાર મહત્તમ તાપમાન 35 ડિગ્રીથી વધુ
મહત્વનું છે કે અમદાવાદમાં સીઝનમાં પ્રથમવાર મહત્તમ તાપમાન 35 ડિગ્રીથી વધુ નોંધાયું છે અને રાત્રિનું લઘુત્તમ તાપમાન 18.2 ડિગ્રી રહ્યું છે, જ્યારે આગામી અઠવાડિયા સુધી રાત્રે ઠંડી અને દિવસે ગરમીનો માહોલ રહેવાની શક્યતા છે; રાજ્યના 7 શહેરોમાં પારો 35 ડિગ્રીથી ઉપર રહ્યો છે જેમાં રાજકોટ અને અમરેલીમાં 35.9 ડિગ્રી, અમદાવાદ અને સુરતમાં 35.4 ડિગ્રી તેમજ વડોદરા અને ભુજમાં 35.2 ડિગ્રી મહત્તમ તાપમાન નોંધાયું છે.
Published On - 9:30 am, Mon, 23 February 26
