Sign In

By signing in or creating an account, you agree with Associated Broadcasting Company's Terms & Conditions and Privacy Policy.

મહારાષ્ટ્ર વીડિયો: બાળકોને ‘ડે કેર'માં મૂકતા પહેલાં ચેતજો ! ડોમ્બિવલીમાં ચાલતા હેપ્પી કિડ્સ ડે કેરમાં બાળકોને માર મારવાની ઘટના

મહારાષ્ટ્ર વીડિયો: બાળકોને ‘ડે કેર’માં મૂકતા પહેલાં ચેતજો ! ડોમ્બિવલીમાં ચાલતા હેપ્પી કિડ્સ ડે કેરમાં બાળકોને માર મારવાની ઘટના

| Updated on: Mar 22, 2024 | 11:46 AM

માતા-પિતા માટે લાલબત્તી સમાન ઘટના મુંબઈના ડોમ્બિવલીમાંથી પણ સામે આવી છે. માતા-પિતા બન્ને જ્યારે નોકરિયાત હોય ત્યારે ઘરે બાળકને સંભાળનાર કોઈ ન હોય ત્યારે તેઓ તેમના વ્હાલસોયા બાળકને  કોઈ "ડે કેર"માં મૂકતા હોય છે. પરંતુ ડોમ્બિવલીના એક આવાં જ "ડે કેર"માંથી ખૂબ જ ભયાવહ દૃશ્યો સામે આવ્યા છે.

મહારાષ્ટ્રના થાણે જિલ્લાના ડોમ્બિવલીમાં ચાલતા એક બેબી સિટિંગ સેન્ટરમાંથી કંઈક એવાં દૃશ્યો સામે આવ્યા કે બાળકોના માતા-પિતા હેબતાઈ જ ગયા. “હેપ્પી કિડ્સ ડે કેર”માં કે જ્યાં તેઓ પોતાના કાળજાના કટકાને ખૂબ જ વિશ્વાસ સાથે ડે કેરમાં મૂકીને નોકરીએ જતાં હતા. ત્યાં બાળકોને ન માત્ર ધમકાવવામાં આવતા હતા. પરંતુ તેમના ઉપર હાથ પણ ઉપાડવામાં આવતો હતો.

બાળકો સાથે અમાનવીય વ્યવહારના આ દૃશ્યો હાલ વાયરલ છે. અને તેમાં જોઈ શકાય છે તેમ આ બેબી સિટિંગ સેન્ટરમાં ખૂબ જ નાની ઉંમરના ભૂલકાંઓને રાખવામાં આવ્યા હતા. પણ, આખો દિવસ મા-બાપથી દૂર રહેતા આ બાળકોને હૂંફ આપવાને બદલે તેમની સાથે ક્રૂરતા આચરવામાં આવી રહી હતી.

જ્યાં હસવાના અને બાળકોની કાલી-ઘેલી ભાષાના અવાજો ગુંજવા જોઈતા હતા. ત્યાં સતત બાળકોના રડવાના અવાજો જ સંભળાઈ રહ્યા હતા. પણ, નવાઈની વાત તો એ હતી કે રડતા બાળકોને ચૂપ કરવા માટે પણ તેમને ધમકાવવામાં આવતા હતા ! આખરે આ સમગ્ર ઘટના સામે આવતા બાળકોના માતા-પિતાએ રામનગર પોલીસ સ્ટેશનમાં બેબી સિટિંગ ચલાવનાર દંપતી ગણેશ પ્રભુણે અને આરતી પ્રભુણે તેમજ રાધા નામની એક મહિલા વિરુદ્ધ ફરિયાદ નોંધાવી છે.

દેશભરના તમામ સમાચાર વાંચવા માટે અહીં ક્લિક કરો

Published on: Mar 22, 2024 11:35 AM
g clip-path="url(#clip0_868_265)">