Making of Kamathipura : આલિયા ભટ્ટની ‘ગંગુબાઈ કાઠિયાવાડી’ (Gangubai Kathiawadi) દર્શકોને ઘણી પસંદ આવી હતી. ક્રિટિક્સે પણ આ ફિલ્મની ખૂબ પ્રશંસા કરી હતી. આ ફિલ્મના નિર્માણ દરમિયાન સંજય લીલા ભણસાલી (Sanjay Leela Bhansali)એ ઘણી મહેનત કરી છે. આ વિશે બધા જાણે છે કે, સંજય લીલા ભણસાલી પોતાની ફિલ્મ પૂરી કરવા માટે તમામ તાકાત લગાવી દે છે. આલિયા ભટ્ટની આ ફિલ્મ સાથે પણ કંઈક આવું જ થયું છે. તાજેતરમાં જ જાહેરાત કરવામાં આવી છે કે ‘ગંગુબાઈ કાઠિયાવાડી‘ ફિલ્મ હવે નેટફ્લિક્સ પર રિલીઝ થશે. આવી સ્થિતિમાં, ફિલ્મ નિર્માતાઓએ આ ફિલ્મનો BTS (બિહાઈન્ડ ધ સીન) વીડિયો સોશિયલ મીડિયા પર શેર કર્યો છે.
નિર્માતાઓનું માનવું છે કે, આ વીડિયોમાં દર્શકોને જે ફિલ્મ જોવાનો આનંદ આવે છે તેની પાછળની મહેનત બતાવવામાં આવી છે. આલિયા ભટ્ટ પણ આ વીડિયોમાં કહેતી જોવા મળી રહી છે કે સંજય લીલા ભણસાલીનું કામ અલગ છે. ફિલ્મના શૂટિંગ દરમિયાન ગીતોથી લઈને ફિલ્મના સેટ સુધી સંજય લીલા ભણસાલીના વિચારો હાજર રહ્યા છે.
ગંગુબાઈ કાઠિયાવાડીના નિર્માતાઓએ કેપ્શન સાથે ફિલ્મના સેટ પરથી એક BTS ક્લિપ શેર કરી, કહાનીના જીવનને બદલવા માટે, એક દ્રષ્ટિ સાથે પ્રેમ અને લાગણીની મહેનતની જરૂર છે. અમે તમને આ વખતે ફિલ્મ નિર્માતા સંજય લીલા ભણસાલીના લેન્સ દ્વારા કમાઠીપુરાની દુનિયા લઈને આવ્યા છીએ.
આલિયાએ આગળ કહ્યું- જ્યારે હું પહેલીવાર કમાઠીપુરાની શેરીઓમાંથી પસાર થઈ હતી, ત્યારે મને વિશ્વાસ નહોતો થતો કે આ ફિલ્મનો સેટ છે. જે રીતે દુકાનોમાં વાસણો રાખવામાં આવ્યા હતા, સિનેમા હોલ બનાવવામાં આવ્યા હતા, તે એક અલગ જ દુનિયા હતી.
આ પણ વાંચો :