Jayeshbhai Jordaar Trailer : રણવીર સિંહ સ્ટારર ‘જયેશભાઈ જોરદાર’ (Jayeshbhai Jordaar Trailer)ની રિલીઝ નજીક આવી રહી છે અને નિર્માતાઓ દર્શકોમાં આ ફિલ્મ વિશે ઉત્સુકતા વધારવામાં કોઈ કસર છોડી રહ્યા નથી. આજે એટલે કે મંગળવારે ફિલ્મના નિર્માતાઓ દ્વારા ‘જયેશભાઈ જોરદાર‘નું ટ્રેલર રિલીઝ કરવામાં આવ્યું છે. આ ટ્રેલરમાં રણવીર સિંહ (Ranveer Singh) એકદમ અલગ ભૂમિકા ભજવતો જોવા મળી રહ્યો છે, જેમાં તે પહેલા ક્યારેય જોવા મળ્યો નથી. રણવીર સિંહના ફેન્સને આ લુક ખૂબ જ શાનદાર લાગી રહ્યો છે. આ એક સોશિયલ ડ્રામા ફિલ્મ છે, જે 13 મેના રોજ સિનેમાઘરોમાં રિલીઝ થઈ રહી છે.
ટ્રેલરની શરૂઆત એક નાની છોકરીના વિઝ્યુઅલથી થાય છે જે ગામના વડા એટલે કે બોમન ઈરાનીને ગામમાં દારૂ પર પ્રતિબંધ મૂકવાનું કહે છે. પરંતુ આખી સભામાં જવાબ આપનાર મુખિયાને સાંભળીને સૌ દંગ રહી જાય છે. બોમન એસ ફિલ્મમાં જયેશભાઈ એટલે કે રણવીર સિંહના પિતાનો રોલ કરી રહ્યો છે. તે એવી જગ્યાએ રહે છે જ્યાં છોકરીઓ પર ધ્યાન આપવામાં આવતું નથી. ટ્રેલર જોઈને લાગે છે કે આ ફિલ્મ કોમેડીથી ભરપૂર હશે, પરંતુ તેમાં એક ખૂબ જ મહત્વપૂર્ણ સામાજિક મુદ્દો ઉઠાવવામાં આવશે.
યશ રાજ બેનર હેઠળ નિર્મિત આ ફિલ્મ દિવ્યાંગ ઠક્કર દ્વારા નિર્દેશિત કરવામાં આવી રહી છે. આ ફિલ્મમાં રણવીર સિંહ સિવાય બોમન ઈરાની, શાલિની પાંડે, દીક્ષા જોશી અને રત્ના પાઠક શાહ મહત્વની ભૂમિકામાં જોવા મળશે. કોમેડી સાથે આ ફિલ્મ એક સામાજિક મુદ્દો પણ ઉઠાવવા જઈ રહી છે.
રણવીર સિંહ તેની આગામી ફિલ્મને લઈને ખૂબ જ ઉત્સાહિત છે. ફિલ્મ વિશે વાત કરતાં રણવીર સિંહે કહ્યું કે હું ધન્ય અને ભાગ્યશાળી છું કે મને આવી અદ્ભુત સ્ક્રિપ્ટ્સ મળી છે જે લોકોના દિલને સ્પર્શી જાય છે. હું તેમનો આભારી છું અને એ ભૂમિકાઓને પડદા પર જીવંત કરવા માટે મેં જે કામ કર્યું છે તેના માટે મને ગર્વ પણ છે. હું હંમેશા માનતો આવ્યો છું કે જો મારે દેશનો શ્રેષ્ઠ અભિનેતા અથવા મનોરંજન કરનાર બનવું હોય તો મારે એવા કામ કરવા પડશે જે કોઈ કરવાનો પ્રયાસ ન કરે.
પોતાના નિવેદનમાં રણવીર સિંહે વધુમાં જણાવ્યું હતું કે જયેશભાઈ જોરદાર એક એવી ફિલ્મ છે જેનો ભાગ બનીને હું ખૂબ જ ખુશ છું, કારણ કે તેણે મને ફરી એક એવું પાત્ર બનવાની પ્રેરણા આપી છે
વધુ સમાચાર વાંચવા માટે અમારી ટ્વીટર કોમ્યુનિટીમાં જોડાવા અહીં ક્લિક કરો
આ પણ વાંચો :