Russia Ukraine War: ‘પુતિન જો હું તમારી માતા હોત…’ અમેરિકન અભિનેત્રીએ કંઈક એવું કહ્યું કે થઈ ગઈ ટ્રોલ

Russia Ukraine War: રશિયા અને યુક્રેન વચ્ચે યુદ્ધ થઈ રહ્યું છે. રશિયા યુક્રેનના શહેરો પર બોમ્બમારો કરી રહ્યું છે. આ દરમિયાન દુનિયાભરના લોકો શાંતિની અપીલ કરી રહ્યા છે. દરેક વ્યક્તિ ઈચ્છે છે કે આ યુદ્ધ જલ્દી ખતમ થાય. અમેરિકન અભિનેત્રી એન્નાલિન મેકકોર્ડે (AnnaLynne McCord) પણ સોશિયલ મીડિયા દ્વારા હુમલાઓ બંધ કરીને રશિયાને (Russia) શાંતિની અપીલ કરી છે. જો કે તેના વીડિયોમાં એક્ટ્રેસ મેકકોર્ડે કંઈક એવું કહ્યું કે, લોકોએ તેને ખરાબ રીતે ટ્રોલ કરવાનું શરૂ કરી દીધું. વાસ્તવમાં વીડિયોમાં અભિનેત્રીએ એક કવિતા દ્વારા રશિયન રાષ્ટ્રપતિ વ્લાદિમીર પુતિનની (Russian President Vladimir Putin) માતા બનવાની ઈચ્છા વ્યક્ત કરી હતી. જે બાદ લોકોએ તેની મજાક ઉડાવવાનું શરૂ કરી દીધું હતું.

2 મિનિટ 20 સેકન્ડનો આ વીડિયો સોશિયલ મીડિયા પર ખૂબ જ ઝડપથી વાયરલ થઈ રહ્યો છે. જેમાં 34 વર્ષીય અભિનેત્રી એન્નાલિન મેકકોર્ડ કવિતા દ્વારા કહેતી સાંભળી શકાય છે, ‘પ્રિય રાષ્ટ્રપતિ વ્લાદિમીર પુતિન. હું તમારી માતા નથી એનો મને ખૂબ જ અફસોસ છે. જો હું તારી માતા હોત તો હું તને ખૂબ જ પ્રેમ કરતી હોત.’ આ સાથે અભિનેત્રીએ વીડિયોમાં એ પણ જણાવ્યું કે, જો પુતિનનો પોતે ઉછેર કરત તો પુતિનનું જીવન કેવી રીતે અલગ હોત. અભિનેત્રીની આ કવિતા માટે સોશિયલ મીડિયા પર તેની મજાક ઉડાવવામાં આવી રહી છે. યુઝર્સ તેને ખૂબ ટ્રોલ કરી રહ્યા છે.

જૂઓ વીડિયો…….

વીડિયોમાં અભિનેત્રી એન્નાલિન મેકકોર્ડે કહ્યું છે કે, “જો હું તારી માતા હોત, જો દુનિયા ઠંડી હોત, તો હું તને ગરમ રાખવા માટે મરી ગઈ હોત.” તને જીવન આપવા માટે હું મારો જીવ આપી દેત. અભિનેત્રી આગળ કહે છે કે, હું માની શકતી નથી કે હું રશિયન નેતા (પુતિન)ની માતા બનવામાં બહુ મોડેથી જન્મી છું.

એક્ટ્રેસના વીડિયો પર લોકોએ આવી આપી પ્રતિક્રિયાઓ