News9 Global Summitનું આયોજન જર્મનીમાં કરવામાં આવ્યુ છે. આ ગ્લોબલ સમિતિનો પ્રારંભ ગઈકાલથી થયો છે. આ કાર્યક્રમના ઉદ્ધાટનમાં કેન્દ્રીય મંત્રી અશ્વિની વૈષ્ણવ અને જ્યોતિરાદિત્ય સિંધિયા હાજર રહ્યાં હતા. ન્યૂઝ 9ની આ વૈશ્વિક સમિટમાં દેશ અને દુનિયાના ઘણા મોટા ચહેરાઓ ભાગ લઈ રહ્યા છે.
જર્મનીની ધરતી પર ભારતની ઉભરતી સ્થિતિ અને દિશા પર ચર્ચા થશે. જર્મન સંસ્કરણના આ ભવ્ય પ્લેટફોર્મની શરૂઆત Tv9 નેટવર્કના MD અને CEO બરુણ દાસ દ્વારા કરવામાં આવી હતી. માય હોમ ગ્રુપના વાઈસ ચેરમેન રામુ રાવ જુપલ્લીએ આંત્રપ્રિન્યોરશીપ વિષય પર વક્તવ્ય આપ્યુ હતુ. તેમણે કહ્યું કે આજે ભારત બદલાઈ ગયું છે અને નવી ઊર્જા સાથે આગળ વધી રહ્યું છે.