દીપકને હજુ હમણાં જ આઈટી કંપનીમાં નોકરી મળી છે. તેમના પારિવારિક આર્થિક સલાહકારે તેમને એક ટર્મ વીમો (TERM INSURANCE) લેવાની સલાહ આપી છે. પણ દીપકનો તર્ક છે કે, ના તો મારા લગ્ન થયા છે અને ના તો મારા પર કોઈ જવાબદારી (RESPONSIBILITY) છે. તો પછી હું ટર્મ પોલીસી (POLICY)નું શું કરીશ ? જો તમે પણ દીપકની વાતથી સહમત છો તો જરા ચેતી જજો. કારણ કે, ટેક્સ અને ઇન્વેસ્ટમેન્ટ એક્સપર્ટ તમારા આ તર્કથી સહતમ નથી. તેમની સલાહ છે કે, જો તમારા માથે અત્યારે જવાબદારી નથી, તો તેનો અર્થ એ નથી કે, ભવિષ્યમાં પણ નહીં હોય.
ભવિષ્યમાં તમને ટર્મ ઇન્શ્યોરન્સ આટલા ઓછા પ્રીમિયમ પર મળશે તેની પણ કોઈ ગેરન્ટી નથી. એટલે ટર્મ ઇન્શ્યોરન્સ વહેલો લેવો સમજદારી છે. કોરોનાએ તો એ સમજાવી જ દીધું છે કે મોટી બીમારી યુવા અને વડીલો વચ્ચે કોઈ ભેદ નથી કરતી. જો તમે પહેલેથી જ કોઈ બીમારીથી પીડાઈ રહ્યાં છો, તો તમને ટર્મ વીમો લેવામાં ચોક્કસપણે મુશ્કેલી પડશે અને તે મોંઘો પણ હશે. એટલે જ સમજદારી તેમાં છે કે, તમે નાની ઉંમરમાં જ, નોકરીએ લાગો ત્યારથી જ ટર્મ ઇન્શ્યોરન્સ લઇ લો.
આ પણ જુઓ
આ પણ જુઓ